Dehet deng Aan in Nutus sas 28:2 - Buk Niu In Hida Balu nol Dehet deng Apan-kloma ki in Dadi ka

² Nusa na atulin nas sodo-sium kaim nol babanan. Undeng ulan nol metes isi, tiata oen suni ai tene mes se onan na, hidim oen tadu kaim le laok malam ai.

Dehet deng Aan in Nutus sas 28:2 ပူးပေါင်းရင်းမြစ်များ

Matius 10:42

Atuil in sium atuil ana ngas undeng oen in muid Au ka, taon elola ko Ama Lamtua balas una. Atuli li suma beles ui muti klas mes sii kon no, Ama Lamtua Allah nadidingun lo.”

Yuhanis 18:18

Oras na metes son. Tiata atuil in doha ngas nol atuil in loka-loka ngas, dil le malas ai. Ta Petrus kon lako dil le mala ai leo-leo nol one.

Dehet deng Aan in Nutus sas 27:3

Kaim luan laa bokam deng Kaisarea, hidim ola ka, kaim lakom lius se kota Sidon. Komendan Yulius tao Paulus nol babanan, un kon tekan noan, Paulus bisa laok ngat un tapan nas se tuu kua. Un in koma ka, le halin Paulus tapan nas bel un sa-saa man in parlu se tasi dapa.

Dehet deng Aan in Nutus sas 28:3

Paulus kon nami-naim hulung kai teben, le taos laok se ai la. Mo nikit un dodan kai teben nas laok se ai la dapa kon, suknahkitu lam, ul lasong mes puit maa, undeng tahang nal ai la in otot ta lo. Hidim ul na sau didi se Paulus ima ka.

Dehet deng Aan in Nutus sas 28:4

Nikit atuil Malta las net ul lasong na naling didi se Paulus ima ka kon, oen tek apa noan, “Atuling ni, taon elola ko atuil in keo atuli. Meman un kuhit deng tasi len na son, undeng na un ulat. Mo hmate ka nulut muid un nabale! Lole asii man daek dadaat tam, un musti lepa-haal esa.”

Roma 1:14

Taon elol kon no, auk in koma ki le, auk musti tek Ama Lamtua Dehet Dais Banan na bel atuli li totoang. Nas atuil in aa dais Yunani, atuil in aa nini dais didang, atuil tene tamlom atuil ana, atuil in hkola tamlom atuil in hkol lo. Undeng na, auk mana son le tia meo mi se kota Roma.

Roma 14:1

Tod mi in nas le sium atuil in parsai se Ama Lamtua son, mo un in parsai ka didi lo bii, nol un nangan taan dasi mamo lo bii ka, nol babanan. Kaen apa nol un in nangan na deken. Nang le un daid mi tapan tuun.

Roma 14:3

Mo hii ke! Atuil sarani man in kaa saa tuun na, boel ngat kabaul atuil in dai kaa siis lo ngas deken. Ela kon nol atuil sarani in dai kaa siis lo ngas, tek atuil in kaa sisi ngas deken noan, “Hoe! Kaa sisi lam kula!” Undeng Ama Lamtua Allah sium oen duas son le daid Un atulin!

Roma 2:27

Mo doha-doha loo! Ta eta atuil Yahudi lo ngas sunat lo, mo tao muid Ama Lamtua Atorang nga lam, mam oen tao nahmaeng mi nini in tulu-balang mi in kula-sala ngas noan, mi atuil Yahudi in sunat son, nol kil Atorang nas son deng hmunan nua, mo mi kaliut Ama Lamtua Atorang nga nababael tuun.

Korintus mesa la 14:11

Mo eta auk taan atuil didang dasi lo kam, na muik nahin saa bel auk lo. Lole auk taan oen lo, nol oen kon taan auk lo. Kaim mes nol mesa lam, daid atuil in laok-maa.

Korintus dua la 11:27

Auk daek hiti-late, nol auk haup in susa bili-ngala. Auk niin nal matang ngi lo, oe mamo son. Auk kon lubung nol meeng tuu. Auk haup in kaa lo tetetas sa kon, oe mamo son. Oe mesan na, auk muik kitu-kaod lo, ta auk metes isi.

Kolose 3:11

Se in nuil balu nia, lam kit boel aa tapa bel atuli deng aap-ina likun na deken noan, oen nam atuil Yahudi tam, atuil Yahudi lo; atuil in muid sunat tam, atuil in sunat lo; atuil in laok-maa tam, atuil in taan hadat lo; ata tam, ata lo. Nas man muun na lo! Mo in muun na ka, eta oen butu-kil nol Kristus, nol eta Un nuli ne oen dalen nas.

Ibrani 13:2

Nadidingun in sai mi dalen nas deken, le sium atuil in laok-maa ngas se mi uma. Ta muik kaka-pali at ila lo sium atuil ela, oen tanas lo, molota atuil nas Ama Lamtua Allah ima-ii deng sorga.