Dehet deng Aan in Nutus sas 9:17 - Buk Niu In Hida Balu nol Dehet deng Apan-kloma ki in Dadi ka

¹⁷ Ming Ama Lamtua tek ela kon, Ananias lako se um na, le tutnaal Saulus. Hidim un nene ima ka laok se Saulus le tekan noan, “Kaka Saul. Lamtua Yesus man kaka netan se lalan nua ka, man lok auk halin maa tutnaal nol kaka. Un lok auk le kohe-kanas nol nene imang ngi se kaka, le halin nam kaka ngat net pait. Nol Un kon kom le kaka sium Un Koo Niu ka.”

Dehet deng Aan in Nutus sas 9:17 ပူးပေါင်းရင်းမြစ်များ

Dehet deng Apan-kloma ki in Dadi ka 45:4

Yusuf laeh oen le tekas noan, “Kaka-pali me! Mi maam dadani se ni le.” Kon oen lakos dadani nol Yusuf. Un tek oen pait noan, “Auk niam Yusuf, man lelon na mi hee soleng bel atuil Mesir ras.

Matius 19:13

Dedeng na, atuli las kok nol oen anan nas laok bel Yesus, halin nam Un nene ima ka se one, le beles hangun. Mo Un ima-ii las kaing atuli las.

Markus 5:23

le nodan noan, “Papa! Auk anang bihata halas-sam taun hngul dua, mo un heda ngele isi. Paap tulung maa taih banan un le.”

Markus 6:5

Mo atuil nas dalen nas didi isi nol oen dai parsai se Yesus lo'. Tiata Un herang, nol Un pake Un kuasa la le tao taad herang mamo se maan na lo'. Un suma taih banan atuil in heda ngas at ila lo siis.

Lukas 1:41

Nikit Elisabet ming Maria in biu le aa noan boa-blingin na kon, tana-ana in se un tain dalen na ka sapan. Ti Ama Lamtua Koo Niu ka maa tama se Elisabet.

Lukas 1:67

Nikit Sakarias aa nal pait tukun nam, Ama Lamtua Koo Niu ka maa tama se una. Tiata un tek noan,

Lukas 1:76

Yuhanis! Ku niam, auk anang. Mam atuli li taan noan, ku niam mo, Ama Lamtua Allah man Lapa Dui Hihidi ka mee-baha. Mam ku laok tek atuli las, le oen sodo-sium Tuang in maa kia.

Lukas 15:30

Mo paap ana in paa duit daat ni, lako len-langan nol bihata le tao nuli paap duit tas. Halas-sam un pait maa, kon paap keo aus-saip in apa banan dui ka, le tao fesat tene bel una.’

Lukas 15:32

Mo kit musti tao fesat le kuit-lii nol dael kolo tia, undeng ku palim mia. Hmunan nu, tuladang el un mate son, mo halas nia lam un nuli pait son. Un ilang, mo halas ni haup pait son.’ ”

Lukas 2:11

Dais banan ni isin na elia: Leol ni bihatang mes hua Kristus son, ne Betlehem, laih Daud kota la! Kristus na mo, Atuling man Ama Lamtua Allah in hid meman son, deng lolo hmunan nua ka. Ama Lamtua tunang Un maa le bel boa-blingin atuli li deng oen in kula-sala ngas! Una, man mam atuli li haman noan, ‘Lamtua!’

Dehet deng Aan in Nutus sas 10:36

Ta mi taan dehet man Ama Lamtua in tek kaim bangsa Israel lia ka son. Dehet na lin na noan, Un bel Kristus maa son, na Yesus. Hidim Yesus na, man mate le mole-daem atuli li nol Ama Lamtua. Un kon daid Lamtua taung atuli li totoang.

Dehet deng Aan in Nutus sas 13:3

Nikit oen telang nol kohe-kanas hidi kon, oen nene iman nas laok se Barnabas nol Saulus le tabis one. Hidim oen nutus duas le lako-daek Ama Lamtua osa la.

Dehet deng Aan in Nutus sas 13:52

Mo atuli-atuil man parsai Lamtua Yesus son se Antiokia ngas, dalen kolo, undeng Ama Lamtua Koo Niu ka tao tes oen dalen nas.

Dehet deng Aan in Nutus sas 19:6

Ta nikit Paulus nene ima ka se oen bon nas le kohe-kanas kon, Ama Lamtua Koo Niu ka, niu lako se one. Hidim oen mulai aa nini dasi bili-ngala, man oen tanas lo. Nol Ama Lamtua kon pake oen le tek deng asa man lako-lako lam dadi.

