Dehet deng Aan in Nutus sas 15:7 - Buk Niu In Hida Balu nol Dehet deng Apan-kloma ki in Dadi ka

⁷ Kon nam oen huli-bali lako-pait nesang. Hidi nam, Petrus hangu dili, le tek noan, “Kaka-paling totoang! Mi taan esan son noan, hmunan nu Ama Lamtua tulu auk son, deng mi hlala ka, le laok tek Lamtua Yesus Dehet Dais Banan na bel atuil Yahudi lo kas. Ta Ama Lamtua kon, kom le oen parsai se Lamtua Yesus.

Dehet deng Aan in Nutus sas 15:7 ပူးပေါင်းရင်းမြစ်များ

Yuhanis 15:16

Mi huil Auk lo. Molam Auk man huil mia, nol nikit mi le lako-daek os nia. Tiata mi musti lako-daek dais banan man in tahang nal nesang ngas mamamo. Ta na banansila el anggor ina mesa, man puting isin banan tutungus sa. Eta mi tao ela lam, mi nodan asa tuun se Auk Amang ngua lam, mam Un tao bel mias.

Yuhanis 3:27

Yuhanis situs noan, “Elia! Etan Ama Lamtua Allah in ne sorga ku sai lalan bel atuli li lo kam, atuli li tao nal saa lo.

Dehet deng Aan in Nutus sas 1:16

“Ina-amang nol pali-kakang totoang! Bet mi nangan net Yudas nabale, man hmunan nu kil nol un atulin nas bua mes le laok daek Yesus sa. Totoang man in daid nol Yudas sa, meman musti ela. Lole hmunan hesa kua, Ama Lamtua Allah Koo Niu ka pake laih Daud, le dul meman deng Yudas ela son.

Dehet deng Aan in Nutus sas 1:24

Kon nam oen kohe-kanas noan, “Ee, Ama Lamtua man in ne maan lalapa kua! Ama taan parsis totoang atuli li dalen. Yudas nahi le mate nang soleng un osa la son. Tiata Ama Lamtua tulu bel kaim deng atuil at dua nias, asii man Ama hulin le seda Yudas. Le halin nam kaim nikit un daid Lamtua Yesus atulin in nutus.”

Dehet deng Aan in Nutus sas 10:19

Dedeng na lam Petrus nangan un in natloa ka nahin na nabale, mo Ama Lamtua Koo Niu ka tek un noan, “Hoe Petrus! Muik atuil ne dale kua, oen maa nuting ku.

Dehet deng Aan in Nutus sas 10:20

Ku niu le laok mudis tia. Lii-tiud deken. Oen nam atuil Yahudi lo kon no, ku tao muid atuil Yahudi li hadat ta le nikis oen nol noken oen atuil hmomos deken. Ta Auk man lok oen le maa taap ku.”

Dehet deng Aan in Nutus sas 13:2

Oe mesan na kon oen telang, nol nakbua le todan-lahing se Ama Lamtua Allah. Kon nam Ama Lamtua Koo Niu ka tek oen noan, “Huil nal Barnabas nol Saulus. Ta Auk osa mamo. Oen duas musti daek os man Auk in ator bel oen son nia.”

Dehet deng Aan in Nutus sas 15:14

Kaka Petrus halas-sam nahdeh hidi kit noan, Ama Lamtua Allah nikit atuli-atuil man Yahudi lo kas, le halin oen tamas daid Lamtua Yesus atulin son.

Dehet deng Aan in Nutus sas 15:2

Mo Paulus duas Barnabas labang muun isi nol atuil nas in tui ka. Tiata oen kaen apa muun isi. Paulus nol Barnabas tekas noan, “Mi kula! Bangsa Yahudi lo man parsai se Lamtua Yesus son nas, tao muid atuil Yahudi li hadat sunat ta deken tia!” Undeng oen labang apa ela, tiata oen kom leo-leo le nutus Paulus duas Barnabas, nol oen tapan teng pait deng Antiokia, le kil dais na bel Ama Lamtua anan in nutus sas, nol blalan-blalan Kristen in se Yerusalem mas.

Dehet deng Aan in Nutus sas 15:39

Tiata Paulus duas Barnabas kaen apa muun isi nol dais na, didiin oen duas laok bakisan lalan. Kon Barnabas kil nol Markus, le oen duas saek lui ina le lakos lius se nusa Siprus.

Dehet deng Aan in Nutus sas 20:24

Auk tanan son le baktetebes ela, undeng Lamtua Yesus man kom le bel auk lepa-haal in dake nia. Le halin laok tek atuli las deng Dehet Dais Banan na noan, Ama Lamtua namnau kita, nol Un kon tulu Un dalen banan na bel kita. Eta auk tao muid Un in koma ka, le daek nuli os ni lo kam, auk nangan nam auk in nuli ki muik nahin lo.

Dehet deng Aan in Nutus sas 21:16

Muik atuil in parsai at ila lo deng Kaisarea, man muid leo-leo nol kami. Oen nol kaim lakom lius se uma mesa, le kaim ninim tahang se lang. Um na lamtua ka, ngala Manason. Un atuil deng nusa Siprus. Nol un kon parsai se Lamtua Yesus nesang son.

Dehet deng Aan in Nutus sas 3:18

Molota Ama Lamtua Allah tek meman son lolo hmunan nua, nini Un mee-baha las noan, Kristus, Atuling man Un hulin son na, musti lepa-haal in susa-daat. Meman dais na dadi son.

Dehet deng Aan in Nutus sas 4:25

Hmunan nu Ama Lamtua Koo Niu ka pake upung Daud le daid Ama Lamtua mee-baha. Un tek meman son noan, mam atuli labang nol Yesus. Un kon dul noan: ‘Atuil deng bangsa-bangsa didang komali son undeng dehet hlales-angin; Oen tao dadahut tuun le tao dais man in muik tula-peke lo ngas.

Dehet deng Aan in Nutus sas 9:15

Mo Ama Lamtua tek Ananias pait noan, “Ela kon no, ku laok tia! Ta Auk huil nal un son, le laok sai lalan. Mam un man kil Auk Dehet Dais Banan na bel bangsa-bangsa didang ngas, lahi-lahi las, nol bel atuil Israel las kon.

Filipi 2:14

Hidim eta mi tao asa tukun nam, sua-sangit nol kaen apa deken.