Dehet deng Aan in Nutus sas 7:16 - Buk Niu In Hida Balu nol Dehet deng Apan-kloma ki in Dadi ka

¹⁶ Mo nesang ana lo, halas-sam oen kil kit upu kia-kaon nas seen nas pait lakos iung Sikem. Hidim oen puan seen nas, se niut utu man dedeng na upung Abraham sosan son, deng Hemor in hua-koet tas.”

Dehet deng Aan in Nutus sas 7:16 ပူးပေါင်းရင်းမြစ်များ

Dehet deng Apan-kloma ki in Dadi ka 23:16

Kon nam, Abraham tade nol dale na osa ka muid Efron in teka ka. Tiata se atuil Het tas silans, man daid saksi se na, Abraham kaih duit muti bila ngatus aat, le hidim un baen Efron.

Dehet deng Apan-kloma ki in Dadi ka 23:4

“Ama me. Auk niam suma daad tahang tukun ne mi hlala kia. Auk muik dale le puan auk sapang ngi lo. Tiata etan mi tade kam, hee bel auk mi dale ana tep mesa, le halin nam auk puan auk sapang ngi se na.”

Dehet deng Apan-kloma ki in Dadi ka 35:19

Tukun nam oen puan Rahel se lalan suut man laok bus el Efrata ka, (na Betlehem).

Dehet deng Apan-kloma ki in Dadi ka 47:30

Ku musti nol pait auk aap-sising ngia, lako kit upu kia-kaon nuas maan in puan na. Le ku puan auk se na. Paap in koma ka ela.” Kon Yusuf siut noan “Banan papa! Eta paap koma ka ela son nam, auk muid tukun.”

Dehet deng Apan-kloma ki in Dadi ka 50:12

Hidim Yakob anan nas tao muid el oen in hid hidi son na.

Dehet deng Apan-kloma ki in Dadi ka 50:13

Le oen nikit Yakob nitun na, le laok puan se liang, man dani nol iung Makpela, nol Mamre. Abraham sos hidi maan na son se Efron, atuling Het ta, le taon daid oen maan in puan nitu.