Dehet deng Aan in Nutus sas 2:4 - Buk Niu In Hida Balu nol Dehet deng Apan-kloma ki in Dadi ka

⁴ Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Dehet deng Aan in Nutus sas 2:4 ပူးပေါင်းရင်းမြစ်များ

Matius 10:19

Mo eta oen pel nol mi lakom ela lam, mi lii deken noan, ‘Lakom auk aa noan saa? Tamlom auk siut elola la?’ Nangan le lii ela deken, ta lius un oras sa lam, mi Aman in ne sorga ku tek bel mi in aa elola ka.

Markus 16:17

Nol atuil in parsai Au ngas, mam oen tao taad herang bili-ngala, le halin atuli las totoang tana, noan, oen in kuasa ka, meman maa deng Ama Lamtua. Tuladang el, mam oen nulut nal uikjale kas nini Auk ngala ngia. Nol mam Ama Lamtua Allah tao oen le aa nini dais didang man oen tanan lo.

Lukas 1:15

Ama Lamtua Koo Niu ka leo-leo nol una, kilan deng un ina ka in beeh una ka. Un musti luil totoang in ninu man tao le mahu ngas. Oras un tene maa ka, Ama Lamtua Allah pake un daid atuil tene.

Lukas 1:41

Nikit Elisabet ming Maria in biu le aa noan boa-blingin na kon, tana-ana in se un tain dalen na ka sapan. Ti Ama Lamtua Koo Niu ka maa tama se Elisabet.

Lukas 1:67

Nikit Sakarias aa nal pait tukun nam, Ama Lamtua Koo Niu ka maa tama se una. Tiata un tek noan,

Lukas 12:12

Ta se oras na lam, Ama Lamtua Allah Koo Niu ka tui mi in teka-teka man tom nol in siut one.”

Lukas 21:15

Ta mam Auk bel mi in teka-teka man tom nol in siut puting apan. Nini ela lam, mi musu las taan le aa elol pait ta lo.

Lukas 4:1

Nikit Yuhanis sarain hidi Yesus kon, Yesus lako nang palun Yordan. Ama Lamtua Koo Niu ka leo-leo nol Una. Hidim Koo Niu ka kil nol Un lako se maan in ete tuun mesa.

Yuhanis 14:26

Mo nesang lo ka kam, Auk Amang ngu le niung In Hulung mesa, na Un Koo Niu ka. Koo Niu na, seda Auk se apan-kloma kia. Un osa la na mo: tui totoang dasi lias bel mia, nol tek nuting mi pait deng totoang dais man Auk in tui-tek net mi son nas.

Yuhanis 20:22

Un aa hidi ela kon, Un lako dadani one, le huu Un Hngasa ka laok se oen mesa-mesa. Hidim Un tekas noan, “Auk bel Ama Lamtua Koo Niu ka se mia. Sium Una.

Dehet deng Aan in Nutus sas 1:8

Mo mam etan Ama Lamtua Allah Koo Niu ka maa tama se mi son, halas-sam mi haup kuasa. Hidi kam mi musti laok tek atuli las totoang deng Au. Tek atuil in se kota Yerusalem nol totoang ingu-iung in se propinsi Yudea, nol propinsi Samaria, napiut lako lius se apan-kloma ki suut-suut tas.”

Dehet deng Aan in Nutus sas 10:46

Oen ming atuil in se Kornelis uma la ngas, aa nini dasi bili-ngala, nol oen naka-nahalit Ama Lamtua Allah. Hidi kon Petrus tek noan,

Dehet deng Aan in Nutus sas 10:47

“Mi ngat esan tuun! Atuil nias sium Ama Lamtua Koo la son, banansila el kit kon. Tiata, maa le kit sarain oen tia. Ta muik in tukan-palan pait lo son.”

Dehet deng Aan in Nutus sas 11:15

Undeng na, tiata auk mulai tulu beles Ama Lamtua Lalan in Nuli ka. Nahkitu lam, Ama Lamtua Koo Niu ka maa tama se atuil nas totoang, banansila el hmunan nu in daid son nol kita ka.

