Ibrani 10:37 - Buk Niu In Hida Balu nol Dehet deng Apan-kloma ki in Dadi ka

³⁷ Ama Lamtua mee-baha las dul meman son deng Atuling in le Maa ka noan, “Nesang lo ka kam, Atuling in le Maa ka, puit maa. Teen in makoe ka deken, ta Un puit maa nol natang pait lo.

Ibrani 10:37 ပူးပေါင်းရင်းမြစ်များ

Matius 11:3

“Ama Lamtua Allah hid meman son deng hmunan nu noan, Un le tunang Kristus maa halin bel boa-blingin kit atuil Yahudi lia. Paap niam, Kristus se? Tamlom kaim musti natang atuil didang pait ta?” Tiata oen lakos ketan Yesus ela.

Lukas 18:8

Ta Un nehan oen dasi las nol hlapat. Elam, Auk le ketan elia: Eta Au, Atuling Baktetebes nia, maang pait son nam, nataka le Auk tutnaal atuil in parsai se dale-dapa nia, tam lo ka?”

Filipi 4:5

Mi kon musti dalen kumis-mina nol atuli li totoang le halin nam oen totoang neta. Nol nadidingun deken, ta Lamtua Yesus in pait maa ka dadani son.

Ibrani 10:25

Ta auk ming son noan muik atuli dehe, man dai nakbuan pait nol oen pail-kakan in parsai ngas lo son. Tao ela deken! Ta mi musti nakbua le tao teken apa dalen mes nol mesa. Dudui pait ta, undeng Ama Lamtua oras in pait maa ka dadani son. Mi musti tek nuting oen ela!

Petrus dua la 3:8

Kaka-pail in namnau me! Nadidingun dais ni deken. Kit Lamtuan na kaih oras el kit lo. Ta muid Una lam lelo mesam bisa kon, taun lihu mesa. Nol taun lihu mesa lam bisa kon, lelo mesa.

Petrus dua la 3:9

Eta kit Lamtuan na hid le daek dasi mesa lam, Un daken tom nol oras sa, nol hii-hii pait lo ka. Muik atuli tenga, man nangan noan, Un dake lam mamau. Molota ela lo! Lole Un keeh tuun, le natang oras sa. Kit Lamtuan na in koma ka, le totoang atuli li pesang deng oen in kula-sala ngas, le hidim bali muid se Una. Undeng Un in koma ka le, atuli li bakisan deng Un lo.

Apan-kloma Hnika Balu 22:20

Yesus esa man tulu-balang dais nias totoang son. Un hid son noan, “Toman na! Nesang lo ka kam, Auk maang.” Elam, Lamtua Yesus, maa tia!