Ibrani 5:1 - Buk Niu In Hida Balu nol Dehet deng Apan-kloma ki in Dadi ka

¹ Atuling man oen nikit son le daid tulu agama in lapa dui ka, un osa la musti tulung atuli li, le halin oen butu-kil nol Ama Lamtua Allah. Un musti sium oen in bele ngas, nol oen hmukit in tunu-dadung ngas, le kil bel Ama Lamtua. Un kon musti bel hmukit in tunu-dadung, le halin Ama Lamtua kose soleng atuli li in kula-sala ngas.

Ibrani 5:1 ပူးပေါင်းရင်းမြစ်များ

Roma 15:17

Undeng auk butu-kil nol Yesus Kristus, tiata auk nikit nal silang ngi se Ama Lamtua Allah sila.

Korintus mesa la 15:3

Auk kon tui mi son deng dasi-dais in muun dui ngas, man hmunan nu atuli li tui net aus son. Na ka: Kristus man Ama Lamtua Allah in belen maa ka, mate son le bel boa-blingin kit deng in kula-sala ngas. Na tom nol asa man Ama Lamtua Buk Niu ka in dul deng hmunan nua ka.

Ibrani 10:11

Lelo-lelon nam, tulu agama tuladang blaan nas lako-daek oen osa la tutungus, nol taan in keo tele hmukit in todan si-sii. Molota, hmukit in todan nas muik tahan in kuasa le kat soleng atuli li in kula-sala ngas lo.

Ibrani 10:12

Mo kit Tulu Agama in Lapa Dui ka, mo Kristus na. Un sao Un apa ka daid in sui-nahat le mate taung kita. Nol Un mate le daid in sui-nahat suma oe mes sii. Un sai lalan son le halin kose soleng nal atuli li in kula-sala ngas totoang. Hidi na, halas-sam Un lako daad se Ama Lamtua Allah halin kanan na, se maan in todan-lahing dudui ka.

Ibrani 11:4

Habel parsai se Ama Lamtua Allah. Undeng na, un kil in bele man banan dui deng un kaka Kain. Ama Lamtua Allah sium Habel nol un in bele ka nol babanan, undeng un dalen na lolo. Tiata un mate nesang son kon no, kit tui haup deng un in parsai ka nabale.

Ibrani 2:17

Undeng na, Yesus daid parsis banansila el kita, man daid Un pail-kakans son. Nini ela lam, Un daid kit tulu agama man in lapa dui, le tulung kit daek muid Ama Lamtua Allah in koma ka. Un kon tulu Un dalen kasiang nga bel kita. Nol eta Un aa elola lam, Un daek muid ela. Hmunan nu, kit upu kia-kaon nas nodan tulu agama las tuang tene ka, le tao in tunu-dadung, le halin Ama Lamtua kose soleng oen in kula-sala ngas. Halas ni, Yesus esa mate son, le Ama Lamtua kose soleng kit in kula-sala ngas.

Ibrani 7:27

Undeng na le Yesus banan dui deng totoang tulu agama tuladang blaan nas. Hmunan nu, oen musti keo hmukit in tunu-dadung lelo-lelon, le halin Ama Lamtua Allah kose soleng oen in kula-sala ngas muna'. Hidi halas-sam oen keo hmukit taung in kose soleng atuli li in kula-sala ngas lolen. Mo Yesus sam, parlu in tao ela oe-oe lo ka, undeng Un sao Un apa ka esa oe mes sii, le daid in sui-nahat son. Na nola, le Ama Lamtua kose soleng totoang atuli li in kula-sala ngas.

Ibrani 8:3

Tulu agama in lapa dui ngas taom kil in bele, nol hmukit in tunu-dadung le bel Ama Lamtua Allah. Tiata Yesus kon musti kil in bele taung Ama Lamtua Allah.

Ibrani 8:4

Mo Yesus lako-daek Un osa la se apan-kloma ki lo. Undeng se apan-kloma kia lam, muik tulu agama man kil in bele, nol hmukit in tunu-dadung taung Ama Lamtua Allah son, muid upung Musa atorang nga.

Ibrani 9:9

Ta nas totoang daid in not, man Ama Lamtua Koo Niu ka pake, le tui kit man in nuil nabael hahalas nia ngias. Hmunan nu, kit upu kia-kaon nas kil in bele nol hmukit in tunu-dadung, laok bel tulu agama las, le halin Ama Lamtua Allah kose soleng oen in kula-sala ngas. Mo oen kil hmukit in tunu-dadung mamamo ela kon no, hmukit in tunu-dadung nas tao nal oen dalen nas daid niu lo, nol tao ilang nal kula-sala man oen nangan netas tutungus se oen dalen na ngas lo.