Ibrani 2:6 - Buk Niu In Hida Balu nol Dehet deng Apan-kloma ki in Dadi ka

⁶ Ne Ama Lamtua Allah Buk Niu ka, upung Daud ketan net deng atuli li noan, “Ama Lamtua Allah! Tasao le Ama Lamtua papa-paiduil atuli li lia? Tasao le Ama Lamtua neka-namnau one lia? Ta oen suma atuil biaas tuun!

Ibrani 2:6 ပူးပေါင်းရင်းမြစ်များ

Dehet deng Apan-kloma ki in Dadi ka 50:24

Yusuf tek un kakan nas noan, “Kakas totoang! Auk nataka kam auk lelon in mate ki maa dadani son. Mo auk parsai, le Ama Lamtua Allah papa-paiduil mia. Mam Un man nol puting mi deng dale nia. Mam Un kon nol puting mi pait lakom se dale, man Un sumpa hidi son, le belen laok se upung Abraham, upung Isak nol kit aman Yakob.”

Lukas 1:68

“Naka Ama Lamtua Allah, atuil Israel las, Lamtuan na! Ta Un maa son, le sui Un atulin nas, halin nam oen banansila el ata ka pait lo.

Lukas 1:78

Ama Lamtua dalen na duda nol namnau kita, tiata Un bel kit dola balu, banansila el leol balu, man kil langa balu. Kit laok ne mitang dalen, nol lii in mate, undeng kit daem nol Ama Lamtua lo bii, mo mam Un bel kit langa le pel nol kit lakong se lalan in dame ka.”

Lukas 7:16

Totoang atuil in se la ngas, lii isi! Mo hidi nam oen naka-naka Ama Lamtua Allah noan, “Ama Lamtua Allah nutus Un mee-baha mes man muun isi bel kit son!” Tenga ka pait tek noan, “Ama Lamtua Allah maa ne kit hlala kia, le tulu bel kit Un dalen banan na son!”

Tesalonika mesa la 4:6

Nuting in ontong le laok kula nol mi kaak-palin man in leo-leo parsai son se Ama Lamtua Allah ngas deken. Ta Ama Lamtua Allah nam mo Tuang, man mam balas totoang in daat ela ngas. Kaim tek nuting mi nias totoang oe-oe son, nol hid pesang bel mias meman son lolo hmunan nua.

Ibrani 4:4

Se dehet deng Ama Lamtua Allah in koet apan-dapa ku nol apan-kloma kia ka, muik in dula deng Ama Lamtua Allah teen in kae ka noan, “Ama Lamtua daek hidis totoang kon, ola ka, tom nol leol itu la, Un tene.”

Ibrani 5:6

Nol muik in dula pait noan, “Ku daid tulu agama man hnika mes el Melkisedek hmunan nua ka, molam Ku daid tulu agama didiin hidi nutus taan lo.”

Petrus mesa la 1:11

Kristus Koo Niu ka daek ne oen dalen nas le tek meman noan, mam Kristus musti tom in susa, nol nini lalan elola, le Un haup susa-daat, hidi nas totoang halas-sam Ama Lamtua nikit Un lapa-lapa. Tiata mee-baha las nuting le taan noan, dais nias bling dadi la.