Ibrani 11:17 - Buk Niu In Hida Balu nol Dehet deng Apan-kloma ki in Dadi ka

^17-18 Upung Abraham kon parsai dididi se Ama Lamtua Allah, se dedeng Ama Lamtua sukat un in parsai ka. Undeng na, un tao muid Ama Lamtua in prenta ka le sao un ana Isak daid in tunu-dadung. Molota hmunan nu, Ama Lamtua hid son deng tana-ana na noan, “Deng ku anam Isak kia, mam ku haup in hua-koet mamo, didiin oen daid bangsa man in muun isi.”

Ibrani 11:17 ပူးပေါင်းရင်းမြစ်များ

Dehet deng Apan-kloma ki in Dadi ka 22:16

“AMA LAMTUA esa tek noan, ‘Auk sumpa nini Auk ngalang ngi esa elia: Ku but hidi bel Auk ku anam siing nga son, le daid in todan-lahing. Undeng na le

Yuhanis 3:16

Undeng Ama Lamtua Allah namnau totoang atuil in ne apan-kloma ki ngias isi. Tiata Un nutus Au, Un Ana Baun siing ngi maa se apan-kloma kia, le halin totoang atuil in parsai se Au ngas, haup in nuli man hidi nutus taan lo ka, mo atuil in parsai se Auk lo ngas haup in mate hidi nutus taan lo.

Korintus dua la 8:12

Ta eta kit bel nol dalen in titu-tema muid kit in bole ka lam, na kon banan. Ne kit tuun. Ta atuli li bel nol in dising deken, ta lo kam tao sus una.

Ibrani 11:13

Kit upu kia-kaons, upung Abraham, upung Isak, nol upung Yakob kon parsai napiut se Ama Lamtua Allah didiin oen mates. Mo oen sium ingu-dale man Ama Lamtua in hid son na lo bii. Ela kon no, oen nahlae napiut nol dael kolo, undeng oen ngat net dale na son, deng kakatang. Ta oen hao son noan, oen nam suma atuil likun man daad tahang se apan-kloma kia.

Ibrani 7:6

Mo Melkisedek nam, in hua-koet deng ngaal Lewi lo. Ela kon no, upung Abraham bating belen op mes deng op hngulu las, ta muid una lam Melkisedek nam, atuil tene. Dedeng na, upung Abraham sium in hida son deng Ama Lamtua Allah le bel un hangun. Mo ela kon no, Melkisedek aa noan, “Nang le Ama Lamtua Allah in Lapa Dudui ka, bel hangun se ku.”

Yakobus 5:11

Eta muik atuli in keeh nal se susa dalen nam, kit kom in nikit-nikit atuling na ngala ka. Tuladang el upung Ayub. Un haup susa-daat bili-ngala, mo un tahang nala. Kon nam Ama Lamtua namnau una, hidim daek banan nas totoang bel Ayub. Ama Lamtua daek ela, undeng Un dalen na banan, hidim inu nol in namnau.

Petrus mesa la 4:12

Kaka-pali in namnau me! Eta haup in sukat-soba ngele kam, herang deken. Ta na sukat naan mi in parsai ka. Boel nangan noan, suma ku sii man haup in sukat-soba deken.

Apan-kloma Hnika Balu 3:10

Undeng mi muid Auk in prenta ka, le tahang napiut muid Auk tutungus, tiata mam Auk doh mi babanan deng susa-daat, man Ama Lamtua le tunang maa sukat atuil in se apan-kloma ki ngias.