Ibrani 12:24 - Buk Niu In Hida Balu nol Dehet deng Apan-kloma ki in Dadi ka

²⁴ Yesus kon muik ne ua, Un man daid hleten taung Ama Lamtua Allah nol atuli lia. Yesus mate le dala ka holbohon, halin Ama Lamtua but in hida balu nol kita. Tiata Un dala ka, tao blingin Ama Lamtua Allah dalen na. Mo ni kisa deng Habel dala in se Dehet deng Apan-kloma ki in Dadi ka. Ta dedeng Kain keo Habel la, Habel dala in baa ka, tao otot Ama Lamtua Allah dalen na, didiin Un nahu hukung bel Kain.

Ibrani 12:24 ပူးပေါင်းရင်းမြစ်များ

Dehet deng Apan-kloma ki in Dadi ka 4:10

Kon Ama Lamtua tekan noan, “Tasao le ku daek dadaat isi ela lia? Ku bali noan ku buni nal ku palim ma dala ka se dale dale, le Auk netan loo ke? Auk net hidi totoang son.

Matius 23:35

Hmunan hesa ku mi upu kia-kaon na keo Habel. Molota, un nam atuil in dalen lolo. Mi upu kia-kaon nas taan in keo tele atuil in nuil lolo ngas tutungus, kilan deng Habel lako pes Sakarias, Barakia ana ka. Oen keo un se Um in Kohe-kanas Tene ka kintal la, dadani nol mija in tunu-dadung nga. Undeng mi tao muid mi upu kia-kaon nas in daat ela ka, tiata mi musti lepa-haal atuil man dalen in lolong nas, dalan nas.

Matius 26:28

Ta anggor ni, Auk dalang nga. Mam Auk mateng le dalang ngi holbohon, halin bel boa-blingin atuli hut mamo deng oen in kula-sala ngas. Daal ni daid tada le tek nuting noan, asa man Ama Lamtua Allah in hid son na, meman halas ni dadi son. Tiata kata, le niun tia!

Markus 14:24

Un tekas noan, “Anggor ni, Auk dalang nga. Mam daal ni holbohon, le bel boa-blingin atuli hut mamo. Daal ni daid tada noan, asa man Ama Lamtua Allah in hid meman son na, halas ni dadi. Tiata kata, le niun tia.

Lukas 22:20

Oen kaa hidi ruti na kon, Un kat klas in nisi anggor uin na, le Un aa pait noan, “Anggor nia, Auk dalang nga, man holbohon le bel boa-blingin mia. Ama Lamtua Allah pake daal nia, le butu-kil in hida balu nol mia.

Galatia 3:20

Mo dedeng Ama Lamtua Allah tao in hida nol Abraham ma, Un pake hleten lo. Lole Un esa man bel in hida na se Abraham! Nini ela lam kit tana noan, Ama Lamtua in hida ka, muun dudui deng atorang nas.

Timutius mesa la 2:5

Ama Lamtua Allah na mo, mes sii. Nol suma muik hleten mes sii, man mole-daem nal Ama Lamtua Allah nol kit atuli lia, na ka Yesus Kristus. Hidim Yesus na mo, atuil esa-esa.

Ibrani 10:22

Undeng na daid kit hak, ta maa le kit taam laok aa esan nol Ama Lamtua Allah. Mo kit musti parsai baktetebes se Un nol dalen in lolo. Ta Yesus in mate ka tao niu kit dalen nias son, didiin kit nangan dasi-dais daat tas pait lo son. Nol kit kon musti nuil niu, banansila el tulu agama tuladang blaan nas musti dius muna le, halas-sam taam laok lii-lau Ama Lamtua.

