Dehet deng Apan-kloma ki in Dadi ka 5:1 - Buk Niu In Hida Balu nol Dehet deng Apan-kloma ki in Dadi ka

^1-2 Dedeng Lamtua Allah koet atuli lia ka, Un koet oen muid Un hnika-tuladang nga. Un koet one, bihata nol biklobe. Un noken oen noan ‘atuli’, hidim Un bel hangun se one. Atuling hmunan na, ngala Adam. Adam in hua-koet tas, ngalan nas elia:

Dehet deng Apan-kloma ki in Dadi ka 5:1 ပူးပေါင်းရင်းမြစ်များ

Dehet deng Apan-kloma ki in Dadi ka 10:1

Hidi deng ui tene ka kon nam, Noh anan nas: Sem, Yafet nol Ham haup in hua-koet.

Dehet deng Apan-kloma ki in Dadi ka 6:9

Noh dehet ta elia: Un anan biklobe las at tilu, ngalans Sem, Yafet nol Ham. Noh nam nuil lolo, un daek dadaat net lo. Dedeng na, suma un sii man banan. Un nuli dani nol Ama Lamtua Allah.

Matius 1:1

Buk ni dul deng Yesus Kristus, Atuling man Ama Lamtua Allah hidan meman son deng lolo hmunan nu le tunang maa ka. Un na mo, laih Daud nol upung Abraham in hua-koet. Kilan deng upung Abraham lako lius laih Daud tam, bata' hngul aat. Lamtua Yesus upu kia-kaon nas elia: Abraham hua Isak, Isak hua Yakob, Yakob hua Yahuda nol kaka-palin nas,

Korintus mesa la 11:7

Olan mi nangan ne: biklobe li parlu in bua un bon na lo, ta Ama Lamtua Allah koet biklobe li muid Un hnika-tuladang nga. Na man tulu Ama Lamtua in muun-tes sa. Nol bihata li man tulu biklobe li in muun-tes sa.

Korintus dua la 3:18

Nini ela lam, nesang le lako lam, Un tao kit le muun dui pait, banansila el Una. Tiata kit silan nias tom in bua deken tia. Le kit nangan tutungus kit Lamtuan na in muun-tes sa, undeng Un Koo la man tulung kit ela.

Efesus 4:24

halin mi daid atuil balu, muid Un tuladang nga. Undeng na le mi musti tulu dael balu, man in niu nol lolo-lolo ka.

Ibrani 1:3

Ama Lamtua Ana ka tulu Un Ama ka in muun-tes sa, banansila el lelo la kaloen na in tal pait deng hdidan na ka. Ta Un nam hnika mes parsis el Un Ama ka. Nol deng Un in Teka-teka man muik uhu isi ka, Un lako-daek totoang in ne apan-dapa kua nol apan-kloma kia ngas. Un kon sai lalan, le kose soleng atuli in kula-sala ngas, le halin oen daid niu. Hidim Un pait lako sorga, le daad se Ama Lamtua Allah halin kanan na, se maan in todan-lahing dudui ka.

Ibrani 12:9

Taom kit todan kit aman in hua man in ne apan-kloma kia ka, undeng un kaing le tui kita, se oras kit in anan blutu bii ka. Na tom son na. Mo in dudui pait ta, kit musti hii-ming se Ama Lamtua Allah, undeng Un nam kit Aman in ne sorga kua, nol Un man kaing le tui kita, halin nuil muid Un lalan in toma ka.