Ibrani 4:7 - Buk Niu In Hida Balu nol Dehet deng Apan-kloma ki in Dadi ka

⁷ Mo nesa-nesang kon, Ama Lamtua huil oras didang, le halin Un atulin nas haup in tamas le teen in kae leo-leo nol Una. Ta Un pake upung Daud le tek noan, “Neot ni, eta mi ming Ama Lamtua Allah in aa ka lam, tao mi dalen nas didi banansila el batu ka deken, mo hii nol babanan tia.”

Ibrani 4:7 ပူးပေါင်းရင်းမြစ်များ

Matius 22:43

Yesus keket tapnaeng pait noan, “Eta ela lam, tasao le Ama Lamtua Allah Koo Niu ka, tek laih Daud halin haman Kristus sam, ‘Tuang’ ngia? Ta laih Daud dul son elia,

Markus 12:36

Lole hmunan nu, Ama Lamtua Allah Koo Niu ka pake laih Daud son le dul noan, ‘Ama Lamtua Allah tek auk Lamtuan na noan, “Maa le daad se maan in todan dui kia, se Auk halin kanan nia. Mam Auk tao Ku musu las, didiin oen suda muid se Ku.” ’

Lukas 20:42

Undeng hmunan nu laih Daud esa man dul ne buk in Naka-Nahalit ta dalen noan, ‘Ama Lamtua Allah tek auk Tuang nga son noan, “Maa, le daad se maan in todan dudui kia, se Auk halin kanan nia.

Dehet deng Aan in Nutus sas 2:29

Elia kaka-paling totoang! Bel auk dola, le auk tek mi langa-langa deng kit upun Daud. Un in aa na, un aa deng un apa ka esa lo. Undeng un mate le puan son, nol un utu ka ne kit hlala kia, maa pes leol neot nia.

Dehet deng Aan in Nutus sas 2:31

Dedeng na, laih Daud ngat katang laok el mata lua. Nol Un tek muna deng Atuling man Ama Lamtua in tulu meman son na. Mam Atuling na mate, mo Un nuli pait deng Un in mate ka. Hidim laih Daud kon tek noan, Atuling na daad napiut se atuil in mate ngas mana la lo, nol un aap-sisin na kon daat lo.

Dehet deng Aan in Nutus sas 28:25

Oen labang apa mes nol mesa, didiin atuli deeh le pait. Mo Paulus tekas noan, “Meman mi in kaen apa nia, tom nol asa man hmunan nu Ama Lamtua Allah Koo Niu ka, in tek upung Yesaya ka,

Ibrani 3:15

Ta Ama Lamtua Koo Niu ka kon tek ela, noan, “Leol neot ni eta mi ming Ama Lamtua Allah in teka ka lam, bon baut banansila el atuil nas deken, man lako-pait didiin taun buk aat se maan in ete tuun, lole oen labang nol upung Musa.”