Ibrani 12:4 - Buk Niu In Hida Balu nol Dehet deng Apan-kloma ki in Dadi ka

⁴ Mi labang dais daat tas son, mo mi labang mumuun didiin mi dalan nas baa lo bii. Baktebes, ta lo?

Ibrani 12:4 ပူးပေါင်းရင်းမြစ်များ

Matius 24:9

Tiata mi musti doh babanan! Ta mam oen diku-puang mia, nol keo tele mia. Hidim atuil deng bangsa-bangsa lias totoang kom mi lo isi, undeng mi in muid Au ka.

Korintus mesa la 10:13

Taom eta ku kom in daek dadaat tam, nangan ta atuil didang kon tutnaal in sukat-soba ela kon son. Mo ku parsai se Ama Lamtua halin Un daek muid asa man Un in teka ka. Undeng Un nang ku le ku haup in sukat-soba muun dui deng ku in tahang nala ka lo. Taom ku haup in sukat-soba ela lam, Un bel ku lalan in puti. Un tao ku kuat-tes le tahang nala, halin ku nahi deken.

Filipi 2:8

Suma daid atuil ana tuun lo, mo Un tao apa ka daid atuil ahu-dale, le daek muid Ama Lamtua Allah in koma ka. Atuli li pauk tele Un se kai sangsuli lu dapa kon no, Un sium tuun, nol mate, banansila el noan, Un nam atuil daat.

Ibrani 12:2

Nol kit kon musti lali lam, ngat kliu-kanan deken, mo ngat se Lamtua Yesus sii. Ta Un man sai lalan le kit haup in parsai se Ama Lamtua Allah. Nol mam Un man tulung le kit parsai ka daid inu. Nangan net Yesus in susa-daat se kai sangsuli lua ka, tam lo ka? Atuli las bilu-aa Una, mo Un tahang napiut. Lole Un tana noan, eta Un in haup susa-daat ta hidi son nam, mam un dalen kolo lolen. Na toma. Ta Un mate, hidim Ama Lamtua Allah nikit Un le daad se Ama Lamtua halin kanan na, le Oen duas prenta leo-leo.

Ibrani 13:13

Undeng na, atuli bilu-aa kit kon, kit musti mana le sium tukun, banansila el Una, hidim maa le kit parsai napiut se Una.

Apan-kloma Hnika Balu 12:11

Kit pail-kakan nas tao tehen ul naga man hmunan nu taan in bel kula oen tutungus sa son, nol undeng Lae-blai Ana na dala ka baa son, le kose soleng oen in kula-sala ngas. Oen kon tao tehen una, undeng oen brain le tek atuli li deng Lae-blai Ana ka dalen banan na. Atuli komali le noan keo tele oen kon no, oen hoen lo.

Apan-kloma Hnika Balu 17:6

Hidim auk ngat tam bihatang na mahu ngele isi son, lole un niun Ama Lamtua Allah atulin nas dala nas. Nahin na noan, un keo tele Ama Lamtua Allah atulin nas son, undeng oen teen in aa deng Yesus lo. Ngat net ela kon, auk ngaa-bahang tuun nol herang isi.

Apan-kloma Hnika Balu 18:24

Babel haup in hukung ngele son nia, undeng oen taan in keo tele Ama Lamtua mee-baha las si-sii. Kota in leok isi na dudus son, undeng un diku-puang nol tao tele Ama Lamtua atulin nas tutungus. Ama Lamtua atulin nas teng kon tom in keo tele se mana-maan didang. Mo Babel man musti lepa-haal kula-sala nas totoang. Kota in muun isi na man lepa-haal in situ-tala ngas.”

Apan-kloma Hnika Balu 2:13

Auk taan mi in ne kota Pergamus sas son. Ta in prenta ne na ka, uikjale kas laih tuan na. Ela kon no, mi kil didi Auk ngalang ngia, nol parsai napiut se Au. Hmunan nu muik Auk atulin mes se la, ngala Antipas. Un tui nol in toma deng Auk lalan in nuli ka tutungus, mo oen keo tele una. Ela son kon no, mi kaen Auk lo.