Ibrani 12:14 - Buk Niu In Hida Balu nol Dehet deng Apan-kloma ki in Dadi ka

¹⁴ Kaka-pail in parsai se Kristus! Mi musti nuklek mumuun le nuil daem apa, mes nol mesa. Nol nukleka le nuil niu. Ta atuil in niu lo ka, haup in net Ama Lamtua Allah lo.

Ibrani 12:14 ပူးပေါင်းရင်းမြစ်များ

Dehet deng Apan-kloma ki in Dadi ka 32:30

Kon Yakob aa noan, “Auk net Ama Lamtua Allah sil nol sil son, mo auk nuling nabale.” Tiata un ngali maan na ngala Peniel, man nahin na noan, ‘Ama Lamtua sila ka’.

Markus 9:50

Sila li niam, banan. Kit pake le tao mingis in kaa. Mo eta sil na milu lo son nam, un ambak ki saa la? Muik ambak lo son. Mi kon musti daid tuladang el sila ka, le nuil neka-namnau apa nol atuli li totoang. Tiata, mi teen in kaen apa noan, asii man tene dui, tam asii man ana dui ka tia!”

Lukas 1:75

Un sao kit son, le halin nam kit in nuli ki niu, nol lolo tutungus se Un sila-mata ka.

Roma 12:18

Eta bole lam, nuting lalan le nuil mole-daem nol totoang atuli lia.

Roma 14:19

Tiata, kit musti dil dididi le nuil daem nol apa, hidim tao teken apa dale.

Roma 6:22

Mo halas nia, Ama Lamtua sas-sao mi son deng tuang blaan na, tiata mi boel tao kula pait bakun na. Ta mi musti daid Ama Lamtua atulin in dake. In puis sa, mam mi daid niu taung Una, nol haup in nuil toma man hidi nutus taan lo ka.

Korintus mesa la 1:10

Kaka-pail in namnau me! Se dais ni dalen, auk aa nini kit Lamtuan Yesus Kristus ngala. Tiata, auk nodan nol baktetebes le mi pesang deng in kaen apa ka tia. Molam nuklek le mi nuil dalen mesa, nol bakisan apa deken. Mi musti nangan blatas leo-leo, halin mi nangan taan noan, mi leo-leo kil ne in nangan mes sii.

Korintus mesa la 13:12

Auk bel kleta didang pait: halas ni kit ngat net bubuit son, mo langa isi lo bii, banansila el didaan silan se hdidan in daat son na. Mo nesang le lako lam totoang daid langa. Kit in ngat neta ka banansila el dadani ne kit sila-matan. Halas ni auk in nangan tana ki suma bubuit sii. Mo lako-lako lam auk nangan taan totoang, banansila el Ama Lamtua Allah in taan deng auk aap-inang ngi totoang nga.

Korintus dua la 6:17

Tiata Ama Lamtua kon dul elia, “Mi musti putim deng oen hlala ka, le bakisan deng one, halin mi daid banansila el oen deken. Mi dalen nas musti niu'. Hidim, mi musti nuil katang deng totoang asa man in tao mi le dalen hmomos sas, nini ela lam, Auk sium mi nol babanan.

Korintus dua la 7:1

Kaka-pail in namnau me! Undeng Ama Lamtua hid dais nias totoang son bel kita, tiata kit musti tao niu kit dalen nia, nol kit in nuli kia. Nang le hmomos bubuit kon muik se kit aap-inan ni nol aap-hmangin ni deken. Ta kit le daid niu totoang bel Ama Lamtua, le tulu bel noan, kit lii-tidu nol todan Una.

Galatia 3:21

Dedeng Ama Lamtua bel atorang agama la se upung Musa ka, labang nol Ama Lamtua in hida kas se? Loo! Ta eta muik atorang man atuli li daek nal mudin, le Ama Lamtua sium un nol babanan nam, taon elola ko atuil Yahudi li atorang ngas tao nal ela. Molota muik tahan atorang mes lo kon, man atuli li tao nal mudin, le tao blingin Ama Lamtua dalen na, le halin Ama Lamtua sium un babanan.

Efesus 5:5

Nangan babanan! Ta atuil in nuil hmomos sas nol atuil in laok kula nol atuil didang man un sapa lo kas, Ama Lamtua Allah simus lo! Oen taam nal le daid Kristus atulin lo, nol Ama Lamtua Allah daid oen Lahin lo. Ama Lamtua Allah kon sium atuil in kom naseke ka lo, undeng oen dising soleng Una, le nikit sakeng dais didang ngas lapa-lapa.

