Ibrani 11:9 - Buk Niu In Hida Balu nol Dehet deng Apan-kloma ki in Dadi ka

⁹ Nikit un lako lius se dale na kon, un bangun-pii un hlepe la, le daad banansila el atuil in laok-maa, se dale man Ama Lamtua in hid son le bel una ka. Hidim un ana Isak, nol un upu Yakob kon daad se las, lole Ama Lamtua hid son le bel dale na daid oen pusaka.

Ibrani 11:9 ပူးပေါင်းရင်းမြစ်များ

Dehet deng Apan-kloma ki in Dadi ka 12:8

Hidi deng maan nam, Abram lakos seda se leten, ne suu loten, hidim daad tahang se iung Betel nol iung Ai hlala ka. Se na, un bangun mija in tunu-dadung mes pait taung in todan-lahing AMA LAMTUA.

Dehet deng Apan-kloma ki in Dadi ka 13:18

Hidi na kon, Abram lakos le daad seda pait se mana mes dadani nol kai-kai ina tene kas se Mamre, dadani nol iung Hebron. Kon un toed batu, le daid man in tunu-dadung halin todan-lahing AMA LAMTUA se na.

Dehet deng Apan-kloma ki in Dadi ka 13:3

Deng Negeb un laok seda-seda mana, le pait lako se iung Betel nol iung Ai hlala ka. Hmunan nu, un daad net se la.

Dehet deng Apan-kloma ki in Dadi ka 17:8

Dale Kana'an ni totoang mam Auk bel kun, nol ku in hua-koet tas. Halas ni ku suma daad tahang tukun se nia. Mo ku in hua-koet tas man haup dale Kana'an lako lius didiin son na. Nol mam Auk kon daid oen Lamtuan Allah.

Dehet deng Apan-kloma ki in Dadi ka 18:6

Hidi kon Abraham lail lako un hlepe la, le tek Sara noan, “Hlapat! Kat tarigu in banan dui ngas sak mesa, le daek ruti.”

Dehet deng Apan-kloma ki in Dadi ka 18:9

Kon oen ketan un noan, “Abraham! Ku sapam Sara ne ola ka?” Un siut noan, “Ne hlepe lu dale.”

Dehet deng Apan-kloma ki in Dadi ka 21:34

Hidi kon Abraham daad tahang nesang se atuil Filistin nas dale ka.

Dehet deng Apan-kloma ki in Dadi ka 23:4

“Ama me. Auk niam suma daad tahang tukun ne mi hlala kia. Auk muik dale le puan auk sapang ngi lo. Tiata etan mi tade kam, hee bel auk mi dale ana tep mesa, le halin nam auk puan auk sapang ngi se na.”

Dehet deng Apan-kloma ki in Dadi ka 25:27

Dedeng tana-anang dua nas in tenes maas sa, Esau daid atuil in lono-poa taan hmukit. Un kom in se alas dalen tuun. Mo Yakob na mo ete tukun, nol un in koma ka le daad se uma tuun.

Dehet deng Apan-kloma ki in Dadi ka 28:4

Nang le Ama Lamtua in hid nol upung Abraham ma nahi se ku, nol ku in hua-koet tas. Nang le ku haup dale, man Ama Lamtua Allah in hid hidi, le bel upung Abraham son na.”

Dehet deng Apan-kloma ki in Dadi ka 31:25

Duman na, Yakob buba hleep son se leten nas. Kon Laban buba oen hlepe las katang lo deng one la.

Dehet deng Apan-kloma ki in Dadi ka 35:27

Hidi nam, Yakob lako meo un ama Isak se Mamre, dani nol iung Kiriat Arba (halas ni ngala Hebron). Hmunan nua, un upu Abraham kon daad se la.

Dehet deng Apan-kloma ki in Dadi ka 36:7

Esau bakisan nol Yakob, undeng oen hmukit tas, nol hmukin nas mamo isi. Tiata oen nuli ka tep isi son se dale na.

Dehet deng Apan-kloma ki in Dadi ka 47:9

Yakob situn noan, “Auk nuling taun ngatus buk tiul son, mo auk daad tetesa se mana mes lo. Auk upu-amang ngas kon ela. Eta sukat nol one lam, auk umur ri meman daen dui. Mo inu nol in susa-daat mamo dui.”

Ibrani 6:17

Nini ela lam, kit tana noan, eta Ama Lamtua tao in hida nol Un atulin nas sam, Un butu-kil in hida na nini sumpa, le halin tulu bel noan, asa man Un in hid son na, meman toma nol seda lo.