Dehet deng Aan in Nutus sas 22:3 - Buk Niu In Hida Balu nol Dehet deng Apan-kloma ki in Dadi ka

³ “Sadi mi totoang taan tuun noan, auk niam atuil Yahudi. Auk inang nga hua auk se kota Tarsus, ne propinsi Kilikia. Mo auk teneng se iang, se Yerusalem. Atuling man in tui au ka, guru tene in ne ia kia, ngala Gamaliel. Un tui auk deng upung Musa atorang ngas totoang, lako lius ana-ana ngas. Auk kon makoe in muid Ama Lamtua Allah, banansila el mi totoang man mo nia ngias kon.

Dehet deng Aan in Nutus sas 22:3 ပူးပေါင်းရင်းမြစ်များ

Lukas 2:46

Lakos lius se uas kon, oen nuti-nuting Un didiin lelo tilu, halas-sam tutnalan se Um in Kohe-kanas Tene ka dalen. Un daad le keket-ketan nol guru-guru agama Yahudi las.

Lukas 8:35

Ming oen in dehet ela ka kon, atuil hut mamo kas puit lakos se maan na. Oen le net esan deng asa man in daid son na. Lius se las kon, oen ngat net atuling in tom uikjale ka daad ete-ete tuun son, dadani se Yesus iin na. Un pake kai-baut son nol un in nuin na kon ase son. Net ela kon, oen totoang lii.

Dehet deng Aan in Nutus sas 11:25

Hidi na kon, Barnabas lako kota Tarsus le nuting Saulus.

Dehet deng Aan in Nutus sas 15:23

Oen kil surat laok bel atuil deng bangsa Yahudi lo, man se kota Antiokia, ne propinsi Siria lako pes propinsi Kilikia ngas. Surat na lin na elia: “Boa-blingin deng kami, Lamtua Yesus anan in nutus sas, nol blalan-blalan in se kota Yerusalem mas. Kaim dul surat ni bel mia, man kaim namnau tuladang el kaim pail-kakan esa.

Dehet deng Aan in Nutus sas 15:41

Hidim oen laok papmes propinsi Siria nol propinsi Kilikia. Oen duas tao tes atuil in parsai ngas dalen, se mana-maan nas.

Dehet deng Aan in Nutus sas 21:20

Ming hidi Paulus in dehet ta kon, oen totoang naka-nahalit Ama Lamtua Allah. Hidim, oen tek Paulus noan “Kaka Paul! Sadi kaka taan tuun, muik atuil Yahudi lihu-lihu kon parsai se Lamtua Yesus son. Oen kon kil didi atorang man upung Musa in niung bel kit son nas nabale.

Dehet deng Aan in Nutus sas 21:39

Kon Paulus siut noan, “Lo ama! Auk niam mo, atuil Yahudi. Auk inang nga hua auk se kota Tarsus ne propinsi Kilikia. Auk nodan ama le bel auk dola buit, halin auk aa nol atuil hut mamo nias.”

Dehet deng Aan in Nutus sas 23:34

Les hidi surat na kon, gubernur ra ketan Paulus noan, “Ku atuil deng ola la?” Kon Paulus situn noan, “Auk niam atuil deng propinsi Kilikia, ama.”

Dehet deng Aan in Nutus sas 23:6

Hidim Paulus ngat atuil man in daad le nehan dais agama ngas kon, un taan noan, oen deng partei dua. Tenga las muid partei Saduki, man parsai noan, atuil in mate ngas nulis pait lo. Oen kon parsai noan, Ama Lamtua muik ima-ii ne sorga lo nol muik koo lo. Nol tenga las pait muid partei Farisi man parsai noan, mam Ama Lamtua Allah bel atuil in mate ngas le nulis pait. Oen kon parsai noan, muik koo, nol Ama Lamtua muik ima-ii ne sorga. Kon Paulus aa nol fala mumuun noan, “Kaka-paling totoang! Sadi mi totoang tana noan, auk niam, atuil Farisi. Auk amang nga nol auk upung ngas kon, atuil Farisi. Mo mi le hukung au, undeng auk in parsai noan, Ama Lamtua Allah tao atuil in mate ngas le nulis pait.” Nikit Paulus aa ela kon, atuil Farisi las nol atuil Saduki las mulai kaen apa, didiin oen tom apa lo. Hidim oen bakisan bating dua,

