Dehet deng Aan in Nutus sas 7:55 - Buk Niu In Hida Balu nol Dehet deng Apan-kloma ki in Dadi ka

⁵⁵ Mo Stefanus haup kuasa deng Ama Lamtua Koo Niu ka, ta un botas ngat lako bus el apan nua lam, un ngat net totoang Ama Lamtua Allah in loe-liliman na. Un kon ngat net Lamtua Yesus dil se Ama Lamtua Allah halin kanan na, se maan in todan-lahing dudui ka.

Dehet deng Aan in Nutus sas 7:55 ပူးပေါင်းရင်းမြစ်များ

Markus 16:19

Aa hidi nol Un ima-ii las ela kon, Ama Lamtua Allah nikit sakeng Yesus lako sorga. Se na Yesus daad se Ama Lamtua Allah halin kanan na, le Oen duas kil bandu leo-leo.

Ibrani 1:3

Ama Lamtua Ana ka tulu Un Ama ka in muun-tes sa, banansila el lelo la kaloen na in tal pait deng hdidan na ka. Ta Un nam hnika mes parsis el Un Ama ka. Nol deng Un in Teka-teka man muik uhu isi ka, Un lako-daek totoang in ne apan-dapa kua nol apan-kloma kia ngas. Un kon sai lalan, le kose soleng atuli in kula-sala ngas, le halin oen daid niu. Hidim Un pait lako sorga, le daad se Ama Lamtua Allah halin kanan na, se maan in todan-lahing dudui ka.

Korintus dua la 4:6

Hmunan hesa kua, Ama Lamtua Allah man aa net noan, “Musti muik langa le kaloe se maan mitang.” Hidim, Un nini Un langa ka le laang kit dalen nias. Ta Un kom in bel Un langa ka se kita. Na nahin na noan, eta kit nangan deng Kristus sam, kit kon nangan net Ama Lamtua Allah in muun isi ka.

Dehet deng Aan in Nutus sas 6:10

Mo Stefanus taan isi, lole un aa nini kuasa deng Ama Lamtua Koo Niu ka. Tiata oen kaen nal nol un pait lo.

Dehet deng Aan in Nutus sas 6:8

Dedeng na, Ama Lamtua Allah tulu un dalen banan na mamamo bel Stefanus. Un kon bel Stefanus kuasa le daek nal tada-taad herang nol dasi-dais in muun isi ngas, le halin atuil hut mamo kas ngat net nol matan beas esan.

Dehet deng Aan in Nutus sas 6:5

Tiata oen tade muid Petrus in teka ka. Kon oen huil atuli at itu. Atuil nas ngalan nas elia: Stefanus, un nam parsai Lamtua Yesus baktetebes, nol Ama Lamtua Koo Niu ka pake una. Nol un tapan tenga las ngalan nas elia, Filipus, Prokorus, Nikanor, Timon, Parmenas, nol Nikolas man maa deng kota Antiokia. Un atuil Yahudi lo, mo un tama agama Yahudi son.

Ibrani 8:1

Tiata, auk in aa muun dui ka elia: halas ni kit muik tulu agama, man in uhu dui deng tulu agama hmunan nua ngas son. Un na mo, Yesus. Un daad le kil bandu ne sorga, ne Ama Lamtua Allah in Lapa Dudui ka halin kanan na.

Dehet deng Aan in Nutus sas 2:4

Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Yuhanis 12:41

Yesaya aa ela, undeng un net Yesus in uhu ka son, tiata un kon dehet meman deng Yesus.

Dehet deng Aan in Nutus sas 6:3

Tiata kaim in nangan na elia: banan dui ka, mi huil nal atuli at iut deng mia la. Nuting atuil man in ngala banan, un doh taan apa ka, un taan dasi-dehet mamo, nol Ama Lamtua Koo Niu ka ator un in nuli ka. Eta mi huil nal atuil in ela son nam, mam kaim nikit oen le urus in kaa-ninu kia.

Apan-kloma Hnika Balu 21:11

Kota na leok isi! Muik langa man bisain puti deng Ama Lamtua Allah in muun-tes sa, banansila el baut intan in kaloe ka. Didiin kota na langa papmesa.

Petrus dua la 1:17

Oe mesan na, kaim leo-leo nol Yesus se Ama Lamtua leten niu ka. Kon Ama Lamtua Allah esa, man tek deng Yesus in muun isi ka. Ta dedeng na, kaim ming fala mes leok isi deng apan nu tek noan, “Un nam, Auk Anang in namnau ka. Un tao Auk daleng ngi kolo.”

Dehet deng Aan in Nutus sas 4:8

Kon Ama Lamtua Allah Koo la tao Petrus le brani, ta un siut noan, “Amas totoang, man daid atuli-atuil tene nol blalan-blalan hadat deng bangsa Israel! Komali deken ta kaim nangan taan amas in keket na isi lo.

Yuhanis 14:3

Eta Auk lakong le mana hidi bel mi maan son nam, mam Auk pait maang, le mi leo-leo muid Au. Nini ela, Auk se olang ngam, mi se lam kon.

Yuhanis 11:41

Kon atuli deeh pekot bian batu la deng liang nga hnitan na. Hidim Yesus ngada lako bus el apan nua, le aa noan, “Papa! Auk nodan mamo undeng Paap hii-ming se Au.