Dehet deng Aan in Nutus sas 9:10 - Buk Niu In Hida Balu nol Dehet deng Apan-kloma ki in Dadi ka

¹⁰ Se kota na, muik Lamtua Yesus atulin mesa, ngala Ananias. Ama Lamtua maa tulu-balang apa ka bel una, banansila el in natloa, hidim haman un noan, “Ananias!” Kon Ananias siut noan, “Iya Lamtua!”

Dehet deng Aan in Nutus sas 9:10 ပူးပေါင်းရင်းမြစ်များ

Dehet deng Apan-kloma ki in Dadi ka 14:15

Se na, Abram bating un atulin nas, le daid buan ila lo. Duman na kon, oen lakos hote-dati nol atuil nas. Hidim Abram nol un atulin nas nulut napiut oen lakos lius se iung Hoba, se kota Damsik halin suu blain na.

Dehet deng Apan-kloma ki in Dadi ka 22:1

Nesang isi lo kon, Ama Lamtua sukat naan Abraham, le un hii-ming se Ama Lamtua tam lo ka. Ama Lamtua haman un noan, “Abraham!” Kon un siut noan, “Iya Lamtua.”

Dehet deng Apan-kloma ki in Dadi ka 31:11

Hidim Ama Lamtua ima-ii deng sorga haman auk se in natloa na dalen, le tek noan, ‘Hoe, Yakob!’ Kon auk siut noan, ‘Elola la Lamtua?’

Dehet deng Aan in Nutus sas 10:3

Oe mesan na, nataka le diuk tilu lelo-hat, banansila el in natloa ka, un net Ama Lamtua Allah ima-ii mes deng sorga, langa-langa maa le haman un noan, “Kornelis!”

Dehet deng Aan in Nutus sas 11:5

“Neot mesan na, auk se kota Yopeng, auk kohe-kanas kon Ama Lamtua tulu bel auk tuladang el in natloa ka. Auk ngat tam banansila el apan nu holsai, hidim kitu tene mes puti maa holtain se susung ngas aat. Kitu tene na niu maa bus el au.

Dehet deng Aan in Nutus sas 12:9

Kon Petrus laok muid ima-ii na, le puti deng bui ka. Mo Petrus bali noan, un suma natloa tuun. Molota daid ela baktetebes.

Dehet deng Aan in Nutus sas 16:10

Paulus net ela kon, kaim nutus le lakom Makedoniang. Undeng kaim nangan noan, na meman baktebes Ama Lamtua Allah man in prenta, le laok tek Un Lalan in Nuli ka, bel atuli-atuil man in ne tasi suut halin nua ngas.

Dehet deng Aan in Nutus sas 16:9

Duman na, Ama Lamtua Allah tulu bel Paulus banansila el in natloa ka. Un ngat net atuli mes dil se tasi suut halin, se propinsi mesa, ngala Makedonia. Atuling na haman mumuun le nodan tulung noan, “Ama! Maa tulung kaim le!”

Dehet deng Aan in Nutus sas 18:9

Duman mesan na, banansila el in natloa ka, Paulus ming Ama Lamtua Allah tekan noan, “Paulus, lii deken! Nol ku in makoe ka senet nol os ni deken, ta ku osa la hidi lo bii. Ku musti tui atuli li deng Auk Dehet Dais Banan na napiut.

Dehet deng Aan in Nutus sas 2:17

‘Ama Lamtua Allah tek noan, “Eta lelo-lelon nas mana le hidis sam, Auk le boho Auk Koo Niu ki lako se atuli las totoang. Se mi anan biklobe las, nol mi anan bihata las, le Auk taos daid Auk mee-baha. Mi anan muda kas, mam ngat net asa man Auk in le tulu-balang bel one ngas. Nol mi atuli-atuil blalan nas, mam natloa haup asa man Auk in le tulu-balang bel one ngas.

Dehet deng Aan in Nutus sas 22:12

Se na, muik atuli mes ngala Ananias. Un nia mo, atuil man dalen lolo, nol un kon kil didi upung Musa atorang ngas. Totoang atuil Yahudi man daad se kota na ngas kom una, nol oen kon todan una.

Dehet deng Aan in Nutus sas 9:12

Auk kon tulu-balang una, nol tekan noan, mam biklobeng mes le maa tutnaal una, na ka ku Ananias. Tiata ku laok nene ku imam ma se una, le halin nam un ngat net pait.”

Dehet deng Aan in Nutus sas 9:9

Un ngat net lo didiin lelo tilu. Nol un kon kaa-niun saa lo.

Korintus dua la 11:32

Tuladang el hmunan nu se kota Damsik, laih Aretas gubernur ra tadu atuli le natang auk se kota la hnitan nas, le halin oen daek nal au.

Galatia 1:17

Nol auk kon laok tutnaal blalan-blalan Kristen man daid Yesus atulin in nutus se Yerusalem mas lo. Mo auk lakong bus el dale Arab. Hidi nam auk pait maang se kota Damsik.