Dehet deng Aan in Nutus sas 7:56 - Buk Niu In Hida Balu nol Dehet deng Apan-kloma ki in Dadi ka

⁵⁶ Kon Stefanus tek noan, “Elia amas totoang. Auk ngat net apan nu hosai, nol Atuling Baktetebes sa dil ne maan in todan-lahing dudui kua, ne Ama Lamtua Allah halin kanan na.”

Dehet deng Aan in Nutus sas 7:56 ပူးပေါင်းရင်းမြစ်များ

Matius 25:31

Hidi kon Yesus dehet napiut noan, “Au, Atuling Baktetebes nia, mam niu maang pait, nini Auk Amang ngu in kuasa man loe-liliman na, leo-leo nol Un ima-ii las deng sorga. Hidim Auk daad se Auk del in prenta man muun dudui ka, le pres totoang atuli li dasi las, muding asa man oen in lako-daek son nas.

Matius 3:16

Sarain hidi kon Yesus puti deng palun na dalen. Mo nahkitu lam, apan nu holsai. Hidi kam Un ngat net Ama Lamtua Allah Koo Niu ka niu maa se Una, tuladang el korkifi ka.

Matius 8:20

Mo Yesus situn noan, “Banan kon! Mo nangan elia. Totoang atuli li nol hmukit tias, muik oen maan in dili-dada esa. Ngot huin pait lako un bolo. Kee-tilu pait lako un hno. Mo Au, Atuling Baktetebes sia, muik uma esa le pait lakong se lang lo. Maan in tian bon kon, muik lo.”

Markus 1:10

Nikit Yesus puti deng ui la tukun nam, Un ngat net apan nu holsai. Hidim Ama Lamtua Allah Koo la niu maa se Una, banansila el korkifi ka.

Lukas 3:21

Hmunan nua, oras oen daek Yuhanis lo bii ka, un sarain atuli hut mamo. Nol un kon sarain Yesus. Hidi kon Yesus kohe-kanas, ti apan na holsai.

Yuhanis 1:51

Auk in tek mia ni tom baktetebes. Mam mi net apan nu holsai. Kon Ama Lamtua ima-ii in ne sorga nguas niu-saek se Auk halin na. Ta Auk niam mo, Atuling Baktetebes sa.”

Dehet deng Aan in Nutus sas 10:11

Un ngat tam tuladang nga el apan nu holsai, hidim kitu tene mes puti deng apan nua. Kitu tene na holtai se susu ngas aat le niu maa.

Dehet deng Aan in Nutus sas 10:16

Kitu tene na puti ela lalis tilu, halas-sam sake lako pait apan-dapa.

Dehet deng Aan in Nutus sas 7:57

Ming ela kon, atuil in nehan dasi ngas, kuim kele hngilan nas. Oen ahan mumuun le tadu Stefanus ete'. Hidim oen tukin hangus leo-leo laok diku-puang una.

Apan-kloma Hnika Balu 11:19

Hidi nam, auk ngat net se sorga, Ama Lamtua Um in Kohe-kanas sa hnitan na holsai. Kon auk ngat net kaban, man hmunan nu oen pake le pesang Ama Lamtua Allah prenta in dulas se batu ngas. Kon bisain dait lako-pait. Lelat ulan dukun tene tupang apa, nol apan-kloma ki kon heheko, hidim ulan es el baut ngele naih deng apan nua.

Apan-kloma Hnika Balu 19:11

Hidi kon auk botas silang ngam, auk ngat net hnita sorga la holsai. Hidim nahkitu lam, auk ngat net ahloet muti mes puit maa. Atuling in daad se ahloet na dapa ka ngala, “In Toma” nol “Kil Dididi in Hida”. Oras Un nutus dasi ka, Un nutus nol in toma. Eta Un laok hote-dati lam, Un lako nol dalen in lolo-lolo.

Apan-kloma Hnika Balu 4:1

Atuling Baktetebes sa tek hidi Un in hida ka bel jemaat iut nas kon, Ama Lamtua tulu-balang bel auk dais didang deeh pait. Nahkiut tuun nam, auk net hnita mes holsai se sorga. Hidim auk ming pait atuling man fala ka muun na el klingu ka, tek noan, “Maa! Saek maa se ni tia, le Auk tulu bel ku totoang in mam le dadi ngas.”