Dehet deng Aan in Nutus sas 9:5 - Buk Niu In Hida Balu nol Dehet deng Apan-kloma ki in Dadi ka

⁵ Saulus keket noan, “Tuang nia mo asii la?” Faal na siut noan, “Auk niam, Yesus, man ku in diku-puang isi ka.

Dehet deng Aan in Nutus sas 9:5 ပူးပေါင်းရင်းမြစ်များ

Dehet deng Aan in Nutus sas 10:14

Mo Petrus siut noan, “Tao ela deken Tuang! Ta auk kaa net hmukit tuladang ela lo! Kaim atuil Yahudi li luil nol hmukit nas totoang.”

Dehet deng Aan in Nutus sas 26:14

Ta kaim totoang leang hokobang lakom se dale ka, undeng langa na in nakan na. Hidim auk ming fala mes aa nol au, nini dais Aram noan, ‘Hoe Saul! Tasao le ku tao susa-daat saol Auk tutungus sia? Sus isi, eta ku taan in labang nol Auk in koma ki tutungus.’

Dehet deng Aan in Nutus sas 26:9

Meman hmunan nu auk tao asa tukun, le labang muun nol totoang atuil man in muid Yesus, Atuling Nasaret ta ngas.

Dehet deng Aan in Nutus sas 5:39

Mo etan in tui ni meman maa deng Ama Lamtua Allah lam, mam mi tao nahu nal oen lo. Undeng na, mi doha-tiud napat le. Ta tamlom mo mi esan labang nol Ama Lamtua Allah la.” Ming ela kon, oen totoang tade muid Gamaliel in teka na.

Dehet deng Aan in Nutus sas 9:4

Tiata un lea lako se dale ka. Kon un ming fala mes tek un noan, “Saulus! Saulus! Tasao le ku tao sus Auk eli lia?”

Dehet deng Aan in Nutus sas 9:6

Nol ni kon, haung tama lako kota lu tia. Lius se ua le, halas-sam Auk tek ku noan, ku musti daek elola.”

Korintus mesa la 10:22

Mi nangan elola? Mi le tao kit Lamtuan na idus-neo ke? Daat son na! Bet mi nangan nam, kit muun dui deng Una, ta lo?!

Filipi 3:12

Kaka-pali me! Auk kom le muid Kristus lalan in nuli ka nol Un in koma ka totoang. Mo eta aa nahlololo lam, auk muid totoang lo bii. Tiata auk dil dididi, undeng Yesus Kristus huil nal auk son, le muid Un ela. Auk banansila el atuil man in lail mumuun, le lako lius nal se in tuis pesang ngua ka. Tiata auk lail lolo-lolo laok el sila-mata lua, nol ngat laok el klupu lu le nangan nuting dasi-dais hmunan nuas lo. Auk nadidingun soleng tuun.

Timutius mesa la 1:13

Molota hmunan nu, auk aa dadaat le tao nahu Yesus ngala ka, nol tao susa-daat saol atuli-atuil man in muid Un lalan in nuli ka ngas. Auk tudan-kida oen tutungus. Auk daek dadaat ela undeng oras na, auk nangan taan asa man auk in dakeng nas lo, nol parsai se kit Lamtuan Yesus Kristus lo bii. Mo Ama Lamtua nadidingun auk lo, nol tulu Un in namnau ka bel au. In dudui pait ta, Un tulu bel auk Un dalen banan na tutungus! Un bel auk hangun liis-lasa, le halin auk parsai muun se Una, nol namnau nal atuil didang, banansila el Un in namnau au ka kon.