Ibrani 11:7 - Buk Niu In Hida Balu nol Dehet deng Apan-kloma ki in Dadi ka

⁷ Noh kon parsai se Ama Lamtua Allah. Undeng na, Ama Lamtua tek un meman noan, “Noh! Nangan ne! Mam Auk tao didaan apan-kloma ki nini ui tene, man atuli li ngat netan lo bii.” Noh ngat net na lo bii, mo un hii-ming se Ama Lamtua Allah, hidim un daek kapal le halin un nol un uma isin nas haup in nuli. Undeng un in parsai ka, tiata Ama Lamtua noken un atuil dael lolo. Mo totoang atuil in parsai lo ngas, Ama Lamtua beles hukung ngele.

Ibrani 11:7 ပူးပေါင်းရင်းမြစ်များ

Dehet deng Apan-kloma ki in Dadi ka 19:14

Kon Lot laok tutnaal tana muda dua man le daid un manhiun nas, hidim tekas noan, “Hii babanan ne! Nol nia mi putim laba-laba deng kota ni tia, ta AMA LAMTUA le tao didaan kota nia!” Mo oen bali le Lot suma aa hanit tukun.

Dehet deng Apan-kloma ki in Dadi ka 6:13

Kon Ama Lamtua Allah tek Noh noan, “Se ola-ola lam, Auk suma ngat net atuli li in daat ta tuun. Tiata Auk nutus son noan, Auk le tao didaa apan-kloma ki totoang nol un isin nas beas bakun.

Dehet deng Apan-kloma ki in Dadi ka 6:22

Hidi kon Noh daek muid Ama Lamtua Allah in leka ka.

Dehet deng Apan-kloma ki in Dadi ka 6:9

Noh dehet ta elia: Un anan biklobe las at tilu, ngalans Sem, Yafet nol Ham. Noh nam nuil lolo, un daek dadaat net lo. Dedeng na, suma un sii man banan. Un nuli dani nol Ama Lamtua Allah.

Dehet deng Apan-kloma ki in Dadi ka 7:5

Hidi kon Noh daek muid AMA LAMTUA in leka ngas totoang.

Dehet deng Apan-kloma ki in Dadi ka 8:16

“Noh! Mi bisa nium totoang deng kapal ni tia.

Matius 2:12

Nesang lo kon, oen haup in natloa deng Ama Lamtua Allah, noan, “Mi pait lakom deng lahing Herodes su deen tia.” Undeng na le, oen pait lakos oen negara la, muid lalan didang.

Matius 24:15

Yesus aa napiut noan, “Ama Lamtua Allah mee-baah Danial dul deng atuli mes daat isi. Mam Un maa tama lako dil se maan in luli, deng Ama Lamtua Allah Um in Kohe-kanas Tene ka. Nini ela lam, un tao hmomos maan na le atuli nikis. Tiata Ama Lamtua Allah bali kudi le nang soleng maan na. Eta mi net ela son nam, doha-doha lo! (Asii man les in dula nia lam, un musti nangan tanan babanan).

Matius 24:25

Tiata mi musti doha-tiud apan babanan ne! Ta lelo-leol in susa ngas maas lius bii, mo Auk tek nuting mi meman son!

Matius 24:38

Ui tene in baa ka maa biim, atuli las kaa-niun babanan, nol saap apa banansila el in biasa ka. Oen tao ela napiut didiin, Noh taam lako kapal tene ka dalen.

Matius 3:7

Dedeng na, atuli-atuil deng partei agama Farisi, nol partei agama Saduki, maas nodan Yuhanis le sarain oen kon. Mo nikit Yuhanis netas kon, un nahkaa oen noan, “Hoeh! Mi banansila el ul man nole-lilung daat ta! Mam Ama Lamtua Allah hukung mia, undeng mi in daek dadaat tas. Mi bali noan mi lail putim nal deng Un hukung nga le? Loo!

Lukas 17:26

Mo eta Un le pait maa kam, atuli las nuil dadaat el in biasa ka, banansila el dedeng upung Noh nuli nabale ka.

Roma 1:17

Dehet na kon tulu-balang Ama Lamtua lalan na, le tao atuli li in kula-sala ngas daid in toma. Nas totoang dadi, sadi atuli li parsai se Ama Lamtua. Ta muik dulan ne Un Buk Niu ka dalen noan, “Atuli li musti parsai se Ama Lamtua Allah muna le, halas-sam oen haup in babanan nol Una. Ta eta oen parsai se Una lam, oen haup in nuil toma ka.”

Roma 10:6

Mo Ama Lamtua Buk Niu ka kon tulu lalan didang noan, atuli li babanan nol Ama Lamtua, sadi oen parsai se Kristus. Muik in dula noan, “Ketan deken tia, noan, ‘Asii man saek nal lako sorga ka?’ ” (Na tuladang el atuli saek laok tek Kristus noan, kit atuli li kom le Un niu maa, halin bel boa-blingin kita.)

Roma 3:22

Ama Lamtua Allah noken kit noan, atuil in dalen lolo man babanan nol Una, se dedeng kit in parsai se Yesus Kristus sa. Un huil sila lo, ta Un tao ela bel totoang atuil man in parsai se Yesus sas.

