Dehet deng Aan in Nutus sas 2:40 - Buk Niu In Hida Balu nol Dehet deng Apan-kloma ki in Dadi ka

⁴⁰ Petrus aa mamo nol oen nabael ela le tekas noan, “Halas nia, atuli mamo sose deng lalan in nuil toma ka son. Tiata mi musti doha-tidu, le halin tao muid atuil daat tas lalan na deken. Molam mi musti tao muid Ama Lamtua Allah lalan lolo ka tuun. Nini ela lam, mi haup in nuli napiut nol Una.”

Dehet deng Aan in Nutus sas 2:40 ပူးပေါင်းရင်းမြစ်များ

Matius 12:34

Mo mi niam banansila el ul man in nole-lilung daat ta! Mi muik tatahan in aa dais banan lo. Undeng asa man muik ne atuli li dalen na ka, man mam puti deng un baha ka.

Matius 16:4

Meman mi atuil udin ni, suma taan in tao dadaat sii! Mi dai toe muid Ama Lamtua lo! Tiata mi nodan taad herang kon no, Auk tao bel mi lo. Undeng hmunan nu Ama Lamtua bel taad herang nini Un mee-baah Yunus son. Tiata na nol son!” Aa hidi ela kon, Yesus lako nang one.

Matius 17:17

Ming ela kon, Yesus baet Un ima-ii las noan, “Hoeh! Mi niam lai-lisin son! Auk tui mi tutungus son, mo mi nangan taan babanan lo bii nabale. Nol mi kon parsai Auk baktetebes lo! Auk musti keeh nol mi didiin bling pait ta? Kil nol tana-ana na maa se nia!”

Matius 23:33

Mi niam daat baktetebes tuladang el ul in muik lasong nga. Mi bali noan mam Ama Lamtua Allah hukung mi lo ke? Nangan ela deken! Ta mam Un pasang tamang mi lakom ai naraka lu dalem!

Markus 8:38

Nangan ne! Halas ni atuil apan-kloma ki in daat ta bili-ngala. Oen toe muid Ama Lamtua lo. Tiata eta asii mae in muid Au, tamlom mae in kil Auk in tui ngas sam, mam Auk kon mae in hao un se Ama Lamtua Allah sila-mata ka. Ta Au, Atuling Baktetebes sia, mam Auk pait maang deng sorgang. Nol Ama Lamtua ima-ii in deng sorga ngas kon maas leo-leo nol Au. Kaim niu maang deng sorgang nini Auk Amang nga in kuasa man loe-liliman na, halas-sam atuli li taan noan, Auk niam mo asii.

Lukas 16:28

Ta auk muik paling biklobe at lim biis ne uas. Tadu Lasarus laok tekas le halin oen pait muid Ama Lamtua tia. Le halin eta oen mates sam, oen tamas se maan in susa-daat ni deken.’

Lukas 21:36

Tiata doha-doh tutungus. Mi in kohe-kanas sa nutus deken, le halin nam mi tahang nal se in susa ngas totoang dalen. Nini ela lam, eta Auk pait maang son nam, mi mae in dil se Atuling Baktetebes sa sila ka lo.”

Yuhanis 21:25

Nol muik dais didang mamo, man Yesus dakes. Eta muik atuli le dul totoang deng Yesus in nikit Un osa la, didiin hidi ka lam, auk nataka le apan-kloma mes tetema kon no, dulu nal in dula nas totoang lo. Ela tuun tia, Yuhanis

Dehet deng Aan in Nutus sas 10:42

Tiata, Ama Lamtua man tadu kaim le laok tek langa-langa deng Yesus, Atuling man Un tulu meman son deng hmunan nua ka. Nol Ama Lamtua kon nikit Yesus le daid Atuil in Nutus Dasi, taung atuil in maet son, nol atuil in nuil nabale ngas, noan, asii man haup in nuli napiut nol Ama Lamtua Allah, mo asii man lo ka.

Dehet deng Aan in Nutus sas 15:32

Yudas nol Silas nam kon, Ama Lamtua mee-baha. Oen duas nahdeh mamo nol atuil in parsai se kota na ngas. Oen tui-teka nol tao tes atuil nas dalen nas.

Dehet deng Aan in Nutus sas 20:11

Kaim totoang dalen kolo, undeng tana-biklobeng na nuli pait baktebes. Hidi nam oen nolan pait lako un uma lua. Mo kaim saek pait lakom hnoden tilu lu dapang, le daad kaa leo-leo se lang. Kon nam Paulus tupang un dehet ta didiin ohkaong. Nikit lelo la sake kon, un seon kaim le boka lako.

Dehet deng Aan in Nutus sas 20:2

Lius se lua kon, un laok pukiu ingu-iung in se la ngas, le tao teken atuil in parsai ngas dalen nas. Un tao ela didiin un tama lako atuil Yunani las mana.

