Ibrani 1:9 - Buk Niu In Hida Balu nol Dehet deng Apan-kloma ki in Dadi ka

⁹ Ku dalem kolo in ngat atuil man nuil nol lolo ngas. Mo Ku dalem iil nol in ngat atuil man nuil nol tom lo ngas. Tiata Auk daleng kolo, le Auk doan mina se Ku bom ma, halin nikit Ku daid Lahi, man uhu dui deng totoang lahi las.”

Ibrani 1:9 ပူးပေါင်းရင်းမြစ်များ

Lukas 4:18

“Ama Lamtua Allah Koo la in kuasa ka muik ne Au. Undeng na le, Un tulu Au, le tek Ama Lamtua Dehet-dasin Banan na bel atuil kasiang ngas. Un nutus Auk son, le tekas noan, in ne bui daleng ngas, mam putis; atuil tedo kas, mam ngat net pait; man tom in tudan-kida ngas, mam haup in sas-sao.

Yuhanis 1:41

Nikit oen pait maas lius kon Anderias laok nuting un kaka Simun meman, le tekan noan, “Hoe kaka! Kaim tutnaal Mesias son!” (Se dais Aram mam, ‘Mesias’ nahin na noan, ‘Kristus, Atuling man Ama Lamtua hid meman son deng lolo hmunan nu le belen maa ka.’)

Yuhanis 10:17

Undeng na le, Auk Amang in ne sorga ku namnau Au. Lole Auk tade son le sao Auk apang ngia, didiin mateng, le halin nam Auk haup in nuli pait.

Yuhanis 20:17

Yesus tek un noan, “Huud Auk deken le, ta Auk saek lakong Auk Amang in ne sorga ku lo bii. Ku lako napat le tek Auk kaka-paling ngas noan, ‘Auk saek lakong Auk Amang ngu muna le. Un nam mo, mi Aman kon. Hidim Un nam mo, Auk Lamtua Allahn. Tiata Un nam, Lamtua Allah taung mi kon.’ ”

Yuhanis 3:34

Atuling man Ama Lamtua in niung maa ka, Un tek deng Ama Lamtua Allah in hida ka. Undeng Ama Lamtua bel Un Koo la son, nol muik tahan in pesa lo.

Dehet deng Aan in Nutus sas 10:38

Hidim Ama Lamtua Allah bel Un Koo Niu ka se Yesus, Atuling Nasaret ta. Ama Lamtua kon bel Un in kuasa ka se Yesus. Hidim, Yesus puti-taam ingu-ingu las, le daek dasi-dais banan bel atuli las. Nol Un kon tulung atuil man uikjale kas laih tuan na, tao sus one ngas. Yesus tao ela, undeng Ama Lamtua Allah leo-leo nol Un tutungus.

Dehet deng Aan in Nutus sas 4:26

Lahi-laih man in se apan-kloma ki ngias nakbua, le hote-dait labang nol Ama Lamtua; nol tulu-tulu ngas koo mesa, le lakos labang Ama Lamtua Allah nol Kristus, Atuling man Ama Lamtua tulu meman son deng hmunan nua ka.’

Dehet deng Aan in Nutus sas 4:27

Asa man upung Daud in dula ka, halas ni daid son. Nol un nahin na kon, halas ni daid langa son. Meman se kota ni, laih Herodes nol gubernur Pontius Pilatus, blalan-blalan Israel las, nol tulu-tulu deng bangsa-bangsa didang ngas nakbua son. Hidim oen koo mesa, le labang Yesus, Atuling man Ama Lamtua hulin meman son na.

Roma 12:9

Eta mi tulu mi in namnau ka bel atuli lam, tulu in namnau man baktetebes sa; boel sila-klup tuun deken. Bali kudi deng totoang man in daat tas, le kil dididi se totoang man in banan nas.