Dehet deng Aan in Nutus sas 2:4

Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Dehet deng Aan in Nutus sas 21:20

Ming hidi Paulus in dehet ta kon, oen totoang naka-nahalit Ama Lamtua Allah. Hidim, oen tek Paulus noan “Kaka Paul! Sadi kaka taan tuun, muik atuil Yahudi lihu-lihu kon parsai se Lamtua Yesus son. Oen kon kil didi atorang man upung Musa in niung bel kit son nas nabale.

Dehet deng Aan in Nutus sas 26:15

Auk ming faal na, mo ngat net un apa ka lo. Tiata auk ketan noan, ‘Tuang in aa ni, asii la?’ Kon nam faal na siut auk noan, ‘Auk niam Yesus, man ku tao susa-daat salon tutungus sa.

Dehet deng Aan in Nutus sas 4:31

Oen kohe-kanas mamaus ela lam, um man oen in nakbua na heheko. Hidim oen totoang haup Ama Lamtua Koo Niu ka. Tiata oen putis le lakos tek Ama Lamtua Allah Dehet Dais Banan na nol in buni-buni lo.

Dehet deng Aan in Nutus sas 6:6

Kon nam, Lamtua Yesus atulin nas deeh nol at iut man oen in huil nal son nas, lakos se Ama Lamtua anan in nutus sas. Kon aan in nutus sas nene iman laok se one, le kohe-kanas, hidim nikit oen daid atuil in lako-daek in kaa-ninu, le halin atuil ana ngas totoang in hapu ka tatai.

Dehet deng Aan in Nutus sas 9:18

Ananias aa hidi ela kon, Saulus nataka kam asa mes el ikan una ka, hokoa ilang deng un mata ka. Tiata un ngat net pait. Hidim un hangu, le oen sarain una.

Roma 15:7

Tiata, mi nol mia lam, musti sium apa mes nol mesa, banansila el Kristus in sium mia ka. Ta eta mi nuil ela lam, mam atuli las nikit sakeng Ama Lamtua ngala ka lapa-lapa.

Korintus mesa la 15:47

Atuling hnika-tuladang laih hmunan in se apan-kloma kia ka, daken deng dale. Molam hnika-tuladang dua la, nam Kristus, man maa deng apan-dapa kua.

Korintus mesa la 15:8

Auk man muik ambak lo dudui, mo net Un kon. Ta auk banansila el aan hmudin man huan mudi hesa ka.

Korintus mesa la 9:1

Nangan noan auk muik hak le dul bel mi eli lo, deken. Ta Ama Lamtua Allah nutus auk le laok tek atuli li deng Una. Auk kon net Yesus kit Lamtuan na, nol butu-kil napiut nol Un son. Hidim mi totoang kon parsai Una, undeng auk in dake ka.

Timutius mesa la 4:14

Pake babanan karunya man ku in hapun son deng Ama Lamtua, se dedeng tulu in kil jemaat tas kohe-kanas le nene iman nas se ku ka. Dedeng na, oen kon tek Ama Lamtua in hid deng ku in nuli ka, nol ku in dake ka ka. Tiata nang soleng karunya man ku in haup son na deken.

Timutius mesa la 5:22

Boel hlapat-hlapat in nikit atuil le daid tulu deken. Tinang un babanan muna le. Ta eta mi nikit atuil dadahut tuun, le atuling na daek kula kam, mi kon lepa-haal un in daek kula na. Doh ku apam ma le nuil niu tutungus.

Timutius dua la 1:6

Dedeng auk nene imang nga se ku bom ma le kohe-kanas bel ku ka, oras na Ama Lamtua nikit ku le halin nam ku daek nal taung Una. Tiata nol nia, auk nodan le ku pake karunya man ku hapun son deng Ama Lamtua ka, nol muun dui pait.

Filemon 1:16

Oras un lali ka, un suma daid ku ata tuun. Mo halas ni un pait maa son, ta un kon daid ku palim man ku in namnau. Auk kon namnau un isi! Tiata halas nia, un in ambak taung ku ka tapnaeng son. Ta un suma daid ku ata tuun lo, molam un kon daid ku palim man in leo-leo parsai se Kristus son.

Ibrani 6:2

tui deng in sarani; tui deng in totong iman le sium Ama Lamtua Koo Niu ka; tui deng mam Ama Lamtua Allah tao atuil in mate ngas le nulis pait; nol tui deng mam atuli li laok situ-tal se Ama Lamtua, le sium Un in nutus sa noan, asii man haup in nuli napiut nol Una, mo asii man lo ka.