Ibrani 4:16 - Buk Niu In Hida Balu nol Dehet deng Apan-kloma ki in Dadi ka

¹⁶ Undeng na, maa le kit brain in laok dadani nol Ama Lamtua Allah, se Un del in prenta kua. Ta Un dalen na banan isi. Tiata, eta kit kohe-kanas se Una lam, taon elola ko Un tulu Un dalen banan na, le tulung kit tom nol oras sa.

Ibrani 4:16 ပူးပေါင်းရင်းမြစ်များ

Efesus 2:18

Tiata, kaim atuil Yahudi nol mi atuil Yahudi lo kas, kit leo-leo haup lalan le lakong el kit Aman, Lamtua Allah. Yesus sai lalan na bel kit totoang son, nini Ama Lamtua Allah Koo Niu ka.

Efesus 3:12

Undeng na le, kit man in parsai se Yesus Kristus son nias, lii-tiud in maa aa nol Ama Lamtua bakun na. Ta Un kom le sium kit oras ol tukun.

Ibrani 13:6

Tiata tao teken mi dalen nas, banansila el atuli dul net son noan, “Undeng auk Tuang nga le tulung au, tiata auk lii lo. Ta muik atuli mes lo kon, man tao sus auk nol baktetebes.”

Ibrani 3:6

Lamtua Yesus kon daek muid Ama Lamtua Allah in koma ka, mo Un nam atuil in loka-loka banansila el upung Musa lo. Undeng Un nam, Kristus, Ama Lamtua Allah Ana, man Un hulin meman son deng lolo hmunan nua, le belen maa se apan-kloma kia. Nol Kristus taan baktetebes in mana-koet Un Ama ka uma isin nas. Tiata, eta kit kil dididi kit in parsai kia, nol kit nahlae napiut se Kristus sam, kit kon haup in tamang le daid Un uma isin.

Ibrani 7:19

Undeng atuli li nuil muid atorang blaan nas kon no, oen muik kula-sala nabale. Tiata halas nia, Ama Lamtua sai lalan banan dui son, le halin nam kit haup in nuil daem nol Una.

Ibrani 7:25

Yesus bel boa-blingin nal totoang atuil in le maa bus el Ama Lamtua Allah ngas nini Una apa ka esa. Un tao nal ela didiin hidi nutus taan lo. Nol Un daid atuil dalen, man laok saol Ama Lamtua Allah tutungus, le halin tulung one.

Ibrani 9:5

Se kaban na in tunga ka, muik patung dua man muun isi. Patung nas hnika ka el Ama Lamtua Allah ima-ii in muik dila ne sorga nguas, man dil nol dila ngas hehan le kabut kaban na, undeng maan na tulu bel Ama Lamtua Allah dalen in kasiang nol atuli lia ka. Mo halas ni, auk muik oras le nahdeh totoang deng sa-saa nias lo.

Petrus mesa la 2:10

Hmunan nu, mi daid Ama Lamtua Allah uma isin lo. Mo halas nia lam, mi tamam daid Ama Lamtua Allah uma isin son. Hmunan nu, mi dai sium Ama Lamtua in neka-namnau mia ka lo. Mo halas nia lam, mi simun son.