Filipi 3:12

Kaka-pali me! Auk kom le muid Kristus lalan in nuli ka nol Un in koma ka totoang. Mo eta aa nahlololo lam, auk muid totoang lo bii. Tiata auk dil dididi, undeng Yesus Kristus huil nal auk son, le muid Un ela. Auk banansila el atuil man in lail mumuun, le lako lius nal se in tuis pesang ngua ka. Tiata auk lail lolo-lolo laok el sila-mata lua, nol ngat laok el klupu lu le nangan nuting dasi-dais hmunan nuas lo. Auk nadidingun soleng tuun.

Tesalonika mesa la 3:13

Nini ela lam, Ama Lamtua tao tes mi dalen nas, le halin mi nuil lolo nol niu, didiin eta Lamtua Yesus pait maa, nol Un atulin nas sam, mi dil nal se kit Aman Lamtua Allah sila ka, nol lepa-haal in kula-sala saa lo.

Tesalonika mesa la 4:7

Ta Ama Lamtua Allah haman kit son, le daid Un atulin. Un in koma ka, le kit musti nuil niu, mo nuil hmomos banansila el atuil in nong daat tas deken. Ela ta lo!

Tesalonika mesa la 5:15

Balas in daat ta nini daat deken. Molam nuklek le daek banan nas tutungus taung atuli li totoang. Suma daek banan saol kit atulin nias siis deken, molam nol atuil likun nuas kon.

Timutius mesa la 6:11

Timutius! Ku niam mo Ama Lamtua Allah nena. Tiata ku bian kakatang deng in daat tas totoang. Nuil niu. Nuil le tao Ama Lamtua dalen kolo se totoang dasi las dalen. Parsai napiut se Yesus Kristus. Namnau papmes atuli lia. Tahang mumuun se in susa dalen. Nuil babanan nol totoang atuli lia.

Timutius dua la 2:22

Atuil muda kas hlapat nahis, undeng oen in kom naseke ka. Mo Timutius, ku musti doh ku apam ma babanan, le tao muid ku in kom naseke ka deken. Nuting le daek in banan na tutungus. Parsai napiut se Ama Lamtua. Nuil nol in namnau, hidim nuil babanan nol totoang atuli lia. Totoang atuil man in parsai se Ama Lamtua, man nulis nol dalen niu ngas, daek in banan na tutungus. Tiata Timutius, ku in nuli ka musti banansila el one!

Ibrani 12:10

Kit aman in hua ka kaing le tui kita, suma nanapat sii muid asa man un nangan nam banan. Mo Ama Lamtua Allah taan dui asa man kit in parlu le tui ngas. Tiata Un kaing le tui kita, halin kit in nuli ki niu banansila el Una.

Ibrani 9:28

Ela kon nol Kristus. Un mate le sao Un apa ka daid in sui-nahat oe mes sii. Nol mam Un kon pait maa. Mo Un maa le mana-koet atuli li in kula-sala ngas lo, undeng Un daek hidi os na son. Ta Un maa le bel boa-blingin totoang atuil in nahlae se Una ngas.

Petrus mesa la 3:11

Un musti pesang, le tao dadaat pait bakun na, mo hobalin le daek in toma ngas tuun. Un musti nuting lalan le daem nol totoang atuli lia, hidim nuil babanan nol one.

Petrus mesa la 3:13

Eta mi makoe in daek banan nam, asii le daek dadaat saol mi pait ta? Muik lo, ta lo?

Petrus dua la 3:11

Tiata eta mam totoang nas ai kaa nulis sam, mi daid atuil tuladang elola la? Mi musti dil dididi le nuil muid Ama Lamtua in koma ka. Nol mi musti nuil niu'!

Petrus dua la 3:18

Banan dui ka, mi in parsai ka nuli tapnaeng. Ta mi taan kit Lamtua Yesus Kristus son, man bel kit boa-blingin deng kit in kula-sala ngas. Un le tulu Un dalen banan na bel mia. Un kon koma, le mi taan Un banan dui pait. Auk in koma ka, le totoang atuli li nikit sakeng Un ngala ka lapa-lapa, kilan deng halas nia, didiin hidi nutus taan lo! Boa-blingin, Petrus

Yuhanis tilu la 1:11

Kaka in namnau! Ku musti not atuil in daek dais banan na. Mo boel not atuil in daek dais daat ta deken. Ta atuil in daek dais banan na, Ama Lamtua Allah atulin. Mo atuil in daek dais daat ta, taan Ama Lamtua Allah lo.