Ibrani 7:14 - Buk Niu In Hida Balu nol Dehet deng Apan-kloma ki in Dadi ka

¹⁴ Mo totoang atuli li tana noan, kit Lamtuan Yesus Kristus huan deng ngaal Yahuda. Molota muid upung Musa atorang nga lam, muik tulu agama deng ngaal na lo.

Ibrani 7:14 ပူးပေါင်းရင်းမြစ်များ

Dehet deng Apan-kloma ki in Dadi ka 46:12

Yahuda nol un anan nas: Sela, Peres nol Sera. Yahuda ana didang, Er nol Onan mates son se Kana'an. Un kon kil nol Peres anan nas: Hesron nol Hamul.

Dehet deng Apan-kloma ki in Dadi ka 49:10

Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una.

Matius 2:6

‘Hoe! Mi atuil Betlehem man in ne propinsi Yudea me. Mi boel nangan noan, mi ingu la, suma iung ana mesa, man muik nahin lo ka deken. Ta mam muik atuil tene at mes daid deng iung na. Mam Un daid atuil in lolo-poa taung Auk atulin Israel las.’ ”

Lukas 1:43

Auk kon haup in naka, undeng auk Lamtuan na ina ka maa tutnaal nol au.

Lukas 3:33

Nahason ama ka ngala, Aminadab. Aminadab ama ka ngala, Admin. Admin ama ka ngala, Ami. Ami ama ka ngala, Hesron. Hesron ama ka ngala, Peres. Peres ama ka ngala, Yahuda.

Yuhanis 20:13

Oen keket un noan, “Tasao le ku lilu kia?” Kon un situs noan, “Auk lilu, undeng oen kat lail-niin auk Lamtuan na nitun na son. Mo oen laok nene Un ne ola kam, auk tanan lo.”

Yuhanis 20:28

Tomas siut noan, “Idaah Papa! Halas-sam auk parsai baktetebes! Paap niam mo auk Tuang, nol auk Lamtua Allahn!”

Roma 2:3

Tamlom elola? Bet mi muik in nangan pait noan, “Atuil in daek dadaat tas haup hukung deng Ama Lamtua lam, toma.” Molota mi daek dadaat banansila el oen kon. Mo mi nangan noan, “Kaim tom Ama Lamtua in hukung nga lo.” Tasao le mi nangan ela lia?

Efesus 1:3

Naka-nahalit Ama Lamtua Allah, kit Lamtuan Yesus Kristus Ama ka! Ta Ama Lamtua bel kit hangun mamamo son deng sorga, undeng kit daid Yesus Kristus atulin son.

Ibrani 7:13

Na langa son noan, tulu agama tuladang balu ka, mo Yesus na. Ta ngaal didang hua Una, mo deng ngaal Lewi la lo. Muid upung Musa atorang nga lam, tulu agama tuladang el Harun, suma maa deng ngaal Lewi la tuun, boel deng ngaal didang lo.

Ibrani 7:15

Mo Ama Lamtua Allah pake atorang blaan na pait lo son, undeng halas ni muik Yesus, man daid tulu agama tuladang balu, banansila el Melkisedek.

Apan-kloma Hnika Balu 22:16

Auk niam, Yesus. Auk man tadu Auk ima-ii la maa deng sorga, le tek puting dais nias totoang, halin mam mi laok tek Auk in hida ki bel jemaat iut nas. Auk nia mo laih Daud in hua-koet. Auk nia mo Laih man in kil bandu. Auk kaloen na, langa isi, tuladang el Paplome ka. Auk langa ka muun isi, banansila el Duun Tuan Peke Langa ka.”

Apan-kloma Hnika Balu 5:5

Hidi kon at mes deng tulu 24 nas aa nol auk noan, “Hoe kaka! Lilu deken. Ta laih Daud in hua-koet mes man muun isi, oen noken Un noan ‘Singa deng ngaal Yahuda’. Un late dudus totoang in daat tas son. Tiata, Un man muik hak le bok segel nas, le les in dula na isin na.”