Dehet deng Apan-kloma ki in Dadi ka 4:2 - Buk Niu In Hida Balu nol Dehet deng Apan-kloma ki in Dadi ka

² Hidi nam Hawa hua tana-ana biklobeng mes pait. Kon un ngali ngala, Habel. Dedeng oen duas tenes maas sa, Habel lolo-poa hmukit mo Kain daek klapa.

Dehet deng Apan-kloma ki in Dadi ka 4:2 ပူးပေါင်းရင်းမြစ်များ

Dehet deng Apan-kloma ki in Dadi ka 3:23

Hidim Un nulut puting oen deng klaap in se Eden na, le oen lakos se maan didang, le nuil nol in bali dale, halin oen nulis deng dale na in hapu ka.

Dehet deng Apan-kloma ki in Dadi ka 37:13

Nesang lo kon, un ama ka tekan noan, “Usu! Ku kakam mas doh laen nol lae-blai dadani ne Sikem. Tiata ku mana-mana le laok ngat nanas le.” Kon Yusuf siut noan, “Banan papa!”

Dehet deng Apan-kloma ki in Dadi ka 4:1

Oe mesan na, Adam niin nakbuan nol un sapa, Hawa. Kon bihatang nga behe. Hidi kon un hua ana biklobe mesa. Un tek noan, “Auk hua nal tana-ana biklobeng mes son, undeng AMA LAMTUA man tulung au.” Hidim un ngali tana-ana na ngala, Kaen (nahin na noan ‘kat puting’).

Dehet deng Apan-kloma ki in Dadi ka 4:3

Oe mesan na, Kain kil nol un klapa la in hapu ngas tenga, le bel AMA LAMTUA.

Dehet deng Apan-kloma ki in Dadi ka 47:3

Kon lahing nga keket noan, “Lelo-lelo lam mi daek asa la?” Kon oen siut lahing nga noan, “Kaim niam atuil in lolo-poa hmukit, banansila el kaim upu-aman nas kon, ama lahi.

Dehet deng Apan-kloma ki in Dadi ka 9:20

Noh nam, atuil in daek klapa. Un man daek klaap anggor muna hesa.

Lukas 11:50

Atuil in nuil hahalas nia ngas, musti lepa-haal in situ-tala, deng atuli-atuil man in keo tele Ama Lamtua mee-baha las son nas. Na kahin deng Ama Lamtua in koet apan-kloma kia. Kilan deng Habel in mate ka, lako pes puis sa Sakarias. Sakarias tom in keo se Ama Lamtua Allah Um in Kohe-kanas Tene ka Kamar Niu ka, nol maan in tunu-dadung nga hlala. Mam mi man lepa-haal oen hukung nga!

Yuhanis 8:44

Mi niam hnika mes el uikjale kas tuang nga. Lole mi kom isi le tao muid un in koma ka! Deng hmunan hesa ku, un taan in keo atuli sii. Un labang dasi-dais in toma ngas, nol hutun soleng totoang in toma ngas. Eta un nole-lilung ngam, na meman un in nuil-nola. Ta un nam nole-lilung daat ta, peke ka na!

Yuhanis mesa la 3:10

Nini ela lam, kit taan nal noan, Ama Lamtua Allah anan nas mo asii, mo uikjale kas laih tuan na nenan nas mo asii. Ta atuil in tao muid asa man in toma ngas lo, nol atuil in namnau taan un pail-kakan nas lo ka, daid tada noan, un nam Ama Lamtua Allah ana lo.

Yuhanis mesa la 3:12

Nangan net dehet deng Kain nol Habel la nabale, ta lo? Tao muid Kain deken, ta un butu-kil nol in daat lai-lisin na, didiin un keo tele un palin, Habel. Tasao le un tao ela lia? Un tao ela, undeng un daek dasi-dais daat tas, mo un palin na daek dasi-dais man in toma ngas.

Yuhanis mesa la 3:15

Nol atuil in kom un pail-kakan nas lo ka, banansila el atuil in keo tele atuli ngas kon. Mi tanan son noan, atuil in ela ngas haup in nuil napiut nol Ama Lamtua Allah lo.