Ibrani 2:8 - Buk Niu In Hida Balu nol Dehet deng Apan-kloma ki in Dadi ka

⁸ le prenta totoang asa man Ama Lamtua in daek son nas.” Tiata, muid upung Daud in dula ka lam, Ama Lamtua Allah nikit atuli li le daid tuang, halin oen man mana-koet totoang Un in daek son nas. Molota kit net tatahan atuli mes lo bii kon, man prenta totoang nas ela.

Ibrani 2:8 ပူးပေါင်းရင်းမြစ်များ

Matius 28:18

Kon Un maa dadani oen le aa nolas noan, “Ama Lamtua Allah bel Auk kuasa, le prenta totoang in ne sorga nguas, nol totoang in ne apan-kloma ki ngias.

Yuhanis 13:3

Yesus tanan son noan, Ama Lamtua Allah man nutus Un maa se apan-kloma kia, mo naha-bubuit tam, Un musti pait lako Ama Lamtua lua. Nol Un kon tana noan, Un Ama in ne sorga ku sao totoang belen ne Un ima ka son.

Yuhanis 3:35

Lole Ama in ne sorga ku, neka-namnau Un Ana ka isi. Nol Un sao totoang nas se Un Ana ka ima.

Korintus mesa la 15:27

Ne Ama Lamtua Buk Niu ka muik in dula noan, “Ama Lamtua tao totoang in tehen nas, le todan se Atuling man Un in hid son le belen maa ka.” In dul noan, “totoang in tehen nas le todan se Un Atulin na” ka, langa son noan, Ama Lamtua Allah sii man baab se in todan Un Atulin na ka lo. Lole Ama Lamtua Allah esa man nikit Una, le daid Lamtua taung totoang.

Ibrani 1:13

Ama Lamtua Allah kon aa nol Un Ana ka, noan, “Auk Anang nge! Maa daad se nia, se maan in todan dudui kia, se Auk halin kanan nia. Mam Auk tao Ku musu las, didiin oen suda le muid se Ku.” Ama Lamtua Allah aa ela meman son deng Un Ana ka, mo Un aa net ela lo, nol Un ima-ii in ne sorga nguas.

Ibrani 1:2

Mo halas ni, Un bel Un Ana ka maa, le aa esa nol kita. Lolo hmunan hesa kua, Ama Lamtua Allah huil nal Un Ana ka son, le prenta leo-leo nol Una. Dedeng Un koet apan-dapa kua nol apan-kloma ki nol un isin nas totoang nga, Un Ana ka kon koet leo-leo nol Una.

Ibrani 2:5

Auk aa deng apan-kloma hnika balu man in le maa kia. Mo Ama Lamtua Allah tek net lo noan, mam Un ima-ii in ne sorga nguas man mana-koet apan-kloma kia. Ta mam in mana-koet ta atuli lia.

Petrus mesa la 3:22

Halas ni Yesus sake lako pait ne sorga son. Un daad ne maan in todan dudui ka, ne Ama Lamtua Allah halin kanan na. Hidim ima-ii in ne sorga nguas, nol totoang in kuasa, nol in kil kuasa ngas, musti hii-ming se Kristus.

Apan-kloma Hnika Balu 1:18

Hmunan nu Auk mateng, mo halas ni ku ngat le, Auk nuling pait son! Nol mam Auk nuling napiut didiin hidi nutus taan lo. Auk kon man kil kunci in sai atuil hmate kas mana la, le beles nulis pait.

Apan-kloma Hnika Balu 1:5

Auk kon nodan le Yesus Kristus tulu-balang bel mi Un dalen banan na, halin mi nuil babanan, titu-tema nol dame. Un aa langa-langa tutungus deng asa man Ama Lamtua Allah in tek Una ngas. Hmunan nu Un mate, mo Ama Lamtua belen nuli pait, le halin Un man daid atuil hmunan, man nuli pait deng in mate. Un kon man daid Laih Tuan taung in ator totoang laih in ne apan-kloma ki ngias. Undeng Lamtua Yesus namnau kita, tiata Un nang dala ka le baa didiin mate taung kita. Nini Un in mate ka, Un sai lalan le sas-loat kit deng in kula-sala kas in kuasa ka.