Ibrani 3:7 - Buk Niu In Hida Balu nol Dehet deng Apan-kloma ki in Dadi ka

⁷ Undeng na, kaim musti tidi hngilan le hii babanan asa man Ama Lamtua Allah Koo Niu ka in aa son noan, “Leol neot nia, eta mi ming Ama Lamtua Allah in teka ka son nam:

Ibrani 3:7 ပူးပေါင်းရင်းမြစ်များ

Matius 17:5

Petrus aa mamaus ela lam, suknahkitum nopen niu maa bua one. Kon oen tilus herang-herang, oen kon ming fala mes puti deng nopen na tek noan, “Hii ke! Yesus nia mo, Auk anang in namnau ka. Un tao Auk daleng ngi kolo tutungus. Hii-ming babanan se Una le!”

Matius 22:43

Yesus keket tapnaeng pait noan, “Eta ela lam, tasao le Ama Lamtua Allah Koo Niu ka, tek laih Daud halin haman Kristus sam, ‘Tuang’ ngia? Ta laih Daud dul son elia,

Markus 12:36

Lole hmunan nu, Ama Lamtua Allah Koo Niu ka pake laih Daud son le dul noan, ‘Ama Lamtua Allah tek auk Lamtuan na noan, “Maa le daad se maan in todan dui kia, se Auk halin kanan nia. Mam Auk tao Ku musu las, didiin oen suda muid se Ku.” ’

Yuhanis 10:16

Auk muik lae-blai tenga man nakbuan nol Auk lae-blai in mo nia ngias lo bii. Ta Auk kon musti laok tao nakbuan one. Mam eta oen ming Auk falang nga son nam, oen tanan meman. Hidi kon oen maas le nakbua, halin daid bua mesa, nol atuling in lolo-poa ka kon mes sii.

Yuhanis 10:27

Ta Auk lae-blai esang ngas taan Auk falang nga. Oen muid Au. Auk kon taan one.

Yuhanis 10:3

Atuil in doh hnita ka ka, taan atuling in lolo-poa ka, tiata un sai belen hnita ka. Lae-blai las kon taan atuling in lolo-poa ka fala ka. Ta eta un haman oen ngalan nas mesa-mesa kam, oen mudin lakos likun nua.

Yuhanis 5:25

Baktebes! Auk tek mi meman. Oras sa maa dadani son, na kilan deng halas nia, le atuil in mate ngas ming Auk falang ngia. Ta atuil in ming nol sium Auk in teka-teka ngas mam haup in nuli, man toma ka.

Dehet deng Aan in Nutus sas 1:16

“Ina-amang nol pali-kakang totoang! Bet mi nangan net Yudas nabale, man hmunan nu kil nol un atulin nas bua mes le laok daek Yesus sa. Totoang man in daid nol Yudas sa, meman musti ela. Lole hmunan hesa kua, Ama Lamtua Allah Koo Niu ka pake laih Daud, le dul meman deng Yudas ela son.

Dehet deng Aan in Nutus sas 28:25

Oen labang apa mes nol mesa, didiin atuli deeh le pait. Mo Paulus tekas noan, “Meman mi in kaen apa nia, tom nol asa man hmunan nu Ama Lamtua Allah Koo Niu ka, in tek upung Yesaya ka,

Dehet deng Aan in Nutus sas 8:29

Kon nam Ama Lamtua Koo Niu ka lok Filipus, halin laok dadani nol kereta na, le tutnaal atuling na.

Ibrani 10:15

Ama Lamtua Allah Koo Niu ka kon tek dais na bel kita. Ta Un aa net son noan,

Ibrani 3:13

Banan dui ka lelo-lelo nam, mi tao teken apa dalen, mes nol mesa. Natang apa pait deken! Undeng mi hlapat tom in nole le tao kula, didiin mi kon daid bon batu, le tiu-hii Ama Lamtua Allah lo.

Ibrani 3:15

Ta Ama Lamtua Koo Niu ka kon tek ela, noan, “Leol neot ni eta mi ming Ama Lamtua Allah in teka ka lam, bon baut banansila el atuil nas deken, man lako-pait didiin taun buk aat se maan in ete tuun, lole oen labang nol upung Musa.”

Ibrani 4:7

Mo nesa-nesang kon, Ama Lamtua huil oras didang, le halin Un atulin nas haup in tamas le teen in kae leo-leo nol Una. Ta Un pake upung Daud le tek noan, “Neot ni, eta mi ming Ama Lamtua Allah in aa ka lam, tao mi dalen nas didi banansila el batu ka deken, mo hii nol babanan tia.”

Ibrani 9:8

Ama Lamtua Allah nini Un Koo Niu ka son, le bel kit in nangan tana noan, eta kitu tene na kele lalan in taam laok bus el Kamar in Niu Dudui ka nabale lam, nahin na noan, atuli li haup in taam laok se Ama Lamtua sila ka lo bii, etan atorang blaan nas muik nabale.

Petrus dua la 1:21

Undeng asa man oen dul son nas, putis deng asa man oen kom le aa tuun nas lo. Molam nas putis deng Ama Lamtua Allah, muid asa man Un Koo Niu ka in tulu bel one ka.

Apan-kloma Hnika Balu 3:20

Hii babanan, ta Auk dil ne hnita mata ki son, nol Auk hama-haman le noan tamang. Eta muik atuli in ming Auk falang ngia, hidim un maa sai bel Auk hnita kia lam, Auk taam lakong le kaim daad kaa leo-leo.