Dehet deng Aan in Nutus sas 2:27 - Buk Niu In Hida Balu nol Dehet deng Apan-kloma ki in Dadi ka

²⁷ Ta Un nang soleng auk hmanging ngi napiut se atuil in mate ngas mana la lo. Nol Ama Lamtua nang Un Atulin Niu ka aap-sisin na, le daat se bolo dalen lo.

Dehet deng Aan in Nutus sas 2:27 ပူးပေါင်းရင်းမြစ်များ

Matius 11:23

Atuil Kapernaum me! Doha loo! Mi nangan noan, mam Ama Lamtua nikit sakeng mi lakom sorgam deken. Ta ela loo! Mam Ama Lamtua pasang tamang mi lakom se naraka lua! Eta noan tada-taad herang man Auk in tao se mi ingu la ngas, daid muna se kota Sodom mam, taon elola ko Ama Lamtua Allah tao didaan kota na lo. Ta eta atuil Sodom mas net taad herang nias sam, taon elola ko oen nang soleng oen in daat tas son.

Markus 1:24

“Hoeh! Yesus atuil Nasaret! Ku le tao saa kami la! Ku le maa tao didaan kami le? Kaim taan Ku! Ku niam mo, Atuling man hmunan nu Ama Lamtua Allah in hid son, le belen maa ka. Ku niam, Ama Lamtua Atulin Niu', man muik kula-sala lo!”

Lukas 1:35

Kon ima-ii na situn noan, “Elia! Mam Ama Lamtua Allah Koo Niu ka maa se ku. Nol Ama Lamtua Allah in Lapa Dudui ka nini Un kuasa la, le buba-kabut ku. Nini ela lam, tana-ana man ku in hua na, niu baktetebes, lole mam Ama Lamtua Allah noken noan, Un nam Auk Anang esa.

Lukas 16:23

Mo un tama sorga lo. Un tama lako naraka, leo-leo nol atuil mamo in mate ngas. Se na, un tom in tudan-kida nol susa-daat tutungus. Oe mesan na, un botas sila ka lam, un ngat net Lasarus daad bana-banan se upung Abraham halin na.

Lukas 24:44

Hidim Un tekas noan, “Elola la? Mi nangan net oras Auk in leo-leo nol mi hmunan nua ka, ta lo? Lelon na, Auk tek mi son noan, totoang man Ama Lamtua Allah mee-baha las in dul son deng Au ka, musti dadis. Nas deng upung Musa, deng mee-baah tenga las, nol deng buk in Naka-nahalit tas.”

Lukas 4:34

“Hoe! Yesus atuil Nasaret! Ku le tao saa kami la! Ku maa le tao didaan kami le? Kaim taan Ku. Ku niam, Atuil Niu, man hmunan nu Ama Lamtua Allah hid son le tunang maa ka.”

Yuhanis 11:39

Yesus lok atuil in se la ngas noan, “Pekot bian batu li le sai liang ngi hnitan nia!” Mo Marta, atuling in mate ki kaka ka kaing Yesus noan, “Idah, deen tia Tuang! Un mate lelo aat son ta, taon elola ko buin isi.”

Dehet deng Aan in Nutus sas 2:26

Tiata auk daleng ngi kolo; hidim auk naka-nahalit Un tutungus, nol auk kon hii-natang Una.

Dehet deng Aan in Nutus sas 2:28

Ama Lamtua tulu bel auk lalan in nuil toma ka son. Undeng na, auk daleng ngi kolo isi, lole Ama Lamtua leo-leo nol auk tutungus.’ Ni man laih Daud dul pesang son lolo hmunan nua.

Dehet deng Aan in Nutus sas 2:31

Dedeng na, laih Daud ngat katang laok el mata lua. Nol Un tek muna deng Atuling man Ama Lamtua in tulu meman son na. Mam Atuling na mate, mo Un nuli pait deng Un in mate ka. Hidim laih Daud kon tek noan, Atuling na daad napiut se atuil in mate ngas mana la lo, nol un aap-sisin na kon daat lo.

Dehet deng Aan in Nutus sas 3:14

Mo Yesus nam muik kula-sala lo. Un dalen na banan isi. Gubernur ra le sao Atuling man in muik kula-salan lo na, mo mi totoang labang una. In daat dudui pait ta, mi hode-lokot le nahaku una halin sao pait bel mi atuling daat mesa, man keo atuil tutungus.

Dehet deng Aan in Nutus sas 4:27

Asa man upung Daud in dula ka, halas ni daid son. Nol un nahin na kon, halas ni daid langa son. Meman se kota ni, laih Herodes nol gubernur Pontius Pilatus, blalan-blalan Israel las, nol tulu-tulu deng bangsa-bangsa didang ngas nakbua son. Hidim oen koo mesa, le labang Yesus, Atuling man Ama Lamtua hulin meman son na.

Korintus mesa la 15:52

Se oras klingu la lin puis hesa ka, totoang nias dadis nol nahkekan tuun. Hlapat dui deng ku matam ma in hebet ta. Ta klingu la lin nam, oras na kon atuil in mate ngas nulis pait. Nol eta oen nulis pait son nam, oen mates pait lo ka, nol oen kon daat sisakes pait lo ka. Ela kon nol kita. Kit totoang daid hnika-tuladang balu.

Korintus mesa la 15:55

“Hoe Hmate! Ku in kuasa ka ne ola ka? Hoe Hmate! Ku elen ni ne ola ka?”

Yuhanis mesa la 2:20

Mo mi banansila el oen lo. Lole mi sium Ama Lamtua Atulin Niu ka Koo la son. Nol Un tulung mi son, le halin mi totoang taan asa man in toma ka.

Apan-kloma Hnika Balu 1:18

Hmunan nu Auk mateng, mo halas ni ku ngat le, Auk nuling pait son! Nol mam Auk nuling napiut didiin hidi nutus taan lo. Auk kon man kil kunci in sai atuil hmate kas mana la, le beles nulis pait.

Apan-kloma Hnika Balu 20:13

Totoang atuil in mateng nas, maas le dil saol del in prenta ka. Oen totoang nam, atuil in maet son, se dale-dapa kia, tamlom se tasi daleng ngas. Kon nam Ama Lamtua Allah nutus oen dasi las mesa-mesa, muid oen in dake-mana kas.

Apan-kloma Hnika Balu 3:7

Hidim Atuling Baktetebes sa aa napiut noan, “Yuhanis, ku musti dul surat didang mes pait, isin na elia: ‘Taung jemaat se kota Filadelfia: Surat ni deng Au, Yesus. Auk niam, Niu nol Toma. Auk man kil laih Daud kunci la. Eta Auk sai hnita ka lam, muik in hep nalan pait lo. Nol eta Auk hepan nam, muik in sai nalan lo.