Roma 4:11

Toma! Dedeng Abraham sunat lo bii ka, Ama Lamtua Allah noken un son noan, atuil in dalen lolo, man babanan nol Ama Lamtua. Nenesang halas-sam un sunat le daid tada noan, un daid atuil in parsai se Ama Lamtua. Nini ela lam, Abraham man sai lalan bel totoang atuil man in parsai se Ama Lamtua Allah ngas. Ta atuil in sunat, tam atuil in sunat lo kon no, Ama Lamtua sium totoang atuil in parsai Una ngas, le oen babanan nol Una.

Roma 4:13

Ama Lamtua Allah butu-kil in hida nol Abraham, nol un in hua-koet tas noan, lako-lako lam apan-kloma ki papmesa daid oen pusaka. Ama Lamtua hid ela, undeng Abraham in tao muid Un Atorang ngas sa lo, molam undeng Abraham in parsai se Ama Lamtua ka, tiata Ama Lamtua noken un noan, atuil in dalen lolo man babanan nol Una.

Roma 9:30

Tiata, kit le aa elola? Kit le aa noan, atuil Yahudi lo, man hmunan nu nuting le babanan nol Ama Lamtua lo ngas, halas ni babanan nol Un son, undeng oen in parsai se Yesus Kristus sa le? Hao, baktebes ela!

Galatia 5:5

Mo Ama Lamtua Koo Niu ka man sai lalan le kit parsai se Yesus Kristus. Undeng na le, kit natang-natang mam Ama Lamtua Allah in noken kit noan, kit niam atuil in dalen lolo.

Filipi 3:9

Auk le nuil butu-kil nol Yesus Kristus. Ta auk muid atorang agama las totoang kon no, Ama Lamtua Allah sium auk lo bii. Nol auk nataka apang ngi noan tom son kon no, Un sium auk lo bii. Mo auk musti parsai se Kristus muna le, halas-sam Ama Lamtua Allah sium au, noan, “Undeng Kristus kose soleng ku in kula-sala ngas son, tiata ku daid niu son.”

Ibrani 11:1

Eta kit parsai Ama Lamtua Allah lam, nahin na noan, kit nahlae napiut se Una. Ta eta Un hid son le tao sa-saa mesa lam, kit tana noan, taon elola ko Un tao muid in hida na. Kit sium saa lo bii kon no, kit parsai napiut tukun.

Ibrani 12:25

Tidi hngilan babanan le hii-ming asa man Ama Lamtua Allah in le dehet bel mia ki. Tao el kit upu kia-kaon nas deken, man hutun soleng upung Musa in teka ngas, se dedeng un daid Ama Lamtua Allah mee-baha se apan-kloma kia ka. Ta Ama Lamtua nahu bel oen hukung. Salolen nol kita la! Eta kit dai hii-ming Un in aa deng sorga ku lo kam, taon elola ko, Un bel kit hukung ngele dui pait.

Ibrani 5:7

Dedeng Yesus in nuil se apan-kloma kia ka mana le hidi, Un tene taan lo nol in kohe-kanas, nol lilu mumuun, le nodan tulung Ama Lamtua Allah bel kuat-tes Una. Ta Un tana noan, Ama Lamtua in kuasa ka, bel boa-blingin nal Una. Kon Ama Lamtua Allah ming Yesus, undeng Un muid Ama Lamtua in koma ka nol baktetebes.

Ibrani 8:5

Oen lako-daek oen osa la son, se Hleep in Kohe-Kanas man tuladang nga el maan in kohe-kanas ne sorga kua ka. Ta dedeng upung Musa le koet Hleep na ka, Ama Lamtua Allah tek nuting un noan, “Nangan babanan! Ku musti daken babanan muid tuladang Auk in tulu bel ku son, se leten nu dapa ka!”

Petrus mesa la 3:20

Oen nam mo, atuil man hmunan nu dai hii-ming se Ama Lamtua lo ngas. Dedeng na upung Noh daek kapal tene mesa. Ama Lamtua natang le ngat atuli las in daek muid Un in koma ka, mo oen dai daek muid Un lo. Dadin nam, deng ui in baa tene na ka, suma atuli at paul siis man nulis.

Petrus dua la 1:1

Surat ni deng au, Simun Petrus. Auk daid Yesus Kristus atulin in loka-tadu. Auk kon daid Un atulin in nutus, man Un lokan lako se ola-ola, le tek atuli li deng Una. Auk dul surat ni bel atuil in parsai se Yesus Kristus son nas. Undeng Ama Lamtua Allah dalen na lolo, ta Un sai lalan le halin mi kon parsai se Kristus banansila el kami. In parsai na, osa isi taung kit totoang. Kristus kon daid kit Lamtua Allahn. Nol Un kon daid Atuil in bel kit boa-blingin deng kit in kula-sala ngas.

Petrus dua la 2:5

Ela kon nol atuil hmunan hesa kuas, dedeng na, oen in nuli ka tao dadaat nol toe muid Ama Lamtua Allah lo. Mo Ama Lamtua ator son, le Un atulin mesa, man dalen na lolo, ngala Noh, tulu lalan le atuli li nuil nol lolo. Mo oen hii-ming un lo kon. Tiata Ama Lamtua niung ui in baa tene mesa, le tao didaan atuil man in toe nol Un lo ngas. Mo Un bel boa-blingin Noh, nol un nenan nas. Oen totoang atuli at palu.