Ibrani 7:20 - Buk Niu In Hida Balu nol Dehet deng Apan-kloma ki in Dadi ka

^20-21 Hmunan nu, oras Ama Lamtua Allah nikit Lewi in hua-koet tas le daid tulu agama ka, Un hida, nol nikit sumpa saa nol oen lo. Mo dedeng Ama Lamtua Allah nikit Yesus le daid tulu agama ka, Un hid noan, “Auk niam, Lamtua! Auk sumpa, Auk seda asa man Auk in hid son ni lo. Auk nikit Ku daid tulu agama, le Ku lako-daek Ku osa la tutungus.”

Ibrani 7:20 ပူးပေါင်းရင်းမြစ်များ

Ibrani 5:6

Nol muik in dula pait noan, “Ku daid tulu agama man hnika mes el Melkisedek hmunan nua ka, molam Ku daid tulu agama didiin hidi nutus taan lo.”

Ibrani 7:19

Undeng atuli li nuil muid atorang blaan nas kon no, oen muik kula-sala nabale. Tiata halas nia, Ama Lamtua sai lalan banan dui son, le halin nam kit haup in nuil daem nol Una.