Ibrani 12:5 - Buk Niu In Hida Balu nol Dehet deng Apan-kloma ki in Dadi ka

⁵ Tamlom mi nadidingun Ama Lamtua Allah in Teka-teka, man Un tek mias son, banansila el ama mes aa nol un ana ka noan, “Auk anang nge! Eta kit Tuang nga hukung le tui ku, halin ku nuil muid lalan in toma ka lam, ku nangan nam kahan tuun deken! Nol eta Un kaing le tui ku lam, ku in makoe ka boel ilang deken!

Ibrani 12:5 ပူးပေါင်းရင်းမြစ်များ

Lukas 24:6

Yesus ne ia lo son! Ta Un nuli pait son. Bet mi nadidingun asa man Un in teka, se dedeng Un bii se Galilea ka, ta lo?

Lukas 24:8

Ming ela, halas-sam oen nangan net Yesus in teka hmunan nua ka.

Korintus mesa la 11:32

Eta kit Lamtuan na hukung kita lam, Un tao ela le tui kit muid Un lalan in toma ka. Ta eta mam kit tom in hukung le dudus leo-leo nol atuil in ne apan-kloma ki ngias sam, Un tade lo.

Galatia 6:9

Undeng na, tiata mi osan daat in daek dais banan deken. Ta tom nol oras sa, kit kon haup seda isin banan, sadi kit tahang napiut.

Timutius mesa la 1:20

Himeneus nol Aleksander kon tuladang ela! Tiata auk sao soleng oen lakos se uikjale kas tuang tene ka. Auk tao ela, le tui one, halin oen tenes deng in tao didaan Ama Lamtua ngala ka.

Ibrani 12:7

Tiata eta Ama Lamtua Allah kaing le tui mia, halin nuil muid lalan in toma ka lam, kehe. Un tao ela, undeng mi daid Un anan son. Ta totoang ama li musti kaing le tui un ana ka, didiin tana-ana na, taan in nuil muid lalan man in toma ka.

Ibrani 13:22

Kaka-pail in namnau me! Auk nodan le mi sium auk in tui-teka ni babanan nini dalen in holsai. Ta surat ni, suma dadaen tuun.

Yakobus 1:12

Ama Lamtua bel hangun se atuil in tahang didiin, puti nal deng in sukat-soba ngas. Hidim oen sium in nuli, man Ama Lamtua hid meman son le belen se atuil in namnau Una ngas. Oen sium in nuli na banansila el atuil in nala, sium piala ka.

Apan-kloma Hnika Balu 3:19

Eta atuil Auk in namnau ngas tao kula kam, Auk kaing one nol hukung one, le halin nam oen daid banan. Tiata mi musti tao mi dalen nas lo-lolo le halin mi makoe baktetebes in muid Au.