Dehet deng Aan in Nutus sas 26:5

Tulu-tulu agama las musti aa nahlololo, undeng oen kon taan auk son deng lolo hmunan nua. Ta le hmunan nu auk kon tamang partei agama Farisi kam. Totoang atuli li tana noan, kaim atuil Farisi lia, man muid atuil Yahudi li atorang agama la muun dui.

Dehet deng Aan in Nutus sas 26:9

Meman hmunan nu auk tao asa tukun, le labang muun nol totoang atuil man in muid Yesus, Atuling Nasaret ta ngas.

Dehet deng Aan in Nutus sas 5:34

Mo se na kon, muik atuli mes man daad leo-leo le pres dais na. Un ngala Gamaliel. Atuli mamo todan una, undeng un nia mo, at mes deng partei agama Farisi las gurun, man taan isi. Petrus aa hidi ka la, atuli las le keo una, mo Gamaliel hangu dili, le nahaku atuli las kil puting tahang Petrus nol un tapan nas.

Dehet deng Aan in Nutus sas 6:9

Lam muik atuil Yahudi deeh maas deng mana-maan katang. Oen deng kota Kirene, kota Aleksandria, propinsi Kilikia, nol propinsi Asia. Hmunan nua, atuil nias daid ata mo lako-laok kon oen tuang ngas sao one, tiata oen maas nakbua se Yerusalem. Taom oen taam lakos se um in kohe-kanas mesa, ngala, ‘Um in Bebas deng Ata.’ Oe mesan na, oen ming Stefanus in aa ka, mo oen kom lo, tiata oen mulai kaen nol Stefanus.

Dehet deng Aan in Nutus sas 9:1

Dedeng na, Saulus tao liing nol tao sus atuil in muid Lamtua Yesus sas tutungus. Un kon nuting lalan le keo tele one. Hidim un lako tutnaal nol tulu agama Yahudi las tulu tene ka,

Dehet deng Aan in Nutus sas 9:11

Ama Lamtua tekan noan, “Maa le. Ku laok nuting Auk atulin mesa. Laok se Lalan Lolo, se atuling mes uma, un ngala Yudas. Se na, ku keket atuling Tarsus mesa, man ngala Saulus. Halas ni, atuling na kohe-kanas.

Dehet deng Aan in Nutus sas 9:30

Mo nikit Lamtua Yesus atulin nas ming haup noan, atuli las nuting lalan daat son le keo tele Saulus, kon oen kil nolan lako se kota Kaisarea, se tasi suut mesa. Hidim oen tadu un lako napiut el kota Tarsus.

Roma 11:1

Tiata, auk le keket elia: bet mi nangan noan, “Undeng atuil Israel las dai hii-ming se Ama Lamtua Allah lo, tiata Un hutun soleng oen son.” Ela le? Loo! Ta auk kon daid deng one! Auk niam deng ngaal Benyamin. Benyamin ama ka, Yakob. Benyamin upu ka ngala Isak. Isak ama ka ngala Abraham, un nam mo, totoang atuil Israel las upu kia-kaon.

Korintus dua la 11:22

Oen atuil Ibrani esa-esa ke? Lam auk kon atuil Ibrani. Oen atuil Israel le? Lam auk kon atuil Israel. Oen nam mo upung Abraham in hua-koet te? Hao! Auk kon ela.

Galatia 1:14

Nol dedeng na kon, auk kom in muid agama Yahudi la isi, dui deng atuil Yahudi tenga man in umur tatai nol au ngas. Nol auk niam, man makoe dui in lako-daek muid kaim upu kia-kaon nas hadat ta, nol atorang agama las totoang.

Galatia 1:21

Hidi na kon, auk lakong se propinsi Siria nol propinsi Kilikia