Dehet deng Aan in Nutus sas 5:24 - Buk Niu In Hida Balu nol Dehet deng Apan-kloma ki in Dadi ka

²⁴ Ming ela kon, tulu in doh Ama Lamtua Um in Kohe-kanas Tene ka ka, nol tulu agama Yahudi las tene-tenen nas, langan tukun, undeng oen nangan hapun lo son.

Dehet deng Aan in Nutus sas 5:24 ပူးပေါင်းရင်းမြစ်များ

Lukas 22:4

Ta un puti lako nuting tulu agama las tene-tenen nas, nol tulu in doh Um in Kohe-kanas Tene ka. Un le koo mes nolas halin hee Yesus bel one.

Lukas 22:52

Atuli-atuil in maa daek Yesus sas: tulu agama Yahudi las tene-tenen nas, blalan-blalan hadat tas, tulu in doh Um in Kohe-kanas Tene ka ngas, nol atuli teng pait. Yesus keket oen noan, “Elola? Mi nangan noan Auk niam atuil daat te, le mi maa daek Auk nini suli nol lulu lia?

Yuhanis 12:19

Kon atuil Farisi las aa nol apa noan, “Hoeh! Ngat le! Totoang atuil in se apan-kloma ki ngias tupu-talas le muid Una! Mam in puis-puis sa kit man susa lia. Etan ela son nam, kit tao elol pait ta?”

Dehet deng Aan in Nutus sas 2:12

Oen totoang ngaa-bahan le ketan apa mes nol mesa noan, “Taon elola le daid ela lia le? Un nahin na elola le?”

Dehet deng Aan in Nutus sas 4:1

Petrus nol Yuhanis nahdeh nabael nol atuil nas sam, atuil tene at ila lo maas. Oen nam tulu agama Yahudi las nol atuil deng partei agama Saduki, nol tulu in doh se Um in Kohe-kanas Tene ka ka. Oen maas le kaen nol Petrus duas Yuhanis.

Dehet deng Aan in Nutus sas 4:21

Mo atuli-atuil man in daad le nehan dasing nas, kaing ulang oen duas pait. Hidim oen sao aan in nutus at dua nas, undeng oen taan le hukung oen duas elola ka lo. Nol oen kon lii, tamlom mo atuil hut mamo in se likun na ngas, haung keng nol one la. Lole atuil nas naka-naka Ama Lamtua, undeng atuling hlukut-kait ta banan son.

Dehet deng Aan in Nutus sas 5:23

Oen tekas noan, “Amas komali deken. Ta kaim lakom lius se bui kua lam, kaim net hnita kas hkaen teles nabale. Nol atuil in doha ngas totoang kon dil ne uas. Mo kaim tadus le sai hnita kas, halin kaim tama lam, kaim net atuil lo.”

Dehet deng Aan in Nutus sas 5:25

Hidi na kon, muik atuli mes maa tekas noan, “Amas hii napat le! Atuil man mi in tahang se bui kua ngas, mo likun nia! Oen dil le tui atuli las ne Um in Kohe-kanas Tene kua!”

Dehet deng Aan in Nutus sas 5:26

Ming ela kon, tulu in doh Um in Kohe-kanas sa haman un ima-ii las, le lokas laok daek Petrus nol un tapan nas pait. Mo un ima-ii las lii, undeng atuil mamo kas hii Petrus in nahdehe ka. Atuil in doha ngas nangan noan, tamlom mo atuil mamo nas haung keng nol one, hidim pasang oen nini batu. Undeng na le, oen daek ulang Petrus nol un tapan nas sa, oen brain dakes nol in dising lo.