Roma 15:13

Ama Lamtua daid peke deng totoang man kit in nahlae ngas. Eta mi parsai se Una lam, Un man tao mi dalen nas kolo nol hutluul lo. Nang le Ama Lamtua Koo Niu ka in kuasa ka, tao tes tapnaeng mi in parsai ka, deng asa man Un le dake ngas.

Korintus mesa la 1:9

Kit parsai nal Ama Lamtua Allah in Teka-teka ngas, undeng asa man Un in tekang ngas, Un taos le dadi. Hidim taon elola ko Un tade, le daek dais nias bel mia. Ta Un man sai lalan, le mi taan haup Un Ana ka nol baktetebes, na kit Lamtuan, Yesus Kristus.

Korintus dua la 11:31

Kit Lamtuan Yesus, nol Un Ama, Ama Lamtua Allah, taan noan auk in aa ni nole lo. Eta atuli naka-naka Un ngala ka tutungus sam, na toma.

Galatia 5:22

Mo atuil in nuil muid Ama Lamtua Koo Niu ka in koma ka, mam Koo Niu ka tao un le daid atuil man: kom in namnau apa, dalen kolo, muik dael in dame, keeh taan apa ka, dalen na banan nol atuli, kom in hulung atuli, kil dididi un in hida ka,

Efesus 1:3

Naka-nahalit Ama Lamtua Allah, kit Lamtuan Yesus Kristus Ama ka! Ta Ama Lamtua bel kit hangun mamamo son deng sorga, undeng kit daid Yesus Kristus atulin son.

Filipi 2:9

Undeng Un dalen na deng dadale ela, tiata Ama Lamtua Allah nikit sakeng Un lapa-lapa. Nol bel Un ngala ka uhu dudui. Ta muik ngala mes lo kon man uhu dui deng Una.

Ibrani 2:11

Taon elola ko Ama Lamtua sium nol banan atuil man Lamtua Yesus in taos le daid niu son nas, halin daid Un anan. Ama Lamtua Allah nam, Yesus Ama. Tiata Yesus nol oen nam Aman mesa. Undeng na le Yesus mae lo, le haman oen noan, “Mi nia mo, Auk pail-kakang.”

Ibrani 2:9

Mo muik at mes man prenta nal nas totoang. Un nam mo, Yesus. Un maa daad tahang se apan-kloma kia, daid atuli le lepa-haal in susa-daat didiin mate. Un mate ela, le tulu bel atuli li Ama Lamtua Allah dalen banan na. Hidi nam, Ama Lamtua Allah naka-naka Una nol nikit sakeng Un lapa-lapa, le halin Un prenta totoang asa man Ama Lamtua Allah in daek son nas.

Ibrani 7:26

Yesus nam, tulu agama in lapa dui man kit parlun isi. Lole Un nam, Atuil Niu man muik tahan kula-salan saa lo. Un nam el atuil biasa li le tao kula-sala tutungus lo. Ta Ama Lamtua Allah nikit Un lapa-lapa son, dui deng totoang in ne apan-kloma kia nol in ne sorga nguas.

Petrus mesa la 1:3

Totoang in naka-nahalit ti taung Ama Lamtua Allah sii! Un nam, kit Lamtuan Yesus Kristus Ama ka. Undeng Ama Lamtua dalen banan na, tiata Un namnau kit isi. Un nang Yesus Kristus le mate, hidim nuli pait, halin bel kit in nuli balu, banansila el in hua kit pait ta. Tiata, kit parsai napiut nol nahlae se Yesus Kristus undeng kit tana noan, mam Ama Lamtua papa-paiduil kit babanan.

Yuhanis mesa la 1:3

Kaim le tek mi deng totoang asa man kaim in net son nas, nol totoang asa man kaim in ming son nas, le halin mi dalen mes nol kami. Ta kit totoang butu-kil nol Ama Lamtua Allah, nol Un Ana Yesus Kristus, man Un belen maa son na.

Apan-kloma Hnika Balu 2:15

Muik at ila lo deng mia la kon tao muid Nikolai in tui ka.