Dehet deng Aan in Nutus sas 8:3 - Buk Niu In Hida Balu nol Dehet deng Apan-kloma ki in Dadi ka

³ Mo Saulus nuting lalan tutungus le tao sisakeng Lamtua Yesus atulin nas. Un laok nuting oen se ola-ol tuun. Un puti-taam uma las le nuting one. Bihata tamlom bikloeb kon no, un dakes le laok pasang tamang se bui dales.

Dehet deng Aan in Nutus sas 8:3 ပူးပေါင်းရင်းမြစ်များ

Dehet deng Aan in Nutus sas 16:19

Nikit tana-bihatang na tuang ngas ming haup noan, oen ata ka in kuasa ka ilang son kon, oen koon-mali isi, undeng oen haup duit pait lo son. Tiata oen daek Paulus duas Silas, le pel nolas lakos se pasar rua, se mana, man taom atuli las pake taung in nehan dasi.

Dehet deng Aan in Nutus sas 22:19

Mo auk sium in prenta na nol babanan lo, undeng meman hmunan nu tulu agama las kom asa man auk in dake ngas. Tiata auk siut noan, ‘Elia Tuang! Oen totoang tana noan, lelon na auk man puti-taam uma-um in kohe-kanas sas le daek atuli-atuil man in parsai se Tuang ngas, hidim diku-puang one.

Dehet deng Aan in Nutus sas 7:58

Le pel-lakang un puti lako kota la likun na. Kon saksi-saksi las kolong oen kaod likun nas, le bel tana muda mes kilas. Un ngala ka, Saulus, un nam oen atulin in hode-lokot. Hidim oen pasang Stefanus nini batu.

Dehet deng Aan in Nutus sas 9:21

Ming Saulus in aa ela ka kon totoang atuli las herang, nol oen kon nangan hapun lo. Hidim oen tek apa noan, “Un man tao sisaek Yesus atulin in se Yerusalem mas, ta lo? Un le maa daek nol kit lakong se tulu agama Yahudi las tene-tenen nas! Elol son nia le?”

Korintus mesa la 15:9

Totoang Ama Lamtua atulin in nutus tenga las, muun dui deng au. Eta muid in toma ka lam, auk daid Un atulin in nutus sam, tatai lo. Ta hmunan nu, auk man diku-puang le tao susa-daat saol Ama Lamtua atulin nas se ola-ola.

Galatia 1:13

Taon elola ko mi ming dehet deng auk in nuli hmunan nu son, se dedeng auk in kil agama Yahudi la nabale ka, ta lo? Dedeng na, auk diku-puang Ama Lamtua atulin nas muun lai-lisin, le tao didaan one.

Timutius mesa la 1:13

Molota hmunan nu, auk aa dadaat le tao nahu Yesus ngala ka, nol tao susa-daat saol atuli-atuil man in muid Un lalan in nuli ka ngas. Auk tudan-kida oen tutungus. Auk daek dadaat ela undeng oras na, auk nangan taan asa man auk in dakeng nas lo, nol parsai se kit Lamtuan Yesus Kristus lo bii. Mo Ama Lamtua nadidingun auk lo, nol tulu Un in namnau ka bel au. In dudui pait ta, Un tulu bel auk Un dalen banan na tutungus! Un bel auk hangun liis-lasa, le halin auk parsai muun se Una, nol namnau nal atuil didang, banansila el Un in namnau au ka kon.

Yakobus 2:6

Mo nini mi in huil sila ela ka, mi tao nahmaeng atuil kasiang ngas son na. Molota oen daek dadaat saa saol mi lo. Mi nadidingun ne? Atuil in muki ngas man tao mi le nangan dadaat ela na. Nol oen nam man nuting dais nol mia, le pel-lakang mi lakom se maan in nutus dasi kua. Oen man haup un in kumis sa, mo mi man haup un oon na.