Dehet deng Aan in Nutus sas 13:52

Mo atuli-atuil man parsai Lamtua Yesus son se Antiokia ngas, dalen kolo, undeng Ama Lamtua Koo Niu ka tao tes oen dalen nas.

Dehet deng Aan in Nutus sas 13:9

Mo Ama Lamtua Koo Niu ka bel Saulus (man oen noken kon noan Paulus) kuasa, ta un dodon mata ka le ngat nakekeon atuling in nodo-laos daat na. Hidim un tekan noan,

Dehet deng Aan in Nutus sas 15:8

Ama Lamtua taan totoang atuli li dalen nia. Nol Un man bel Un Koo Niu ka se one, banansila el Un in bel kita ka kon. Nini ela lam, kit tana noan, Ama Lamtua kon sium one.

Dehet deng Aan in Nutus sas 19:6

Ta nikit Paulus nene ima ka se oen bon nas le kohe-kanas kon, Ama Lamtua Koo Niu ka, niu lako se one. Hidim oen mulai aa nini dasi bili-ngala, man oen tanas lo. Nol Ama Lamtua kon pake oen le tek deng asa man lako-lako lam dadi.

Dehet deng Aan in Nutus sas 2:11

muik in maa kon deng nusa Kreta, nol teng deng dale Arab. Kit tenga lias atuil Yahudi, nol muik kon atuil deng bangsa-bangsa didang, man tamas daid agama Yahudi. Molam kit totoang ming haup atuil nias aa deng sa-saa in muun isi, man Ama Lamtua Allah in daek hidi son nas nini kit dasi-dehet mesa-mesa. Wuih, ni muun isi!”

Dehet deng Aan in Nutus sas 2:3

Hidi kon oen ngat tam ai kaloe naih bating-bating lako se oen mesa-mesa dapas.

Dehet deng Aan in Nutus sas 4:31

Oen kohe-kanas mamaus ela lam, um man oen in nakbua na heheko. Hidim oen totoang haup Ama Lamtua Koo Niu ka. Tiata oen putis le lakos tek Ama Lamtua Allah Dehet Dais Banan na nol in buni-buni lo.

Dehet deng Aan in Nutus sas 4:8

Kon Ama Lamtua Allah Koo la tao Petrus le brani, ta un siut noan, “Amas totoang, man daid atuli-atuil tene nol blalan-blalan hadat deng bangsa Israel! Komali deken ta kaim nangan taan amas in keket na isi lo.

Dehet deng Aan in Nutus sas 6:3

Tiata kaim in nangan na elia: banan dui ka, mi huil nal atuli at iut deng mia la. Nuting atuil man in ngala banan, un doh taan apa ka, un taan dasi-dehet mamo, nol Ama Lamtua Koo Niu ka ator un in nuli ka. Eta mi huil nal atuil in ela son nam, mam kaim nikit oen le urus in kaa-ninu kia.

Dehet deng Aan in Nutus sas 6:5

Tiata oen tade muid Petrus in teka ka. Kon oen huil atuli at itu. Atuil nas ngalan nas elia: Stefanus, un nam parsai Lamtua Yesus baktetebes, nol Ama Lamtua Koo Niu ka pake una. Nol un tapan tenga las ngalan nas elia, Filipus, Prokorus, Nikanor, Timon, Parmenas, nol Nikolas man maa deng kota Antiokia. Un atuil Yahudi lo, mo un tama agama Yahudi son.

Dehet deng Aan in Nutus sas 6:8

Dedeng na, Ama Lamtua Allah tulu un dalen banan na mamamo bel Stefanus. Un kon bel Stefanus kuasa le daek nal tada-taad herang nol dasi-dais in muun isi ngas, le halin atuil hut mamo kas ngat net nol matan beas esan.

Dehet deng Aan in Nutus sas 7:55

Mo Stefanus haup kuasa deng Ama Lamtua Koo Niu ka, ta un botas ngat lako bus el apan nua lam, un ngat net totoang Ama Lamtua Allah in loe-liliman na. Un kon ngat net Lamtua Yesus dil se Ama Lamtua Allah halin kanan na, se maan in todan-lahing dudui ka.

