Deng atuil man muid le hii Paulus in nahdehe ngas, muik atuil Yahudi Kristen at ila lo, deng partei Farisi. Oen hangus dili, le aa nol mumuun noan, “Hii babanan ne! Etan atuil Yahudi lo ngas kom le parsai se Lamtua Yesus sam, oen musti tao muid kit hadat in sunat ta, nol atorang hadat tenga las kon, man Ama Lamtua Allah esa niung bel kitas son, se upung Musa.”
Dehet deng Aan in Nutus sas 26:5 - Buk Niu In Hida Balu nol Dehet deng Apan-kloma ki in Dadi ka5 Tulu-tulu agama las musti aa nahlololo, undeng oen kon taan auk son deng lolo hmunan nua. Ta le hmunan nu auk kon tamang partei agama Farisi kam. Totoang atuli li tana noan, kaim atuil Farisi lia, man muid atuil Yahudi li atorang agama la muun dui. အခန်းကိုကြည့်ပါ။ |
Dehet deng Aan in Nutus sas 26:5
7 ပူးပေါင်းရင်းမြစ်များ
“Sadi mi totoang taan tuun noan, auk niam atuil Yahudi. Auk inang nga hua auk se kota Tarsus, ne propinsi Kilikia. Mo auk teneng se iang, se Yerusalem. Atuling man in tui au ka, guru tene in ne ia kia, ngala Gamaliel. Un tui auk deng upung Musa atorang ngas totoang, lako lius ana-ana ngas. Auk kon makoe in muid Ama Lamtua Allah, banansila el mi totoang man mo nia ngias kon.
Kit tuang tene agama Yahudi la, nol tulu-tulu agama man nehan dais agama ngas totoang tana, noan, asa man auk aa ni meman tom baktebes! Auk nole lo! Ta oen man bel auk surat kuasa, le laok daek atuli-atuil man in muid Yesus sas, lako lius kota Damsik. Se nua, auk le daek one, halin pel nolas maas se Yerusalem. Auk in tao ka le halin atuil in nutus dais agama ngas man hukung one.”
Hidim Paulus ngat atuil man in daad le nehan dais agama ngas kon, un taan noan, oen deng partei dua. Tenga las muid partei Saduki, man parsai noan, atuil in mate ngas nulis pait lo. Oen kon parsai noan, Ama Lamtua muik ima-ii ne sorga lo nol muik koo lo. Nol tenga las pait muid partei Farisi man parsai noan, mam Ama Lamtua Allah bel atuil in mate ngas le nulis pait. Oen kon parsai noan, muik koo, nol Ama Lamtua muik ima-ii ne sorga. Kon Paulus aa nol fala mumuun noan, “Kaka-paling totoang! Sadi mi totoang tana noan, auk niam, atuil Farisi. Auk amang nga nol auk upung ngas kon, atuil Farisi. Mo mi le hukung au, undeng auk in parsai noan, Ama Lamtua Allah tao atuil in mate ngas le nulis pait.” Nikit Paulus aa ela kon, atuil Farisi las nol atuil Saduki las mulai kaen apa, didiin oen tom apa lo. Hidim oen bakisan bating dua,
Elia, ama gubernur. Auk musti hao se ama dasi mesa. Auk muid partei balu mesa, man ngala, ‘Lamtua Yesus Lalan in Nuli ka.’ Auk kohe-kanas se Ama Lamtua Allah, banansila el auk upu kia-kaon nas in kohe-kanas se Una ka kon. Auk kon tao muid upung Musa atorang ngas totoang, nol parsai baktetebes asa man Ama Lamtua Allah mee-baah hmunan nuas, in dul pesang bel kaim son na.
Eli ama. Taung kaim atuil Yahudi lia lam, Paulus niam banansila el ili mesa, man muik se mana mesa laok mana mesa. Taom un labang kaim agama lia, nol tao didaan kaim hadat ti se ola-ola. Un lako se ola tuun kon, taon elola ko atuil Yahudi las tao dais nol apa mes nol mesa. Un niam, mee-baah deng partei agama, man muid atuli mes deng Nasaret, man kaim noken noan ‘partei Nasarani’. Mo asa man oen in tui ka, kula isi nol agama man kaim in tui kia.
ကြော်ငြာတွေ