Dehet deng Aan in Nutus sas 5:36 - Buk Niu In Hida Balu nol Dehet deng Apan-kloma ki in Dadi ka

³⁶ Ta mi nangan net atuling mesa, man un ngala ka, Teudas. Un mate blaan son, mo dedeng un nuli nabale la, un nikit apa ka esa noan, un na mo atuil tene, didiin atuil in muid una ngas, nataka le atuli ngatus aat. Mo nikit atuli las keo tele un kon, un atulin nas lalis holhising. Maa lius halas nia lam, atuil man in muid una ngas, ase son. Undeng oen lalis ilang totoang!

Dehet deng Aan in Nutus sas 5:36 ပူးပေါင်းရင်းမြစ်များ

Matius 24:24

Ta mam muik atuli puit le teh kalas noan, ‘Auk niam Kristus!’ Nol tenga las pait tek noan, ‘Auk niam Ama Lamtua Allah mee-baha.’ Mam oen tao taad herang bili-ngala pake uikjale kas in kuasa, le nole-lilung atuli. Oen soba-naan le halin Ama Lamtua atulin nas kon tom in nole-lilung!

Matius 24:26

Eta atuli tek mi noan, ‘Kristus muik ne epe nua!’ Lam mi laok se nu deken. Nol eta muik in tek noan, ‘Kristus mo um ni dale nian!’ Lam mi parsai nol oen in nole-lilung na deken.

Matius 24:5

Ta mam muik atuli mamo-mamo, maa teh kalas le tek noan, ‘Auk niam Kristus, Atuling man Ama Lamtua Allah hidan meman son, lolo hmunan nua ka.’ Oen tao ela, didiin oen nole nal atuli hut mamo.

Dehet deng Aan in Nutus sas 21:38

Eta ela lam, auk in nangan ni kula son. Auk bali le ku niam atuling Mesir, man lelon na hode-lokot atuli las le oen tao lobo-lau. Hidim kat nal atuil in kil lelat at lihu aat, le lakos se epe mesa. Mo atuling na ku lo, ta lo?”

Dehet deng Aan in Nutus sas 5:35

Oen kil puting Petrus nol un tapan nas hidi kon, Gamaliel aa nol tulu-tulu in se la ngas noan, “Kaka-paling totoang! Kit musti doha-doha! Ta tamlom mo kit hlapat isi in le noan daek daat saol atuil nias sa. Kit musti nangan blatas muna le.

Dehet deng Aan in Nutus sas 8:9

Se kota na, muik atuil in tana at mesa, ngala Simun. Nesang son, un tao atuil Samaria las le herang nol un in pake kai-dasi ka. Un naka-naka bali apa ka noan, “Auk niam atuil uhu!”

Galatia 2:6

Blalan-blalan nas sium auk in tui ka nol babanan, oen kon tapnaeng sa-saa pait lo. Mo auk le tek mi elia, Ama Lamtua Allah huil sila lo. Tiata, oen atuil tene tam, atuil ana kon no, nas man muun na lo.

Galatia 6:3

Eta muik atuli in naka-naka apa ka noan, un dui hihidi deng atuil didang ngas, molota ela lo kam, un nole-lilung bali apa ka esa son na.

Petrus dua la 2:18

Ta oen bahan nas tuan, mo muik isin lo. Oen neleng atuli li le tao dais in tom lo ngas. Oen hanet atuil man halas-sam pait muid lalan in toma ka, le halin oen tao kula-sala pait.

Petrus dua la 2:2

Ela kon no, mam atuli mamo muid one, le tao dahut-dahut nol mae taan lo. Nol undeng oen in tao-tao ngas, tiata mam atuli aa didaan in tui-teka man in toma ngas.

Yudas 1:16

Atuil in taam son ne mi hlala ngas, suma taan in muhmemen le kaen apa tutungus. Oen taan in tukut-klaa nol atuli si-sii. Oen toe muid Ama Lamtua in koma ka lo, le tao muid oen in koma-kom isi ngas esan tuun. Oen suma kom in aa le nikit-nikit apan nas. Oen kom in nuting sila le kat atuli dalen, halin oen haup muid oen in koma ngas.

Apan-kloma Hnika Balu 17:3

Hidi nam, auk tom Ama Lamtua Allah Koo Niu ka, kon ima-ii in deng sorga na nikit nol auk lakong se maan in ete tuun mesa. Se na, auk ngat net bihatang mes daad se hmukit in tao tele dadahut mes dapa, man bulu ka mea kaloe'. Hmukit na muik bon itu, nol sulu hngulu. Se un apa ka papmesa, dul dasi-dais man in bilu-aa Ama Lamtua Allah.

Apan-kloma Hnika Balu 17:5

Se un hmangin na, dul ngala mesa, man nahin na buni nabale. In dula na elia: Auk niam, Babel! Kota man in leko nol natao dudui ka! Totoang in daat bili-ngala se apan-kloma ki ngias, putis deng au. Totoang in laok kula nol bihata tam bikloeb se dale-dapa ni ngias, maas deng au.