Ibrani 12:16 - Buk Niu In Hida Balu nol Dehet deng Apan-kloma ki in Dadi ka

¹⁶ Lii-tidu nol doha, le halin muik in laok kula deken. Hidim lii-tidu nol doha, le halin muik in nuil tiu-hii Ama Lamtua Allah lo, banansila el Esau deken. Esau nam mo, upung Isak ana hmunan na. Oe mesan na, Esau pait maa nol in lubu isi. Un nodan in kaa pingas mes deng un palin Yakob, le baen nini un hak kaka la.

Ibrani 12:16 ပူးပေါင်းရင်းမြစ်များ

Dehet deng Apan-kloma ki in Dadi ka 27:36

Kon Esau tek noan, “Un nole auk oe dua son nia. Laih hmunan na, un nole nal auk hak hmunan na. Neot nia lam, un nole nal auk hangun na lolen. Dadin un ngala ‘Yakob’ pa. Mo paap muik hangun didang pait le bel au, tam lo ka papa?” (Ngaal Yakob pa nahin na noan ‘kil se iin baih ngungun’. Mo un nahin didang nga ‘atuil in nole daat’.)

Markus 7:21

Ta muik dais daat mamo putis deng atuli li dalen nia! Tuladang el: nangan dadaat, laok kula nol bihata tam biklobe molota oen saap lo bii, nako, keo atuli,

Dehet deng Aan in Nutus sas 15:29

Laok kula nol bihata tamlom bikloeb man ku sapam lo ka deken. Kaa siis in hui-langus deken. Kaa daal deken. Nol kaa hmukit man atuli kes tele ka sisin na deken. Eta mi doha-tiud apan deng dais nas totoang ela lam, mi pail-kakan atuil Yahudi man Kristen nas nikis mi lo. Nol ela lam, mi bisa nakbuan nol one. Kaim surat ta lin na ela tuun. Boa-blingin.”

Korintus mesa la 10:8

Kit boel laok kula nol atuil man kit sapan lo ka deken. Ta oe mesan na, oen laok kula ela, kon atuli 23.000 mates se lelo mes sii dalen.

Korintus dua la 12:21

Mam eta auk tiang se mia la lam, auk daid in nangan, undeng mi in tao-tao ngas. Tamlom Ama Lamtua Allah le tao nahmaeng auk se mi silan na. Nol tamlom auk kon tao ngele mia, undeng muik atuli mamo nabael deng mia la nuil dadaat, le dai pesang halin bali muid se Ama Lamtua lalan lolo ka lo ka. Oen hmomos! Lole muik in laok kula nol atuil man un sapa lo ka. Oen tao dadaat bili-ngala nol mae taan lo.

Efesus 5:3

Mi kon niam, Ama Lamtua Allah atulin in niu. Tiata nuil hmomos deken! Dais in hmomos sa tuun kon, nangan nol aa deken! Laok kula nol atuil didang man ku sapam lo ka deken! Kom naseke deken!

Efesus 5:5

Nangan babanan! Ta atuil in nuil hmomos sas nol atuil in laok kula nol atuil didang man un sapa lo kas, Ama Lamtua Allah simus lo! Oen taam nal le daid Kristus atulin lo, nol Ama Lamtua Allah daid oen Lahin lo. Ama Lamtua Allah kon sium atuil in kom naseke ka lo, undeng oen dising soleng Una, le nikit sakeng dais didang ngas lapa-lapa.

Kolose 3:5

Tiata mi musti soleng mi in kom le tao dadaat tas. Banansila el: kom in laok kula nol atuil didang, man ku sapa lo ka; kom in tao dasi-dais hmomos; kom le tao muid ku dalem ma in kom isi ka; kom le tao dadaat bili-ngala; nol kom naseke le totoang daid ku nena sii (molota nas banansila el ku hui-langus, lole ku nikit sakeng dais didang ngas lapa-lapa le dising soleng Ama Lamtua).

Timutius mesa la 1:9

Atorang nas dulas taung atuil in nuil lolo son nas lo. Molam dulas le bel atuil in labang daat tas, atuil in dai hii-ming in prenta lo ngas, atuil in nuil katang deng Ama Lamtua ngas, in kom le daek dadaat tas, in toe muid Ama Lamtua lo ngas, in ngat maat halin tuun nol sa-saa niu ka ngas, in keo tele atuil tutungus sas, nol in keo tele un ina-aman nas esan nas.

Ibrani 13:4

Bihata-biklobe li in sapa ka nam mo, niu. Mo tamlom in sapa man niu na, daid hmomos sa. Ta taon elola ko, Ama Lamtua Allah nahu hukung bel totoang atuil man laok kula nol atuil man un sapa lo ngas.

Apan-kloma Hnika Balu 21:8

Mo mam kon muik atuli teng tom in pasang soleng, lako tasi ai blirang man kaloe tutungus sa. Tuladang el atuil in lii daat, atuil man bali kudi Yesus, atuil in nuil hmomos, atuil in nong dadahut daat, atuil in keo atuil tutungus, atuil in hui-langus tutungus, atuil in nodo-kit daat, nol atuil in nole-lilung daat tas. Mam oen totoang tom in pasang tamang lakos tasi ai dalen, man atuli noken noan, ‘man in mate oe dua la.’ ”

Apan-kloma Hnika Balu 22:15

Mo atuil didang ngas, boel taam laok se na lo. Man Ama Lamtua atulin lo kas, boel taam laok se na lo. Nas, atuil man in parsai se Ama Lamtua lo ngas, atuil in nong dadahut daat tas, in hui-langus tutungus, keo atuil tutungus, in nodo-kit tutungus, nol in nole-lilung daat tas. Oen totoang nas, boel taam laok lo. Nang soleng oen totoang se likun na tukun tia.