Ibrani 5:11 - Buk Niu In Hida Balu nol Dehet deng Apan-kloma ki in Dadi ka

¹¹ Muik dasi mamo nabale, man Auk le aa deng Kristus nol Melkisedek, mo Auk sus in tek dais nas bel mi nol langa-langa, undeng mi banansila el tana-ana blutu ngengo man nangan taan babanan nal lo bii ka.

Ibrani 5:11 ပူးပေါင်းရင်းမြစ်များ

Matius 13:15

Undeng atuil nias dalen nas didi, oen kon tao oen hngilan nas le kiu, nol tao matan nas le tedos. Tiata nang le halin nam, oen hngilan nas kiu, nol oen matan nas tedos tuun lako. Le halin Auk tao banan oen deken tia, undeng oen dai muid Auk lo.’

Markus 8:21

Kon Yesus tekas noan, “Meman baktebes! Mi net nol matan esan son, mo tasao le mi taan Auk in kuasa ki deng ol maa ka lo nabale lia?”

Lukas 24:25

Oen duas dehet hidi ela kon, Yesus tekas noan, “Mi in ngengo kia! Tasao le mi dai parsai asa man Ama Lamtua mee-baha las in tek meman son deng lolo hmunan nua ka, lo kia!

Yuhanis 16:12

Muik dasi mamo man Auk le tek mias, mo halas nia lam mi nangan tanas lo bii.

Yuhanis 6:6

Yesus taan meman asa man Un le tao ka son. Mo Un aa ela, le sukat naan Filipus.

Dehet deng Aan in Nutus sas 28:27

Undeng bangsa ni dalen na didi isi. Ta oen hngilan nas dai ming pait lo son! Nol oen matan nas kon hut didi son! Nang le halin oen ming bakun tia; Nol nang le halin oen matan nas net deken tia. Hidim nang le halin oen dalen nas tema napiut. Didiin oen taan lalan in pait maa bus el Au ka lo. Tiata, taon elola le Auk tao banan oen pait ta?’ ”

Ibrani 5:10

Ta Ama Lamtua nikit Yesus son le daid tulu agama, man hnika mes el tulu agama Melkisedek hmunan nua ka.

Ibrani 5:12

Molota mi niam, parsai blaan son. Muid in toma ka lam, mi musti daid guru son, le tui atuil tenga las. Taan lo molota, mi banansila el tana-ana blutu mea, man kaa taan lo bii mo halas-sam niun taan sus tuun. Mi parlu atuli in tui mi dasi-dais peke deng Ama Lamtua in Dula Niu ka nabale.

Petrus dua la 3:16

Taom Paulus dul surat tam, un kon aa dais nias. Meman deng un surat tas muik dasi dehe, man kit nangan taan nahin nas babanan isi lo. Muik atuli kon dehet nahlua Paulus in koma ka. Oen kon dehet nahlua dasi tenga, man dulas ne Ama Lamtua Buk Niu ka. Oen nas atuil os daat, nol atuil man in parsai ka muun lo ngas. Mam atuil tuladang ela ngas dudus hidi.