Dehet deng Aan in Nutus sas 3:19 - Buk Niu In Hida Balu nol Dehet deng Apan-kloma ki in Dadi ka

¹⁹ Undeng na, mi musti bali kudi nang soleng mi in kula-sala ngas, le pait lakom bus el Ama Lamtua Allah tia, le halin Un kose soleng mi in kula-salang nas, nol nangan netas pait lo.

Dehet deng Aan in Nutus sas 3:19 ပူးပေါင်းရင်းမြစ်များ

Matius 13:15

Undeng atuil nias dalen nas didi, oen kon tao oen hngilan nas le kiu, nol tao matan nas le tedos. Tiata nang le halin nam, oen hngilan nas kiu, nol oen matan nas tedos tuun lako. Le halin Auk tao banan oen deken tia, undeng oen dai muid Auk lo.’

Matius 18:3

Hidim Un tek noan, “Hii babanan! Atuil man in le tama daid Ama Lamtua atulin na, un musti seda un in nangan na, le daid banansila el tana-ana blutu, man nahlae napiut se un ina-ama ka, nol nikit-nikit taan apa ka lo ka.

Lukas 1:16

Mam un hanet atuil Israel mamo le bali muid oen Tuang nga, na Ama Lamtua Allah.

Lukas 22:57

Mo Petrus kaen noan, “Loo! Auk taan atuling na loo. Ku taan saa la?”

Dehet deng Aan in Nutus sas 1:6

Dedeng Yesus nakbua nol Un anan in nutus sas sa, oen keket Un noan, “Papa! Kaim le keket elia: taon elola ko Paap nangan net hmunan nu negara Israel prenta un negara la esa ka. Ta Paap le sas-sao kaim deng atuil didang in prenta son nia ke? Tamlom kaim musti natang oras didang pait ta?”

Dehet deng Aan in Nutus sas 11:18

Ming Petrus siut ela, halas-sam oen bel kula un pait lo. Hidim oen totoang naka-naka Ama Lamtua Allah noan, “Wuih! Leok isi! Ama Lamtua sai lalan son le atuil Yahudi lo kas kon, nang soleng oen in nuil kula-sala ngas, le Ama Lamtua kose soleng, halin oen kon haup in nuli napiut nol Una.”

Dehet deng Aan in Nutus sas 11:21

Ama Lamtua bel Un in kuasa ka se one, didiin atuli hut mamo daid in parsai se Lamtua Yesus.

Dehet deng Aan in Nutus sas 15:3

Kon nam atuil Kristen in se Antiokia ngas tadu Paulus nol atuil nas, le lakos Yerusalem. Oen laok deng tuus tuun, muid propinsi Fenisia nol propinsi Samaria. Se oen lalan in lako ka, oen tuli-tuil se atuil in parsai ngas uma. Hidim oen tekas noan, “Atuil Yahudi lo kas kon, bali maas son, le parsai se Ama Lamtua!” Ming ela kon, atuli las totoang dalen kolo.

Dehet deng Aan in Nutus sas 17:26

Suma deng atuli mes sii kam, Un koet nal totoang bangsa in ne apan-kloma ki ngias. Un man bating bel bangsa-bangsa lias, mesa-mesam nonool un dale. Nol Un man ator meman deng bangsa-bangsa lias oras in banan-daat ta, mesa-mesam nonool un dedeng.

Dehet deng Aan in Nutus sas 2:38

Kon Petrus situs noan, “Mi mesa-mesam musti nang soleng mi in kula-sala ngas totoang, le muid se Ama Lamtua. Hidi na lam, mi musti nodan le haup in sarani, halin daid tada noan, mi bali muid Yesus Kristus Lalan in Nuli ka son. In sarani na kon daid tada noan, Ama Lamtua kose soleng mi in kula-kula ngas son. Hidim mi kon haup Ama Lamtua Allah Koo Niu ka.

Dehet deng Aan in Nutus sas 28:27

Undeng bangsa ni dalen na didi isi. Ta oen hngilan nas dai ming pait lo son! Nol oen matan nas kon hut didi son! Nang le halin oen ming bakun tia; Nol nang le halin oen matan nas net deken tia. Hidim nang le halin oen dalen nas tema napiut. Didiin oen taan lalan in pait maa bus el Au ka lo. Tiata, taon elola le Auk tao banan oen pait ta?’ ”

Dehet deng Aan in Nutus sas 3:20

Mam Ama Lamtua Allah tao teken mi dalen nas. Nol Ama Lamtua Allah kon le tunang pait bel mi Kristus, man Un hulin meman son na. Kristus nam, Yesus, man Un tunang netan son maa bel mia ka.

Dehet deng Aan in Nutus sas 3:21

Lolo hmunan hesa kua, Ama Lamtua tek son, nini Un mee-baha las noan, ‘Mam Ama Lamtua Allah tao totoang dasi-dasi las le daid balu.’ Hidim Yesus musti natang se Un Maan Niu kua, didiin Un oras in pait maa, le tao balu totoang sa-saa lias sa.

Roma 11:25

Kaka-pail in se Roma me! Mi musti nangan taan dais nia, man hmunan nu daid dais in buni. Ta eta mi nangan tanan son nam, mi koaok noan mi atuil in tana deken. Ta elia: halas ni atuil Yahudi deeh dalen didi, le dai parsai se Kristus lo. Mo mam oen tao ela napiut lo. Ta eta totoang atuil Yahudi lo man Ama Lamtua hulis son nas parsai se Kristus sam, mam atuil Yahudi las kon parsai se Una.

Tesalonika dua la 1:10

Molam totoang atuil in parsai ngas nikit sakeng Un ngala ka lapa-lapa, nol todan-lahing Una. Mam mi kon muik se atuil in parsaing nas hlala, undeng mi kon sium Dehet Dais Banan man dedeng na kaim tek mi son na.

Tesalonika dua la 1:7

Un kon bel mi le tenem tahang deng susa-daat, man mi in lepa-hala ngas. Un daek ela bel kaim kon. Mam nias totoang dadi, se oras Lamtua Yesus in niu maa leo-leo nol Un ima-ii man muun isi deng sorga nguas sa.

Timutius dua la 2:25

Oen musti tui-tikang atuil in labang daat tas nol babanan. Halin nam oen sabail apan nas le tenes deng oen in kula-sala ngas, nol sium asa man in toma ka.

Ibrani 4:1

Mo halas ni kit musti nangan blatas, undeng Ama Lamtua hid nabael noan, Un atulin nas haup in tene leo-leo nol Una. Tiata, tamlom deng mia la muik in hutun soleng asa man Ama Lamtua in hid son nia la.

Petrus mesa la 2:25

Lole hmunan nua, mi banansila el lae-blai man in sisa kula son na. Molam halas nia lam, mi pait maam bus el Ama Lamtua lolen son. Ta Un man doha nol papa-piaar mi babanan, banansila el atuil in lolo-poa, man papa-piaar un lae-blai la ngas.

Petrus dua la 3:8

Kaka-pail in namnau me! Nadidingun dais ni deken. Kit Lamtuan na kaih oras el kit lo. Ta muid Una lam lelo mesam bisa kon, taun lihu mesa. Nol taun lihu mesa lam bisa kon, lelo mesa.

Apan-kloma Hnika Balu 21:4

Mam Un kose soleng oen matan uin nas, le oen lilu mumuun pait lo ka. Undeng se na lam, muik in ili pait lo. Nol se na kon, muik in mate pait lo. Totoang man in bosor deng lolo hmunan nua ngas, ase son. Totoang man in tao susa-daat lolo hmunan nua ngas kon, ilang son.”