Dehet deng Aan in Nutus sas 9:17

Ming Ama Lamtua tek ela kon, Ananias lako se um na, le tutnaal Saulus. Hidim un nene ima ka laok se Saulus le tekan noan, “Kaka Saul. Lamtua Yesus man kaka netan se lalan nua ka, man lok auk halin maa tutnaal nol kaka. Un lok auk le kohe-kanas nol nene imang ngi se kaka, le halin nam kaka ngat net pait. Nol Un kon kom le kaka sium Un Koo Niu ka.”

Roma 15:13

Ama Lamtua daid peke deng totoang man kit in nahlae ngas. Eta mi parsai se Una lam, Un man tao mi dalen nas kolo nol hutluul lo. Nang le Ama Lamtua Koo Niu ka in kuasa ka, tao tes tapnaeng mi in parsai ka, deng asa man Un le dake ngas.

Korintus mesa la 12:10

Tenga las pait, sium kuasa le tao taad herang bili-ngala, halin tulu bel Ama Lamtua Allah in muun-tes sa. Teng pait sium kuasa le tek Ama Lamtua in hida ngas bel Un atulin nas. Tenga las pait sium kuasa le taan haup koo ol man butu-kil nol Ama Lamtua Allah, nol ol man lo kia. Teng pait sium kuasa le aa nal nini dasi bili-ngala. Tenga las pait, sium kuasa le tek puting dais nas nahin na.

Korintus mesa la 13:1

Eta noan auk aa taan nini totoang dasi lias, dais deng atuli lia tamlom, dais deng Ama Lamtua ima-ii in ne sorga nguas, mo auk muik in neka-namnau bubuit lo kon nam, un ambak ki saa la? Auk in aa ka muik nahin lo, banansila el kong man lin dahu-dahut tuun na, tamlom tong blo ka lin na.

Korintus mesa la 13:8

Namnau ka na mo, tene tahan lo. Mo asa man Ama Lamtua mee-baha las in nahdehe ngas, lako-lako lam parlus pait lo ka. Nol atuli li aa nini dasi bili-ngala kon, lako-lako lam pake dais nas lo ka. Ta asa man atuil in tana ngas, tanas, lako-lako lam muik ambak pait lo.

Korintus mesa la 14:18

Bet mi taan lo, mo auk aa nini dais didang mamo dui deng mi totoang. Nol auk nodan mamo se Ama Lamtua, lole Un man tao auk le auk aa nal ela.

Korintus mesa la 14:5

Auk in koma ka le mi totoang aa nal nini dais didang. Mo auk in kom dui pait ta lam, mi aa nal le tek deng Ama Lamtua in hida ka. Ta atuil in aa le tek deng Ama Lamtua in hida ngas sa, muik ambak mamo dui deng atuil in suma aa nal nini dais didang ngas. Eta aa nini dais didang ngam, na kon banan, sadi muik atuli in tek puting dais nas nahin na. Nini ela, in hida na tao nal totoang atuil in se jemaat na ngas, kuat-tes tapnaeng, le halin oen nangan tana.

Efesus 5:18

Mahum deken, lo kam in ninu na mana-koet mia. Mo sai mi dalen nas le halin Ama Lamtua Allah Koo Niu ka man mana-koet mia.

Efesus 6:18

Eta mi le dil dididi kam, mi musti kohe-kanas tutungus nini Ama Lamtua Allah Koo Niu ka in kuasa ka. Doh tutungus, nol teen in kohe-kanas bel totoang Ama Lamtua atulin nas deken.

Petrus mesa la 1:12

Mo Kristus Koo Niu ka tekas noan, oen man net dais nias lo, molam mi man net dais nias. Undeng na, le halas ni mi kon ming deng dais nias, ta Ama Lamtua Koo Niu in deng sorga ka lok atuil didang son, le laok tek Ama Lamtua Dehet Dais Banan na bel mia. Molota, Ama Lamtua ima-ii in deng sorga nguas kom isi, le ngat net dais nias kon.

Petrus dua la 1:21

Undeng asa man oen dul son nas, putis deng asa man oen kom le aa tuun nas lo. Molam nas putis deng Ama Lamtua Allah, muid asa man Un Koo Niu ka in tulu bel one ka.