Dehet deng Apan-kloma ki in Dadi ka 41:57 - Buk Niu In Hida Balu nol Dehet deng Apan-kloma ki in Dadi ka

⁵⁷ Hidi nam muik atuli deng ola-ol tuun, maas le sos in kaa deng Yusuf, se Mesir. Undeng oras lubu na muun isi.

Dehet deng Apan-kloma ki in Dadi ka 41:57 ပူးပေါင်းရင်းမြစ်များ

Dehet deng Apan-kloma ki in Dadi ka 12:10

Oe mesan na, lubu muun isi se dale Kana'an. Undeng na le Abram nol un nenan nas laok katang dui pait, el halin loet-ahen, le lakos lius se dale Mesir. Oen daad tahang se las.

Dehet deng Apan-kloma ki in Dadi ka 41:54

Kon oras lubu taun itu la maa lius lolen, tom nol asa man hmunan nu Yusuf in tek hidi son na. Se nusa-nusa didang nguas kon, atuli las lubus son. Mo se totoang mana-maan in se dale Mesir ras muik in kaa nabale.

Dehet deng Apan-kloma ki in Dadi ka 41:56

Mo oras lubu na muun keko sake, didiin se totoang mana-maan in se Mesir ras kon tom lubu. Kon nam Yusuf sai maan in pesang ale ngas totoang, le hee ael bel atuil Mesir ras.

Dehet deng Apan-kloma ki in Dadi ka 42:1

Dedeng na, ama Yakob ming atuli tek noan, ale muik ne Mesir, kon un aa nol un anan nas noan, “Ana me! Tasao le mi daad langan tuun eli lia!

Dehet deng Apan-kloma ki in Dadi ka 42:5

Undeng atuli li se ola-ol ming son noan, muik in kaa ne Mesir, tiata muik atuli mamo laok sos in kaa se nua. Oras lubu ka kon lako lius se dale Kana'an. Ta Yakob anan nas kon lakos muid le sos in kaa se lua.

Dehet deng Apan-kloma ki in Dadi ka 42:6

Dedeng na, Yusuf daid lahi nga ima kanan se Mesir son. Eta atuli deng ola-ol maa le sos ale lam, Yusuf man hee beles. Undeng na le, dedeng un kakan nas maas lius kon, oen laok hai bukun nas didiin oen silan nas lakos huud se dale, le todan una.

Dehet deng Apan-kloma ki in Dadi ka 43:1

Dedeng na, lubu se Kana'an muun sasaek tuun.

Dehet deng Apan-kloma ki in Dadi ka 47:14

Hidim totoang atuli-atuil in deng mana-maan in se Mesir, nol mana-maan in se Kana'an nas maas, le sos in kaa deng Yusuf. Kon un tao nakbuan duit tas totoang, le laok pesang se lahing nga uma.

Dehet deng Apan-kloma ki in Dadi ka 50:20

Hmunan nua, meman mi koon-mes le daek dadaat saol au. Mo Ama Lamtua Allah seda mi in nangan dadaat na son, le taon daid banan. Tiata Un nikit auk le daid atuil tene, halin nam atuil hut mamo ki, haup in nuli.