Ibrani 13:8 - Buk Niu In Hida Balu nol Dehet deng Apan-kloma ki in Dadi ka

⁸ Yesus Kristus nam, seda net lo. Deng hmunan nua, hahalas nia, nol didiin hidi nutus taan lo, Un nam hnika mes sii.

Ibrani 13:8 ပူးပေါင်းရင်းမြစ်များ

Dehet deng Apan-kloma ki in Dadi ka 21:33

Hidi nam, Abraham mul kai tamareska mes se Beer Syeba. Kilan deng dedeng na, kai ina na daid taad bel Abraham, le se maan na un todan-lahing AMA LAMTUA man in Nuli Hidi Nutus Taan lo ka.

Korintus dua la 1:19

Auk nol Silas duas Timutius tui mi son deng Yesus Kristus, Ama Lamtua Allah Ana ka. Un nam mo atuil in sila-klup tuun lo, man aa noan, “hao”, molota un in koma ka noan, “loo”. Kristus nam hutluul lo, ta eta Un tek noan, “hao”, kam Un in nangan na “hao” baktebes.

Korintus dua la 1:20

Totoang dais man Ama Lamtua in hid son nas, mam Un taos le dadi. Tiata, eta Yesus aa noan, “hao”, kam kit bisa siut noan, “Tom baktetebes na! Amin!” Undeng kaim taan meman son le Yesus daek muid asa man Un in aa ngas. Tiata kaim tek dais nia, le tulu-balang Ama Lamtua Allah in muun-tes sa.

Yakobus 1:17

Dais daat tas putis deng Ama Lamtua lo. Ta Un man bel totoang hangun banan nas, nol totoang dais niu kas. Un man daek lelo la, bulan na, nol duun nas totoang. Oen totoang seda-seda mana se apan nua, na ka man tao oen hlen nas le seda-seda tutungus. Suma Ama Lamtua Allah sii man seda lako-pait lo.

Yudas 1:25

Suma Ama Lamtua Allah sii, man daid Lamtua baktetebes. Suma Un sii man bisa bel slamat kita! Hidim Un nini kit Lamtuan, Yesus Kristus, le bel boa-blingin kita. Tiata, totoang in todan ni taung Una. Totoang in muun-tes sa, Un nena. Un in kuasa ka, tene isi. Nol Un hak in prenta ka, muik lolo hmunan nua, halas nia, lako lius didiin. Baktetebes ela! Deng au, Yudas

Apan-kloma Hnika Balu 1:11

Faal na tadu auk noan, “Yuhanis! Auk le tulu-balang bel ku dasi mesa. Totoang man ku in neta nias, ku musti dulas. Hidi na lam, ku musti tunang lako se jemaat itu, nas jemaat in se kota Efesus, kota Smirna, kota Pergamus, kota Tiatira, kota Sardis, kota Filadelfia nol kota Laodikia.”

Apan-kloma Hnika Balu 1:4

Boa-blingin deng au, bel Ama Lamtua jemaat itu, se propinsi Asia. Auk nodan le Ama Lamtua Allah tulu bel mi un dalen banan na, le halin mi nuil babanan, titu-tema nol dame. Ama Lamtua Allah na mo muik meman lo-lolo hmunan nua, halas nia, nol muik napiut didiin hidi nutus taan lo. Auk kon nodan le Un Koo la tulu bel mi Un dalen banan na, le halin mi nuil babanan, titu-tema nol dame. Auk ngat net Un Koo la, banansila el hngasa iut man saol Ama Lamtua Allah del in prenta ka.

Apan-kloma Hnika Balu 1:8

Ama Lamtua Allah tek noan, “Auk niam, Alfa lako pes Omega. (Laih hmunan lako lius in puis) Auk niam, A lako pes Z. Totoang daid deng Au, ninin deng hmunan nu lako lius in puis. Auk man muik meman son deng hmunan nua. Auk man muik hahalas ni kon. Nol Auk man muik tutungus didiin hidi nutus taan lo. Ta Auk siing man kuasa dudui!”