Dehet deng Aan in Nutus sas 16:18 - Buk Niu In Hida Balu nol Dehet deng Apan-kloma ki in Dadi ka

¹⁸ Tana-bihatang na haman mumuun napiut ela lelo ila lo, tiata nesang lo kon Paulus nonos nol un in tao ela ka. Kon nam un bali le ngat nakekeon tana-bihatang na, hidim un prenta uikjale ka noan, “Hoe! Uikjale daat! Nini Lamtua Yesus in kuasa ka, auk tadu ku le puti deng tana-bihatang ni tia!” Paulus aa hidi ela kon, uikjale ka puti meman.

Dehet deng Aan in Nutus sas 16:18 ပူးပေါင်းရင်းမြစ်များ

Matius 14:24

Oras na lam, Un ima-ii las lui la lako katang se tubu hlala son. Mo oen tuku-bes bosor isi, undeng lui la lail saol angin, nol len tene kas kon pokas-pakis lui la.

Markus 1:34

Atuli las in ili ka bili-ngala', mo Yesus taih banan oen totoang. Nol Un nulut soleng uikjale mamo kose'. Mo undeng uikjale kas taan Una, tiata Un beles aa saa lo.

Markus 16:17

Nol atuil in parsai Au ngas, mam oen tao taad herang bili-ngala, le halin atuli las totoang tana, noan, oen in kuasa ka, meman maa deng Ama Lamtua. Tuladang el, mam oen nulut nal uikjale kas nini Auk ngala ngia. Nol mam Ama Lamtua Allah tao oen le aa nini dais didang man oen tanan lo.

Lukas 9:1

Oe mesan na, Yesus haman nakbua Un ima-ii at hngul dua kas, hidim Un bel oen kuasa le nulut nal uikjale, nol tao banan nal atuli las deng oen ili koed-ngasing ngas.

Dehet deng Aan in Nutus sas 3:6

Mo Petrus tekan noan, “Kaka! Auk muik duit seng mes lo kon. Mo auk le bel ku asa man auk mukin halas nia. Kaka hii babanan ne! Nini kuasa deng Yesus Kristus, atuling Nasaret ta, auk tadu ku hangu dili, le laok tia!”

Dehet deng Aan in Nutus sas 9:34

Kon Petrus tekan noan, “Eneas! Yesus Kristus le tao banan ku leol neot nia. Tiata, hangu tia! Le mana ku maan in nini ka!” Ming ela kon, atuling na hangu meman.

Kolose 2:15

Se na, Un tao tehen in kuasa deng mitang ngas nol in prenta dadaat tas totoang. Hidim Un tao nahmaeng oen se atuil hut mamo sila. Na banansila el tentara las nal se in hote-dati, le pait tam laok pukiu oen ingu la, halin tulu-balang noan oen musu las tehen son.