Ibrani 3:5 - Buk Niu In Hida Balu nol Dehet deng Apan-kloma ki in Dadi ka

⁵ Tiata upung Musa tao muid Ama Lamtua Allah in koma ka, se dedeng un in daid atuil in loka-loka taung Ama Lamtua uma isin na ngas. Ta dedeng na, un tek meman asa man mam Ama Lamtua Allah in le dake ngas.

Ibrani 3:5 ပူးပေါင်းရင်းမြစ်များ

Matius 24:45

Hidim Yesus aa tapnaeng noan, “Mi musti daid banansila el atuil in loka-loka, man muid napiut un tuang nga in koma ka. Ta eta un tuang nga le lako maan katang ngam, un nikit atuil in loka-loka tuladang ela, le mana-koet uma isin nas in kaa-ninu ka.

Matius 25:21

Ming ela kon, tuang nga dalen kolo. Un tekan noan, ‘Banan! Ku niam atuil in loka-loka man in banan. Ta auk se iang lo kon no, ku daek nol in makoe son, hidim muid napiut auk in prenta ngas. Undeng ku daek nal os ana nia, ta mam auk nikit ku le kil os man in tene dui pait tas. Mam auk tao fesat, le kit kaa leo-leo nol dael kolo.’

Lukas 12:42

Kon Yesus siut noan, “Kleta na tom se totoang atuil man dake ka, banansila el tulu in mana tana nol makoe le daek taung un Tuang nga. Ta mam un tuang nga nikit un le bating in kaa bel ima-ii tenga las. Eta un makoe le daek muid un osa la ela lam, un tuang nga maa oras ol tuun kon no, un daek in toma ka tutungus. Hidim un haup ontong, undeng mam un tuang nga nikit una, le mana-koet un hmuki-nalan nas totoang.

Lukas 24:27

Hidi nam Yesus tui oen deng totoang man Ama Lamtua mee-baha las in dul meman son deng Kristus sa. Kilan deng upung Musa in dula ka, lako pes mee-baah tenga las in dula ngas.

Lukas 24:44

Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Yuhanis 5:39

Mi kom in pres Ama Lamtua Buk Niu ka nol babanan, undeng mi nangan noan se na lam, mam mi haup lalan in nuil toma man hidi nutus taan lo ka. Molota in dula nas tek deng Au.

Dehet deng Aan in Nutus sas 28:23

Hidi kon, oen kom leo-leo le huil lelo mesa, halin oen tutnaal apa pait. Lius un lelon na kon, atuli hut mamo maas nakbua se Paulus uma. Kon un nahdehes deng Ama Lamtua Allah in prenta ka. Un kat bango mamo deng upung Musa buku la, nol deng Ama Lamtua mee-baah tenga las in dula ka, le halin kil nol oen in nangan na lako bus el in parsai se Lamtua Yesus. Un dehet deng oskaong nga, lako pes lelo-maun.

Dehet deng Aan in Nutus sas 7:37

Musa esa tek atuil Israel las noan, ‘Mam Ama Lamtua Allah nikit nal atuli mes deng mi hlala kia, le daid Un mee-baha, banansila el Un in nikit auk son nia.’

Roma 3:21

Nangan taan Ama Lamtua lalan in sai bel kit le halin babanan pait nol Una ka lo deken. Ta kit babanan nol Una, undeng kit in lako-daek muid Un Atorang nga ka lo. Un Atorang nga esa man dul ela, nol Un mee-baah hmunan nuas kon tek ela ne, Ama Lamtua Buk Niu ka.

Korintus mesa la 4:2

Atuil in doh un tuang nga sa-saa las nol babanan na, un musti daid atuil in lako-daek muid asa man in toma ka.

Timutius mesa la 1:12

Auk nodan mamo-mamo se kit Lamtuan Yesus Kristus, undeng Un parsai au, nol bel auk le lako-daek nal Un osa la.

Ibrani 1:1

Hmunan nu, Ama Lamtua Allah nini Un mee-baha las, le aa nol kit upu kia-kaon atuil Ibrani las. Un nini lalan bili-ngala le aa nolas oe-oe.

Ibrani 3:2

Dedeng Ama Lamtua Allah nutus Yesus sa, Yesus tao muid Ama Lamtua in koma ngas totoang. Nini ela lam, Un daid banansila el upung Musa. Ta upung Musa kon tao muid Ama Lamtua Allah in koma ka, se dedeng un in lii-lau kit upu kia-kaon hmunan nua ngas.

Ibrani 3:4

Atuli li mesa-mesam bangun-pii un uma-elan esa. Mo Ama Lamtua Allah bangun-pii totoang sa-saa lias.

Ibrani 8:5

Oen lako-daek oen osa la son, se Hleep in Kohe-Kanas man tuladang nga el maan in kohe-kanas ne sorga kua ka. Ta dedeng upung Musa le koet Hleep na ka, Ama Lamtua Allah tek nuting un noan, “Nangan babanan! Ku musti daken babanan muid tuladang Auk in tulu bel ku son, se leten nu dapa ka!”

Ibrani 9:24

Kamar in Niu Dudui man Kristus in tama ka, na kamar ne Hleep in Kohe-Kanas man atuli li in dake ka lo. Ta Hleep in ne dale-dapa nia ka, suma in not tuun deng Hleep in Kohe-Kanas esa man in ne sorga kua. Kristus tama lako sorga le bela kit se Ama Lamtua Allah sila.

Apan-kloma Hnika Balu 15:3

Hidim oen tao dani mes deng upung Musa, Ama Lamtua Allah atulin in loka-loka se hmunan nua ka. Atuil nas kon tao dani mes pait le naka-naka Yesus. Ta hmunan nu atuli keo tele Una, banansila el atuli keo lae-blai ana se Ama Lamtua Allah Um in Kohe-kanas sa, le tao blingin Un dalen na. Oen tao dain noan, “Kaim naka-naka Ama Lamtua Allah! Kaim nikit sakeng Un ngala ka lapa-lapa! Undeng Ama Lamtua in kuasa ka, dui hihidi. Nol Ama Lamtua in muun na, herang isi. Ama Lamtua kil bandu taung totoang bangsa in ne apan-kloma ki ngias son. Ama Lamtua daid Laih taung totoang ngala-ngaal in ne apan-kloma ki ngias son. Ama Lamtua in dake ngas muun dui hihidi! Ama Lamtua in dake ngas, leok baktetebes! Ama Lamtua lalan na, lolo isi! Ama Lamtua in nuli ka, tom dudui!