Ibrani 11:8 - Buk Niu In Hida Balu nol Dehet deng Apan-kloma ki in Dadi ka

⁸ Upung Abraham kon parsai se Ama Lamtua Allah. Tiata Ama Lamtua Allah haman un noan, “Abraham! Puti deng ku ingu la, le lako se mana mesa, man mam Auk tulu bel kun. Ta dale na, mam daid dale pusaak taung ku in hua-koet tas.” Ming ela kon, un tao muid Ama Lamtua in koma ka. Mo laok bus elola lam, un tanan lo.

Ibrani 11:8 ပူးပေါင်းရင်းမြစ်များ

Dehet deng Apan-kloma ki in Dadi ka 11:31

Oe mesan na, Tera nol un ana Abram, un nalen Sarai nol un upu Lot, putis lakos nang soleng iung Ur. Dedeng na, oen le lakos dale Kana'an. Mo lakos lius se dale Haran kon, oen daad se las tukun.

Dehet deng Apan-kloma ki in Dadi ka 12:7

Se na, AMA LAMTUA tulu-balang apa ka bel Abram. Un tekan noan, “Mam Auk bel dale ni bel ku in hua-koet tas.” Hidi kon Abram daek mana mesa, toden nini batu, le taon daid maan in tunu-dadung bel AMA LAMTUA, man tulu-balang apa ka son se maan na.

Dehet deng Apan-kloma ki in Dadi ka 15:5

Kon Un kil puting Abram, hidim tekan noan, “Olan ku ngat laok bus el apan nua, le tinang duun nas. Ku kaih nalas se? Mam ku in hua-koet tas mamon na el duun nas kon!”

Dehet deng Apan-kloma ki in Dadi ka 17:8

Dale Kana'an ni totoang mam Auk bel kun, nol ku in hua-koet tas. Halas ni ku suma daad tahang tukun se nia. Mo ku in hua-koet tas man haup dale Kana'an lako lius didiin son na. Nol mam Auk kon daid oen Lamtuan Allah.

Dehet deng Apan-kloma ki in Dadi ka 20:13

Tiata dedeng Ama Lamtua Allah tadu kaim lakom heon-heon na, auk tek auk sapang nga noan, ‘Eta kit laok se ola-ola, le atuli ketan kit duat in nuil nol apa ki elola, nol eta ku namnau au lam, siut tuun noan kit duat niam bata-blane.’ ”

Dehet deng Apan-kloma ki in Dadi ka 22:18

Deng ku in hua-koet tias, mam bangsa-bangsa in se apan-kloma ki ngias totoang, haup hangun, undeng ku muid Auk in leka ka son.’ ”

Dehet deng Apan-kloma ki in Dadi ka 26:3

Eta ku daad tahang tuun se maan na lam, mam Auk leo-leo nol ku, nol bel ku hangun bili-ngala. Mam Auk bel ku in hua-koet tas le taplaeng mamo, banansila el duun in ne apan-dapa kua ngas. Nol Auk bel ku, nol ku in hua-koet tas nusa nia, nol un ingu-mana las totoang. Deng ku in hua-koet tas, mam totoang bangsa in se apan-kloma ki ngias haup hangun. Nini ela lam, Auk in hid nol ku amam Abraham ma, Auk taon dadi.

Matius 2:21

Ming ela kon Yusuf hangu. Hidim un nolas pait lakos dale Israel.

Roma 1:5

Yesus tulu Un dalen banan na bel au, ta Un huil nal auk le daid Un atulin in nutus, le laok tek Un in hida ka se ola-ola. Ta Un in koma ka le, atuil Yahudi lo ngas kon parsai se Una, nol nuil muid Un in koma ka. Auk kon in koma ka le atuil deng bangsa lias totoang, parsai se Kristus nol nuil muid Un in koma ka.

Roma 10:16

Mo mi tanan son noan, muik atuil Israel dehe, man dai hii-ming Ama Lamtua Dehet Dais Banan na lo. Ta Ama Lamtua mee-baah Yesaya la dul noan, “Ee Lamtua! Atuli las dai hii-ming in hida, man oen ming son deng kami ka lo!”

Roma 6:17

Hmunan nu, mi nang kula ka le mana-koet mia, mo halas ni mi hii-ming asa man in ne mi dalen nas sa, le daek muid atuil sarani las in tui mia ka. Undeng na le, auk nodan mamo se Ama Lamtua.

Korintus dua la 10:5

Ama Lamtua in kuasa ka tao didaan totoang in koma, man labang nol Ama Lamtua, man tao atuli li le dai taan Un lo ngas. Un in kuasa ka kon tulu nal lalan, le seda kit lalan in nangan blaan na nini lalan balu. Nini ela lam, kit tui apan le nangan muid Kristus in tui ka.

Ibrani 11:33

Oen totoang parsai se Ama Lamtua Allah. Undeng na le, muik in nala, se oras oen in labang nol lahi-lahi la ngas. Muik in kil prenta nol dalen in lolo, le bela atuil in muik kula lo ngas, mo hukung atuil in tao kula ngas. Muik in sium asa man Ama Lamtua in hid son nas. Nol muik in tao tehen nal singa.

Ibrani 5:9

Hidim meman baktetebes Un tao muid Ama Lamtua in koma ngas totoang. Tiata halas nia, Un daid Peke in kil Boa-blingin, taung totoang atuil in parsai Una ngas, le halin oen haup in nuli napiut nol Ama Lamtua Allah.

Petrus mesa la 1:22

Mi tao muid asa man in toma ka. Tiata halas ni mi daek mumuun bel Ama Lamtua. Na man tao mi le namnau mi kaak-palin in parsai ngas. Mi in namnau ka musti kuat-tes tapnaeng, undeng mi dalen nas niu.

Petrus mesa la 3:1

Sapa-bihata me! Apin auk tek noan kit musti hii-ming se atuil in kil kuasa ngas. Tiata mi musti hii-ming se mi sapa-bikloben na. Doh le nangan, ta sapa-bikloben tenga las tao muid Ama Lamtua in Teka-teka ngas lo. Oen kon dai muid mi in teka ngas lo, mo mam oen parsai Ama Lamtua, undeng mi in nuli ka.

Petrus mesa la 4:17

Oras sa maa lius son, le atuli li laok saol Ama Lamtua Allah. Un presa-ketan Un atulin esan nas in nuli ka muna. Tiata nangan! Eta Un presa-ketan kit atuil Kristen ni kon nam, salolen nol atuil in dai sium Un Dehet Dais Banan na lo ngas sa? Taon elola ko oen in haup hukung nga ngele dui pait!