Dehet deng Aan in Nutus sas 20:21

Auk kon tek atuil Yahudi las, nol atuil Yahudi lo kas noan, oen musti tenes deng oen in kula-sala ngas, le muid se Ama Lamtua Allah. Nol oen kon musti parsai se Yesus, kit Lamtuan na.

Dehet deng Aan in Nutus sas 20:24

Auk tanan son le baktetebes ela, undeng Lamtua Yesus man kom le bel auk lepa-haal in dake nia. Le halin laok tek atuli las deng Dehet Dais Banan na noan, Ama Lamtua namnau kita, nol Un kon tulu Un dalen banan na bel kita. Eta auk tao muid Un in koma ka, le daek nuli os ni lo kam, auk nangan nam auk in nuli ki muik nahin lo.

Dehet deng Aan in Nutus sas 20:9

Ta muik tana-biklobeng muda mesa, ngala Yutikus, daad se jendela la. Un kon muid le hii deng Paulus in dehet ta. Mo nesa-nesang kon, un mata tede ta un niin nala. Nahkitu lam, un nahi deng jendela la, ti mate meman.

Dehet deng Aan in Nutus sas 28:23

Hidi kon, oen kom leo-leo le huil lelo mesa, halin oen tutnaal apa pait. Lius un lelon na kon, atuli hut mamo maas nakbua se Paulus uma. Kon un nahdehes deng Ama Lamtua Allah in prenta ka. Un kat bango mamo deng upung Musa buku la, nol deng Ama Lamtua mee-baah tenga las in dula ka, le halin kil nol oen in nangan na lako bus el in parsai se Lamtua Yesus. Un dehet deng oskaong nga, lako pes lelo-maun.

Dehet deng Aan in Nutus sas 4:36

Tuladang el Yusuf, deng nusa Siprus. Un niam mo Lewi in hua-koet. Ama Lamtua atulin in nutus sas ngali un noan, ‘Barnabas’, nahin na noan, ‘atuil in hulung atuil didang le halin makoe’. Un lako hee un dale teb mesa, hidim un duit ta, un laok belen se Ama Lamtua anan in nutus sas.

Korintus dua la 5:20

Kit daid Kristus atulin in nutus son. Tiata, Ama Lamtua Allah pake kit le kil pait atuli lia, halin oen haup in dame nol Una. Undeng kaim daid Kristus atulin in nutus son, tiata kaim kon nodan mi noan, “Ama Lamtua kom isi le mi babanan pait nol Una.”

Korintus dua la 6:17

Tiata Ama Lamtua kon dul elia, “Mi musti putim deng oen hlala ka, le bakisan deng one, halin mi daid banansila el oen deken. Mi dalen nas musti niu'. Hidim, mi musti nuil katang deng totoang asa man in tao mi le dalen hmomos sas, nini ela lam, Auk sium mi nol babanan.

Galatia 5:3

Eta atuli li sium sunat tam, un musti lepa-haal pait atorang nas totoang. Mi nangan neta tam lo ka? Ta hmunan nu auk tek mi meman son.

Efesus 4:17

Hii babanan asa man auk in le tek mi kia, undeng auk Lamtuan na esa man tek au. Mi nuil pait banansila el atuil in taan Ama Lamtua Allah lo ngas deken. Ta asa man oen in tao ka, muid oen in ngengo ka tuun.

Filipi 2:15

Tao ela, le halin mi daid atuil in dalen niu, nol atuil in muik kula lo. Mi nulim ne atuil in daek dadaat nol atuil in nole-lilung daat tas hlala. Mo mi muid oen deken! Ta mi in nuli ka musti niu, undeng mi nam Ama Lamtua anan. Hidim mi in nuli ka musti kaloe' le tulu beles lalan, banansila el langa man in kaloe le laang apan-kloma kia ka.

Tesalonika mesa la 2:11

Mi tana noan, kaim papa-piaar mi totoang, banansila el ama in hua mes man papa-piaar un anan nas sa,

Timutius mesa la 4:16

Nas elia: doha-tiud le halin ku nuil lolo tutungus. Nol doha-tiud le halin ku in tui ka tom tutungus. Eta ku kil dididi nol nas totoang ngam, mam Ama Lamtua sai lalan bel ku nol atuli-atuil man in hii-ming se ku ngas, le halin nam mi holoat deng in daat tas.

Petrus mesa la 5:12

Silas tulung au le dul surat dadaen nia. Un nam mo, kit kaak-palin in parsai, nol un nam auk im kanan. Auk tui-tek mia, le halin mi tahang dididi, undeng Ama Lamtua kom le tulu Un dalen banan na bel kit tutungus. Tiata mi dil tingan le hoen deken.