Ibrani 4:10 - Buk Niu In Hida Balu nol Dehet deng Apan-kloma ki in Dadi ka

¹⁰ Nol atuil man in taam le teen in kae leo-leo nol Ama Lamtua Allah ka, kon tene deng un in dake ka son, banansila el Ama Lamtua tene tom nol leol itu la, se oras Un in daek hidi apan-kloma kia ka.

Ibrani 4:10 ပူးပေါင်းရင်းမြစ်များ

Dehet deng Apan-kloma ki in Dadi ka 2:2

Un koet hidis totoang, kon ola ka tom nol leol itu la, Un tene.

Yuhanis 19:30

Yesus bolos hidi anggor ra kon, Un tek noan, “Hidis totoang son.” Hidim Un suda Un bon na, ti Un hngasa ka nutus.

Ibrani 1:3

Ama Lamtua Ana ka tulu Un Ama ka in muun-tes sa, banansila el lelo la kaloen na in tal pait deng hdidan na ka. Ta Un nam hnika mes parsis el Un Ama ka. Nol deng Un in Teka-teka man muik uhu isi ka, Un lako-daek totoang in ne apan-dapa kua nol apan-kloma kia ngas. Un kon sai lalan, le kose soleng atuli in kula-sala ngas, le halin oen daid niu. Hidim Un pait lako sorga, le daad se Ama Lamtua Allah halin kanan na, se maan in todan-lahing dudui ka.

Ibrani 10:12

Mo kit Tulu Agama in Lapa Dui ka, mo Kristus na. Un sao Un apa ka daid in sui-nahat le mate taung kita. Nol Un mate le daid in sui-nahat suma oe mes sii. Un sai lalan son le halin kose soleng nal atuli li in kula-sala ngas totoang. Hidi na, halas-sam Un lako daad se Ama Lamtua Allah halin kanan na, se maan in todan-lahing dudui ka.

Ibrani 4:9

Undeng na, kit tana noan, Ama Lamtua mana oras didang son, le Un atulin nas teen in kae, halin nulis leo-leo nol Una.

Apan-kloma Hnika Balu 6:11

Oen ketan hidi ela kon, oen mesa-mesam sium kaod muti blatas. Muik in tek oen noan, “Natang bubuit pait, didiin mi maam totoang son le. Ta mam mi kaka-palin deeh tom in keo kon, banansila el mia.”