Dehet deng Aan in Nutus sas 7:42 - Buk Niu In Hida Balu nol Dehet deng Apan-kloma ki in Dadi ka

⁴² Nikit Ama Lamtua Allah netas tao ela kon, Un bali kudi one. Hidim oen mulai hui-langus se sa-saa in ne apan-dapa kua ngas, banansila el lelo, bulan, nol duun nas. Mo Ama Lamtua Allah nang soleng oen ela tuun. Na tom nol asa man Ama Lamtua Allah mee-baha las in dul meman son, deng hmunan nu noan, ‘Hoe, atuil Israel me! Mi laok pukiu dale epeng ngas taun buk aat, hidim mi keo hmukit tas le todan-lahing se Au, tamlom mi todan-lahing se asii la?

Dehet deng Aan in Nutus sas 7:42 ပူးပေါင်းရင်းမြစ်များ

Yuhanis 6:45

Ama Lamtua mee-baah hmunan nuas dul son elia, ‘Ama Lamtua Allah le tui atuli li totoang.’ Tiata totoang atuil in hii-ming se Ama in ne sorga kua, nol tui deng Una ngas, maas se Au lia, le daid Auk atulin.

Dehet deng Aan in Nutus sas 13:40

Tiata, mi musti nangan babanan. Ta tamlom asa man Ama Lamtua mee-baah hmuna-hmunan nuas in teka ka, nahi tom se mia la. Undeng oen dul son noan, ‘Mi atuil in hode-lokot daat, man ngat maat halin tuun nol atuil didang ngas, doha loo! Undeng Au, Ama Lamtua Allah daek dasi-dais man tao atuli li le hera-herang; mam mi haup in hukung, didiin mi matem. Auk daek dasi mesa, se dedeng mi in nulim nabale ka, mo mi dai simun lo. Atuli tek mi son kon no, mi dai tanan lo. Banan dui ka, mi nangan dais nias babanan, le halin nam mi kon herang.’ Tiata kaka-pali me, nangan babanan asa man auk in teka apin na. Pasang soleng asa man apin mi in ming son na banansila el atuil in hode-lokot daat tas deken. Auk in dehet ta pes ela. Nodan mamo!”

Dehet deng Aan in Nutus sas 7:36

Hidi kon Musa pait lako Mesir. Un tao taad herang muun isi se lua. Hidim un nol puting atuil Israel las deng Mesir. Un nol oen laok kaliut Tasi Mea ka, hidim oen laok papmes maan epe ngas didiin taun buk aat.

Ibrani 3:9

Nangan tukun! Taun buk aat Auk tao taad herang bili-ngala se oen sila-matan nas! Mo oen taan in soba-naan Au tutungus. Undeng na Auk komali nol one, le tekas noan, ‘Mi niam, lai-lisin son! Ta mi bali kudi, le nang soleng Auk lalan na son, le muid se mi lalan in hilu ngas!’