Ibrani 2:15 - Buk Niu In Hida Balu nol Dehet deng Apan-kloma ki in Dadi ka

¹⁵ Nol un kon tao atuli li le lii in mate, didiin oen mudi-muid un in koma ka, banansila el ata ka. Mo halas ni, Yesus sao nal atuli li deng oen in lii na son.

Ibrani 2:15 ပူးပေါင်းရင်းမြစ်များ

Roma 8:15

Eta kit nang Ama Lamtua Koo la, le Un man mana-koet kita lam, kit nuil nol in lii banansila el ata ka lo. Hmunan nu kit in nuli ka ela. Mo undeng kit sium Ama Lamtua Koo la son, le ator kita, tiata kit tana noan, kit daid Ama Lamtua anan. Undeng na le, eta kit haman Un noan, “Ama Namnau!” lam, Un tade le hii-ming kita.

Roma 8:21

Ta halas ni totoang man Ama Lamtua in daek son nas, daat hidis, nol muik lalan in puti lo. Mo mam Ama Lamtua sas-sao one, le halin oen daat pait lo, molam oen daid muun keko lako muid Un in koma ka. Ama Lamtua kon le nikit Un anan nas lapa-lapa, le halin oen kon holsasas deng daat tas.

Korintus dua la 1:10

Un man sas-sao kaim son deng in daat tas, se dedeng kaim naha-bubuit tam matem ma. Mam Un kon le sas-sao kaim deng in daat tas. Kaim nahlae napiut noan, mam Un sas-sao kaim tutungus deng in daat tas.

Galatia 4:21

Eta mi le nuil muid atuil Yahudi las atorang agama las sam, banan dui ka mi taan muna atorang nas in koma ka.

Timutius dua la 1:7

Ta Ama Lamtua Allah Koo la tao kit le daid atuil in lii lo. Mo Un tao kit le daid atuil in daek nala, nol parsai taan apan, namnau tana, hidim tahang taan apan nol babanan.

Ibrani 2:16

Ta langa son noan, Yesus maa le tulung Ama Lamtua ima-ii in ne sorga nguas lo. Molam Un maa le tulung kita, man daid upung Abraham in hua-koet.