Ibrani 11:28

Upung Musa kon parsai se Ama Lamtua, se oras oen mana hidi son le noan putis deng dale Mesir ra. Ta un daek muid Ama Lamtua in prenta ka, le tadu kit upu kia-kaon nas tao Fesat Paska hmunan na, le keo lae-blai halin daid hmukit in tunu-dadung. Hidim oen kat lae-blai na dala ka, le muang laok se oen uma las hnitan nas le daid tada. Duman na, Ama Lamtua ima-ii deng sorga maa keo tele totoang aan hmunan in se dale Mesir ras. Mo un taam laok keo tele se kit upu kia-kaon nas uma las lo, undeng un net daal in muang son se hnita ka ngas.

Ibrani 11:4

Habel parsai se Ama Lamtua Allah. Undeng na, un kil in bele man banan dui deng un kaka Kain. Ama Lamtua Allah sium Habel nol un in bele ka nol babanan, undeng un dalen na lolo. Tiata un mate nesang son kon no, kit tui haup deng un in parsai ka nabale.

Ibrani 13:20

Ama Lamtua Allah, man tao kit dalen nias tetesa. Auk nodan le Un tulung mia, le halin mi tao nal muid Un in koma ngas totoang. Auk kon nodan le Un tulung kit totoang, halin daid atuil man in tao Un dalen kolo. Ta Ama Lamtua Allah nini Yesus Kristus dala in holbohon son na, le but in hida balu nol kita. In hida na laok napiut didiin hidi nutus taan lo. Hidim Ama Lamtua Allah bel kit Lamtuan Yesus Kristus nuli pait son. Nol halas ni Yesus papa-paiduil kita, banansila el atuil in lolo-poa man uhu isi ka. Tiata kit nikit sakeng Un ngala ka lapa-lapa, nol naka-halit Un tutungus! Baktebes ela.

Ibrani 7:22

Nini Ama Lamtua Allah in hid ela ka, Un bel kit Yesus le daid in kila, noan, Un le but in hida banan dui pait nol kita.

Ibrani 8:13

Oras Ama Lamtua aa noan, Un le but in hida balu nol one ka, nahin na noan, in hida blaan na, pake lo ka. Nol nesang lom in hida blaan na ilang.

Ibrani 8:6

Mo Yesus osa la muun dui deng tulu agama tuladang blaan nas. Ta halas ni, Ama Lamtua Allah but in hida nini lalan man in banan dui son, undeng Un kon nini Yesus le daid hleten, le halin atuli li haup in dame nol Ama Lamtua Allah.

Ibrani 8:8

Ta hmunan nu, Ama Lamtua Allah kaing Un atulin nas, undeng oen kaliut Un atorang blaan nas oe-oe son. Nikit Un tahang nal nol oen lo son kon, Un koon-mali le tekas noan, “Hii-ming babanan, ta Auk niam Lamtua! Taon elola ko mam Auk but in hida balu nol bangsa Israel, nol ngaal Yahuda.

Ibrani 9:15

Undeng Kristus dala ka uhu dudui, tiata Ama Lamtua Allah pake Una, le but in hida nol totoang atuil man Ama Lamtua Allah in haman son, le daid Un atulin nas. Ta dedeng Kristus mate le sui-nahat atuli lia ka, Un kon sui-nahat kit upu kia-kaon nas, deng kula-sala man oen in daek son se hmunan nua ngas, se dedeng Ama Lamtua Allah but in hida blaan na nol one ka. Undeng na, oen kon haup in nuli napiut nol Ama Lamtua Allah son.

Ibrani 9:19

Oe mesan na, upung Musa tao nakbuan kit upu kia-kaon nas, le un tek beles totoang prenta man in muik ne atorang man Ama Lamtua in niung maa son nas. Hidi nam, upung Musa keo aus-sapi nol laen, hidim kat oen dalan nas, le kutang nol ui. Un kon nini bung mea le but nakbua kai klehen blutu kas. Hidim un dopon laok se daal na dale, le hiti-hiti laok se Ama Lamtua Allah in Dula ka, nol hiti laok se atuli las totoang.

Ibrani 9:21

Upung Musa kon hiti-hiti daal na lako se Hleep in Kohe-kanas sa, nol totoang sa-saa in se la ngas, man oen pakes le todan-lahing se Ama Lamtua Allah.