Dehet deng Apan-kloma ki in Dadi ka 17:4 - Buk Niu In Hida Balu nol Dehet deng Apan-kloma ki in Dadi ka

^4-5 “Auk in hid ku ki elia: mam ku daid upu kia-kaons deng bangsa mamo isi. Undeng na, tiata ku ngalam ma Abram lo ka, (man nahin na noan, ‘aam man ngala ka lali’), molam Abraham (man nahin na noan, ‘upu kia-kaons deng bangsa mamo’).

Dehet deng Apan-kloma ki in Dadi ka 17:4 ပူးပေါင်းရင်းမြစ်များ

Dehet deng Apan-kloma ki in Dadi ka 35:11

Auk niam Lamtua Allah in Kuasa Dudui. Tiata ku hua-koet, le haup upu kia-kaons mamo-mamo tia! Mam bangsa-bangsa lias puit maas deng ku in hua-koet tas, nol mam ku hua lahi-lahi las.

Dehet deng Apan-kloma ki in Dadi ka 12:2

Mam Auk bel ku hangun. Le ku in hua-koet tas mamo taplaeng, nol daid bangsa in tene dui, didiin atuli li taan ku ngalam ma. Hidim ku kon daid hangun bel atuil didang.

Dehet deng Apan-kloma ki in Dadi ka 48:19

Mo un ama Yakob dai tao lo. Le tek noan, “Ana! Meman auk tanan. Ta mam Manase daid muun-tes, nol un in hua-koet tas taplaeng mamo, le daid bangsa tene. Mo mam un palin Efraim, muun-tes dui pait. Un in hua-koet tas, daid mamo isi, didiin oen daid bangsa tene mamo, man muun-tes.”

Dehet deng Apan-kloma ki in Dadi ka 32:12

Undeng Ku man hid noan, Ku bel auk hangun mamo-mamo, nol bel auk in hua-koet tias le taplaeng mamo, banansila el hlaen in ne tasi suut tua, man atuli li kaih nalan lo.”

Dehet deng Apan-kloma ki in Dadi ka 22:17

Auk bel hangun banan mamo-mamo se ku, nol ku in hua-koet tas. Mam oen taplaeng mamo didiin atuli kaih nalas lo. Oen mamon na banansila el duun in ne apan nua ngas, nol hlaen in ne tasi suut tua ngas. Mam ku upu kia-kaon nias, tao tehen atuil in keng nol one ngas.

Dehet deng Apan-kloma ki in Dadi ka 16:10

Ku lii deken. Ta mam Auk bel ku in hua-koet tas le mamo, didiin atuli li kaih nal oen mamon na lo.

Dehet deng Apan-kloma ki in Dadi ka 13:16

Mam Auk bel ku in hua-koet tas le daid mamo banansila el hlaen in ne tasi suut tua ngas. Didiin atuli li kaih nal ku in hua-koet tas mamon na lo.

Dehet deng Apan-kloma ki in Dadi ka 25:23

Kon AMA LAMTUA siut noan, “Tana-ana at dua in mo ku taim ma dalen na, mam daid bangsa dua, man mus nol apa tutungus. Mam aan hmudin na tes dui deng aan hmunan na. Nol kaka la daek le bel pali la.”

Dehet deng Apan-kloma ki in Dadi ka 28:3

Nang le Ama Lamtua Allah man Kuasa Dudui ka, bel hangun se ku, le halin ku ana-upum mas taplaeng mamo, nol ku in hua-koet tas, daid bangsa mamo man in muun-tes isi.