Dehet deng Aan in Nutus sas 16:7 - Buk Niu In Hida Balu nol Dehet deng Apan-kloma ki in Dadi ka

⁷ Kon nam oen lakos lius se mana mesa, dadani nol propinsi Misia toon na son, mo oen lakos napiut se las lo. Oen le soba-naan taam lakos propinsi Bitinia, molam Lamtua Yesus Koo la kaing oen pait, le laok se maan na deken.

Dehet deng Aan in Nutus sas 16:7 ပူးပေါင်းရင်းမြစ်များ

Lukas 24:49

Mam Auk tunang Koo Niu, man Auk Amang ngu in hid son na maa. Mo mi musti natang se kota Yerusalem, didiin mi sium nal kuasa deng sorga.”

Dehet deng Aan in Nutus sas 16:8

Tiata oen lakos muid propinsi Misia, le niu lakos se kota Troas, man dani nol tasi suut.

Dehet deng Aan in Nutus sas 8:29

Kon nam Ama Lamtua Koo Niu ka lok Filipus, halin laok dadani nol kereta na, le tutnaal atuling na.

Roma 8:9

Mo mi niam, atuil in nuil dadaat muid mi in koma-koma ngas pait lo son. Ta eta Ama Lamtua Koo la nuli ne mi dalen nas sam, mi daek nal dasi-dais man in tao Un le dalen kolo. (Mo eta muik atuli, man Kristus Koo la nuli se un dalen na lo kam, un kon daid Ama Lamtua nenan lo.)

Galatia 4:6

Undeng mi daid Ama Lamtua Allah anan son, tiata Un bel Un Ana ka Koo Niu ka maa son, le tama se mi dalen nas. Nini ela, mi muik hak le haman Ama Lamtua Allah noan, “Ama Namnau”.

Filipi 1:19

undeng auk tana noan, mi kohe-kanas bel au, nol Yesus Kristus Koo Niu ka tulung au. Tiata mam auk musu las tao dudus nal auk lo.

Petrus mesa la 1:1

Surat ni deng au, Petrus, man Yesus Kristus atulin in nutus. Auk dul surat ni taung mi totoang, man Ama Lamtua Allah huil nal son nas. Mi nuil holhising ne mana mamo se propinsi Pontus, propinsi Galatia, propinsi Kapadokia, propinsi Asia, nol propinsi Bitinia. Kaka-pail in namnau me! Deng hmunan nua, Ama Lamtua Allah huil nal mi meman son, le daid Un atulin. Un Koo Niu ka tao mi le daid niu taung Una, le halin mi tao muid totoang prenta man Yesus Kristus in bel mia ngas. Nol eta mi tao muid totoang Un in prenta ngas sam, na banansila el Ama Lamtua hiti Yesus dala ka bel mia, le daid tada noan, mi daid niu son, taung Una. Auk kohe-kanas le Ama Lamtua Allah tulu Un dalen banan na bel mia, halin lelo-lelon nam mi in nuli ka, banan tapnaeng, tetesa, nol dame.

Petrus mesa la 1:11

Kristus Koo Niu ka daek ne oen dalen nas le tek meman noan, mam Kristus musti tom in susa, nol nini lalan elola, le Un haup susa-daat, hidi nas totoang halas-sam Ama Lamtua nikit Un lapa-lapa. Tiata mee-baha las nuting le taan noan, dais nias bling dadi la.