Dehet deng Apan-kloma ki in Dadi ka 13:2 - Buk Niu In Hida Balu nol Dehet deng Apan-kloma ki in Dadi ka

² Abram na mo muik isi. Un hmukit in moang ngas, lil-mea, nol lil-muti kas mamo isi.

Dehet deng Apan-kloma ki in Dadi ka 13:2 ပူးပေါင်းရင်းမြစ်များ

Dehet deng Apan-kloma ki in Dadi ka 12:16

Tiata lahing nga tao Abram nol babanan, undeng Sarai. Hidim lahing nga bel Abram hmukit el; lae-blai, laen, aus-sapi, keledai, nol unta mosa-mosa tuun ela. Un kon belen ata biklobe nol bihata.

Dehet deng Apan-kloma ki in Dadi ka 13:6

Mo maan na bluang isi lo taung Abram nol Lot, le oen nulis leo-leo nol oen hmukin nas totoang. Hidim Abram nol Lot atuil in lolo-poang ngas, kaen apa undeng bluan se maan na dabun in nalo oen hmukit tas. (Dedeng na, atuil Kana'an nas nol atuil Feris sas kon daad nabael se las).

Dehet deng Apan-kloma ki in Dadi ka 24:1

Abraham umur ra blatas didiin un blalan isi. Nol AMA LAMTUA kon doh un babanan, hidim belen nuil nol liis-lasa.

Dehet deng Apan-kloma ki in Dadi ka 24:35

AMA LAMTUA bel hangun mamo isi son, bel auk tuang nga, didiin un muik isi. Ama Lamtua belen lil-mea, lil-muti, ata biklobe nol bihata, nol hmukit mamo-mamo, banansila el: aus-sapi, unta, keledai, laen nol lae-blai.

Dehet deng Apan-kloma ki in Dadi ka 26:14

Un aus-sapi, laen nol lae-blai las taplaeng mamo. Un atulin nas kon mamo. Tiata atuil Filistin nas idus una.

Dehet deng Apan-kloma ki in Dadi ka 30:43

Nini ela lam, Yakob muik isi. Un laen, lae-blai, unta, keledai nol ata kas mamo isi.

Matius 6:33

Mo mi musti lako-daek Un osa la, nol muid Un in prenta ngas muna le, halas-sam Un bel taplaeng asa man mi in parlu ngas totoang.

Timutius mesa la 4:8

Mana le tao tes kit aap-inan nia ki nam, banan. Mo ambak ka bubuit tuun. Molam mana apan le nuil muid Ama Lamtua in koma, se totoang dasi las dalen na, muik ambak mamo. Un ambak ka suma in nuil se apan-kloma hahalas nia ki sii lo, molam se in nuli man pait maa ku kon.