Dehet deng Aan in Nutus sas 7:5 - Buk Niu In Hida Balu nol Dehet deng Apan-kloma ki in Dadi ka

⁵ Dedeng na, Ama Lamtua Allah tulu bel upung Abraham dale ana teben mes lo bii kon, le daid un dale pusaka. Mo Ama Lamtua Allah hidan meman son noan, mam Un bel upung Abraham in hua-koet tas dale Kana'an, le daid oen dale pusaka. Molota dedeng na, Abraham kon muik aan in hua lo bii.

Dehet deng Aan in Nutus sas 7:5 ပူးပေါင်းရင်းမြစ်များ

Dehet deng Apan-kloma ki in Dadi ka 12:7

Se na, AMA LAMTUA tulu-balang apa ka bel Abram. Un tekan noan, “Mam Auk bel dale ni bel ku in hua-koet tas.” Hidi kon Abram daek mana mesa, toden nini batu, le taon daid maan in tunu-dadung bel AMA LAMTUA, man tulu-balang apa ka son se maan na.

Dehet deng Apan-kloma ki in Dadi ka 13:15

Totoang dale man ku in ngat nas, mam Auk bel kus nol ku in hua-koet tas, le daid mi pusakan napiut lako lius didiin.

Dehet deng Apan-kloma ki in Dadi ka 15:18

Dedeng na kon, AMA LAMTUA butu-kil in hida nol Abram. Un tekan noan, “Auk hida, le mam Auk bel dale ni se ku in hua-koet tas, kilan deng palun Mesir, lako lius se palun Efrat,

Dehet deng Apan-kloma ki in Dadi ka 17:8

Dale Kana'an ni totoang mam Auk bel kun, nol ku in hua-koet tas. Halas ni ku suma daad tahang tukun se nia. Mo ku in hua-koet tas man haup dale Kana'an lako lius didiin son na. Nol mam Auk kon daid oen Lamtuan Allah.

Dehet deng Apan-kloma ki in Dadi ka 23:4

“Ama me. Auk niam suma daad tahang tukun ne mi hlala kia. Auk muik dale le puan auk sapang ngi lo. Tiata etan mi tade kam, hee bel auk mi dale ana tep mesa, le halin nam auk puan auk sapang ngi se na.”

Dehet deng Apan-kloma ki in Dadi ka 26:3

Eta ku daad tahang tuun se maan na lam, mam Auk leo-leo nol ku, nol bel ku hangun bili-ngala. Mam Auk bel ku in hua-koet tas le taplaeng mamo, banansila el duun in ne apan-dapa kua ngas. Nol Auk bel ku, nol ku in hua-koet tas nusa nia, nol un ingu-mana las totoang. Deng ku in hua-koet tas, mam totoang bangsa in se apan-kloma ki ngias haup hangun. Nini ela lam, Auk in hid nol ku amam Abraham ma, Auk taon dadi.